Ads by Google Ads by Google

E te fia POKA?

O LE FAALAVELAVE

 

Taunuu le telefoni i le Ofisa o Leoleo faatatau i le faalavelave, taunuu atu leoleo e toatolu tagata ua maliliu. E o atu i luma o le fale o lo o taatia mai ai le isi tamaloa ua maliu ae o lo o uu le fana i lona lima. Fesili le leoleo i le isi alii sa tutu ai i le taimi lea, “ete iloa le mafuaga o le faalavelave,” tali le alii lea fai mai, “e foliga mai na sau le toalua o le fafine o lo o momoe atu le fafine ma lana ta'a, alu atu i totonu o le potu aumai le fana ma ta fana uma ai le au vaega lea mulimuli ane ai toe fana loa e ia na ia.

 

Fai atu loa le satini lea, "O lea mea lea ua ova le faaloloto o le teu-fanua lea ananei, o 'au sa tatau ona maua ma fana e le tamaloa. Ua ou fiu loa e faatali le tamaloa teu-fanua ou sau loa e faigaluega. Lea e le'i umi lava ona tatou amata ae tatagi le telefoni, pau o 'au ou te 'lucky' a ea ?"

 

Fai mai loa le Leoleo fou lea, "Ia e fai atu lou le popoi ae fai o le 'lucky' sa sili ai ona maua oe e le tamaloa ma e uma atu ai."

 

UA AI E LAU PUSI LAU I'A

 

E faalogo mai le loomatua o Eva, ua pa'o atu le suo a le tamaitiiti o Iosua lea la te tuaoi, savali mai loa i tua o le fale, ma tau tilotilo i le itu a le ulugalii lea o Arona ma Repeka ma iloa atu ai le la tama o Iosua o lo o eli le pu.

 

Fesili loa Eva, "Iosua, o le a lena mea e eli ?." tali Iosua, "O lea e eli le pu e tanu ai la'u ia." toe fesili Eva, "matua tele le pu e eli ma lau 'ia ?." tali le tama, "Ioe e tatau ona tele, aua na pe la'u i'a i totonu o le manava o lou pusi, ou tago loa faaoti lau pusi ona ua nofo ma ai la'u i'a, lea la ua feoti faatasi lau pusi ma lou i'a, le mea lena ua tele ai le pu leaga e tanu ai lau pusi ma la'u i'a."

 

UA OU ILOA LE MEA MONI

 

A'o matamata Sione ma Toma i le ata tifaga, o le mea na maua mai e Sione i le ata na faapea ai le tala a le teine na, "Ua ou iloaina."

 

Ia malama loa le taeao alu loa Sione i le aoga, o le fetaui lava ma lea tamaitiiti, ua faapea Sione, "Ua ou iloaina." te'i lava i le fai mai o lena tamaitiiti, "Aua le taua i lou tama faamolemole alii Sione."

 

Tuua loa le aoga, alu atu i le latou fale, te'i a lona tama ua fai atu

 

Sione, "Ua ou iloaina alii Dad." fai mai le toeaina, "Aua le taua ia Mommy, ae tago i lou $20.00 alu e faatau sau mea."

 

Oo i le isi aso tuua mai le aoga a Sione, sau loa ma fai loa i lona tina, "Ua ou iloaina alii Mommy." tilotilo mai le fafine i lona tama, fai atu loa, "Ssssshh, tago i le $40.00 alu e faatau ai sau mea'ai, aua nei iloa e Daddy ua e iloa." ia 'ata'ata le tama o Sione ma alu ma lana $40.00.

 

Oo foi i le isi aso, tuua mai le aoga a Sione o teu laau atu le tamaloa lea e vaaia a latou togalaau, te'i a i le fai atu i ai o Sione, "Arona ua ou iloaina….." tilotilo mai le tamaloa teu laau na ia Sione, fofola mai ai ona lima mafai mai, "IA SAU IA SI OU ATALII, LEA UA NANA LAVA A'O LEA UA FAAMATALA ATU E LOU TINA IA OE LE MEA MONI."