O LE VASEGA 'K'

Sa i ai se faiaoga sa fai lana vasega, o le vasega K, ua oo nei i le periota e faaali mai ai e le faiaoga le ata o se mea'ola ae tau atu e tamaiti le igoa o le mea'ola.

Ua faaali atu e le faiaoga le ata o le 'povi' ia fai atu ma le faiaoga, "O le meaola lea e maua mai ai le susu.." fai mai ma tamaiti, "O le povi…"

Ia oo i le ata o le solofanua, fai atu foi le faiaoga, "O le a le igoa o le meaola lea?." ia tau mate foi e tamatiti, fai atu le faiaoga, "O le meaola e masani ona tatou vaaia e aumai mai o tatou uta i le faatoaga." laga atu tamaiti o le vasega, "O le solofanua…!!!."

Ia taga loa le faiaoga ave ifo le ata o le asini, "O le a le mealoa lea?." nonofo tamaiti ua paso i le igoa o le meaola lea. Fai atu le faiaoga, "O le a le igoa e masani ona faaigoa ai e lou tina lou tama?." a'o le pito lava i tua o loo si'i mai ai le lima a Atamu Jr.

Fai atu loa le faiaoga, "Ia o oe Atamu….!!!" fai atu loa ma le tama, "Ga ou faalogo ogapo, ua ika lo’u kiga i lo’u kama, ou ke faalogo aku o valaau i lo’u kama fai mai, "E LOU MEA GUKU ASIGI…IA MA LOU KAMA FO'I NA E GUKU ASINI…E KUKUSA UMA LAVA OULUA LUA KE GUKU ASIGI UMA LAVA..!!!!. laga mai tamaiti "O le asiniiiiiiiiiii….!!!!!."

O TAIFAU UA A'OA'OINA

Na fai le patì a le isi Ofisa e aofia ai le Inisinia, Foma'i, Kamuta ma Faiaoga, vaalau atu loa le taifua o le Inisinia, "T-Square do your stuff…!!!.

Ia alu loa i le atoa le taifau toso mai le pepa, tamoe u mai ma le peni, ia u mai le 'square' tuu i lalo ave atu ma le peni ua tusi ma le laina sau loa nofo i tafatafa o lona matai.

Fai atu foi loa le Kamuta, "Spot, alu e tusi mai le laina e 1futu ma le 30 inisi' le umi…" alu loa le maile o Spot toso mai le laupapa, ave atu ma le 'tape' fua lelei le futu ma le afa, ia maka mai le mea lea e gata ai, ia uma ona sau foi lea ma nofo loa i lalo.

Ia patipati uma tagata i le atatamai o nei taifau ua uma atu ona fai o la sao, fai mai ma le fomai, "Tiger o lou taimi lea…!!!!! tamoe i le atoa Tiger, toso mai le mea fuafiva i le fomai, alu i le atoa ia u mai ma le mea faalogo, tamo'e mai ma aumai i le fomai ma taoto i lalo e pei o se tagata ua ma'i.

Toe nei o le tamaloa o Atamu e faigaluega i le Fono, valaau atu loa i lana taifua, o 'Coffee break' e fai ona uiga, sau loa lava oso i luga o le laulau 'ai, ai uma keke ma sanuisi sa i luga o le laulau.

Inu ma le pepa susu, toso mai le ma faila e i ai igoa o le 'working condition' toe toso mai ma le faila 'work compensation' alu toso mai le pusa toso avane ma pepa e ave ai ona 'LEAVE.' i le lua masina atoa.

Ma sau taoto i luga o le moega ma le mata tioata, fai mai loa lana matai, "O UIGA LAVA NA O LOO FAI NEI E TAGATA FAIGALUEGA UMA O LE MALO….E PULE LAVA I LE TAIMI E USU MAI AI, E PULE FOI I LE TAIMI E ALU AI……"