Ads by Google Ads by Google

E te fia POKA?

O LE FESILI I LE STIMULUS CHECK.

 

O le fesili ma tali mai tamaiti aoga i le 'stimulus, checks.

 

F. O le a le mea e ta'u o le 'stimulus checks ?

 

T. O le tupe na faamoemoe le Malo e ave i ona tagata faigaluega.

 

F. O fea e aumai ai lea tupe ?

 

T. I tagata faigaluega.

 

F. O lona uiga o tupe na a tagata faigaluega ua toe ave i tagata faigaluega ?

 

T. Ioe…ae na'o sina tamai mea, e le lava ai se fagu sea.

 

F. Ao o a mea a le malo lea e fai ai i lena tupe tele o le a latou tipiina ?.

 

T. Ia toe faatau mai ai ia TV, i ofisa a tama sasa'o ia ma a latou A/C i a latou Ofisa.

 

F. O le faiga lena e lelei ai le ai le 'stimulus' a Saina ?

 

T. A e iloa se mea, ona tapuni lea o le salapu.

 

Ia ona fai mai lea e tamaiti ni a latou fautuaga i le faaleleia o Amerika Samoa.

 

* Afai o le a faatauina sau oka i le 'Internet' i le Wal-Mart o le tupe e alu sao i Saina poo Initia.

 

* Afai o se tupe e faaalu i le kesi (gasoline) i lona uiga e alu i atunuu Arapi.

 

* A faatau sau Laptop, e alu sao le tupe i Initia, Taiwan poo Saina.

 

* A faatau ni ou apu, moli, ma mea sua-malie faapena o lona uiga e alu sa'o le tupe Mexico, Honduras ma Guatemala.

 

* A fai o le a faatau sau taavale fou, o lona uiga e ave uma e Iapani le tupe.

 

* A faatau ni ou mea le aoga, o lona uiga o Taiwan.

 

* A faatau sau 'credit card' o lona uiga e la i isi atunuu i le mea la e lalafi mai ai a latou Ofisa tetele i Amerika ae alu le tele o le tupe i a latou atunuu.

 

 

A o le tupe lea e alu i Amerika ma Amerika Samoa

 

1. E faaalu ia la latou 'yard sale', ona maua ai lea o latou tupe."

 

2. E faaalu i taaloga basketball, baseball poo isi taaloga e i ai fusuaga, lakapi ma isi taaloga, ae maise ai i petipetiga.

 

3. E tele lava ina faaalu i le tele o teine faanana a faipule ma Senators, le 'AU VAEGA LEA O LE LAKI NEI I LE TATOU MALO…!!!!.

 

POLOKIKI

 

E mavana mai le tama i le fale, o fai atu mea aoga a Enoka, fai atu loa i le toeaina o Noa, "O le a le mea ua fou ai lenei aso, ua fai au mea aoga ae le alu e tafao ?." fai mai loa Enoka, "Ua alu tele lau ulu i le matou vasega i le 'polokiki', faapea la o le faasologa lea o le faiga malo. (1) faapea la o oe e tau o le 'capitalism' aua o oe lea e te faatauina mai le falaoa mo le tatou aiga, ina ta'u lea o mommy o le MALO, aua o ia lea e feagai ma le faasoaina o le tupe.

 

(2) ae o le teine faigaluega e ta'u o tagata lautele ae faigaluega (WORKING CLASS), o 'au o le tamaita aoga, (STUDENT) ia a'o lou uso laititi (FUTURE GENERATION) e ta'u o le lumana'i."

 

Fai atu le tamaloa o Noa, "Sole o le tagata a oe o le 'polokiki' alii Enoka, faamalo lava ia te oe atalii."

 

Ua moemoe le tama o Enoka, faalogo mai ua tagi atu lava si uso laititi, savali mai loa e tatala atu le potu a ona matua, e le'o i ai se tama i le potu, savali atu i le potu a le teine faigaluega, o i o le e i ai le toeaina.

 

Ia malama loa le taeao, fai atu loa i lana tama, "Lea le ua ou malamala lelei i faiga MALO….!!!!." fai atu loa le tama, "Oi o le a se mea ua e maua ?."

 

Fai mai loa Enoka, "O anapo lea na ua te'i atu ai i le tagi a lo'u uso, ma lou alu atu i le lua potu ma le Malo, e le'o i ai le CAPITALISM, o'u masau mai i le potu a le WORKING CLASS, o la e i ai le galuega la e fai mai, ia ona ou toe alu lea ma moe STUDENT ae tuu ai pea le FUTURE GENERATION i tagi ai pea.

 

Aua o le la e le kea mai lava le MALO latou ia i le FUTURE GENERATION ua tumu uma i kae le pamper…..!!!!."

 

FAATONUGA A LE FAATONU

 

Na faatonu e le Faatonu o Galuega le toalua le Atamu ma Mose e o e vali le pou o le Fu'a aua ua latalata mai le sisiga fua a Tutuina ma Manu'a i le vaiaso nei.

 

Ua o atu nei le toalua nei, ua tutu i lalo o le pou fua ma tau fuafua pe faafeafea ona oo i le i luga o le pou fua.

 

Ia ma ofo ai e le Faatonu e totogi i inisi, ma vaai pe fia le umi o le pou fua ona fuafua atu ai lea o le la totogi.

 

Tutu le 'au vaega i lalo o le pou fu'a, vaai mai le teine e vaaia le malae taalo, ua na o le tutu o le 'au vaega lenei ua le iloa poo le a le mea o le fai, savali mai teine ma mea fai galuega tatala mai le pou i lalo.

 

Toe ave ifo ma le 'tape' fua ai le umi o le pou, e 28' 6", fai atu loa i ai le teine i le 'au vaega, "Ua matua leva tele o le faigaluega i le malo e le'i iloa lava e se isi oulou faaaoga le mafaufau ?."

 

Te'i a i le tatagi le telefoni o le Faatonu Sili, fai mai le tamaloa o Atamu, "Oi o lea ua maua le umi o le pou o le Fu'a." fai atu loa le Faatonu Sili, "E fia ?." ae fai Atamu, "E 28' 6" inisi le umi, ae toe o le sao le se'i uma loa ona faatu i luga, ona fua ai lea o le sao….".

 

Fai mai loa le Faatonu Sili, "E leai aua le fuaina mai le sao, ua lava le umi ua ou iloaina, ai vaai, ave ifo maea na e tatau ai…ma sisi ai lua ua…LUA VALELEA….O LUA TETE'A…..!!!!."