OVA LE 'AI PINATI

O le toeaina o Atama e fiafia tele e ai pinati peitai e faasa e le olomatua leaga e oso so’o ai ni isi o amioga e le manuia pe a tumu tumu tagata. Oo i le aso fanau o le toeina, manatu loa le olomatua o le fai se mea e faafiafia ai o ia ina ia ‘Surprise’ ai o ia i lona aso fiafia. Fai atu loa le fafine, "Aua e te ave 'esea le 'blindfold' lea o le tu'u atu ia te oe."ae fesili le toaeina, "O le a lena mea ?." tali le fafine, "Tau lava o le usita’i i le tala lea e fai atu."

Taitai mai e le fafine ma ave atu i tua i le potu 'ai, nofo loa i luga o le nofoa, e le'i umi ae tatagi mai loa le telefoni fale i luma, faalogo atu le tamaloa ua savali le fafine i le telefoni.

Ia faasaga ae loa le toeaina ma fai loa le mea masani ai, 'a tumu le manava i le pinati, ia o le mafaufau ia o le isi mea e fai mai, e pa lana fana i tele o taimi. Talu le faiga a le pinati.

Faalogo atu o la e talanoa mai lava le fafine i le telefoni, ia toe faapa le faiga o le tamaloa lea, ao le mea e leaga ai, o le manogi ia o ana faiga i le pinati.

Sau le fafine, fai mai loa i le tamaloa, "Honey, ia tago loa e tatala le ie lena e ufiufi ai ou mata." ma le tatala atu, o la e nonofo mai i le laulau 'ai o le faifeau, o ona matua, o matua o lona toalua ua tau fai 'u'u uma isu.

Te'i lava i le tiga o le manava ma 'oso faasuase'i ai le tiga o le manava ma alu loa i le fale taele, ma fai mai le asuasu a Atamu, "LEAGA FOI NEI MEA O 'SURPRICE PARTY', O LE MEA LEA E LEILOA E LE FAFINE LENEI…..!!!!."

O LE MISA, E LE FAALEOINA

O le isi ulugalii ua leva ona nonofo ae le’i misa lava i totonu o le la aiga. A ita le isi tagata i le isi tagata, ona le tautala lava laia, pe atoa le vaiaso e le tautala lava le isi i le isi, e fai a mea a le tagata ia, e le toe palaina lava e le isi ia le tasi.

Oo loa i le isi aso e alu ai i Upolu le tamaloa i lana fono, ao la foi e leaga le ulugalii, tago loa le tamaloa tusi le tusi tuu i luga o le laulau i le potu, faapea upu o le tusi, "FAFANU MAI 'AU I LE TAEAO PO LAVA, E ALU 'ESE LAU VAA I LE 6:00."

E ala ane le tamaloa, vaai atu i le uati ua te'a le 7:00 'oso atu i le itu o le fafine, o la e tusi mai ai le tusi a le fafine ma tuu i luga o le laulau, "ALA I LUGA TOE ITIITI TA LE AFA O LE LIMA, VAAI OE NEI E TUAI…ALA I LUGA, ALA I LUGA, ALA I LUGA….FAI TALIA OE PE A E TUAI."

O AI UA LAGONA SE MEA ?

E toalua tamaloloa na inu pia i le isi falepia, na fai atu loa Peteru ia Isaako, "Ua ou fiu lava e nana lou taimi ou te alu atu ai i le fale, ua tolotolo i luga o le ma potu, ou tolotolo i totonu o le faletaele, tatala ou ofu, ou alu atu e faaaoga le fale taele, ou alu ifo tope lou taele, sulu loa lau ie ou tolotolo atu i le tosotoso ifo lou ie afu."

O le taimi lava o le a ou moe ifo, ae ala le fafine, ki le moli, toso 'ese le ie afu, tilotilo mai ia te a'u, ma fai mai, "Aua e te moe taagulu, e te vaai i ai pe a e moe taagulu."

Fai atu loa Isaako, "E 'ese 'ese la ta ua, o 'au oute alu atu loa i le fale, tatala le faitotoa, ia 'slam' pe a tapuni, ou alu atu i le fale taele, ia pisa pisa o pe a taele, toso le faleuila, ia fai lou ie, alu atu i luga o le moega, ia tago atu i le nofoaga a le fafine, ou tago loa eu, ma ou fai musumusu loa i ai, 'HONEY….UA E ALA…A EA ?' ao o le la e faataga moe, ae o le taimi lena ua ou ta'agulu.