Ads by Google Ads by Google

E te fia Poka?

TATALO A LE ALII

 

I po uma lava e tau a'o ai le tatalo a le afafine o le tamaloa o Apelu lea faatoa 4 taussaga le matua, ua uma lelei le vaiaso o tuamafai lava, e alualu e oo loa i le vaega lea e 'aua nei e taitai matou i le faaosoosoga' ia tau feto'i loa le faiga.

 

Ia ua a'oa'o lava e le fafine o Ruta si ana tama, tei lava i le tamoe mai ma le tala fiafia i lona toalua ma fai i ai, "ua maua lelei e si tama le tatalo a le Alii, vaai la i ai taeao pe oo i le taimi e moe ai."

 

Oo loa i le isi po na sosoo ai, uma le latou mea'ai, fai mea aoga o le teineitiiti, oo loa i le taimi o le alu ai e moe, fai loa le tatalo, oo loa i le vaega lea e tau sasi ai le teineitiiti fai mai loa, 'Aua e te taitaiina i matou i faa'oso'osoga, ae Facebook mai a matou agasala fa’amolemole….!!!."

 

VAAI IESU LA E TILOTILO MAI

 

Na ona sao lava i totonu o le fale o le isi tamaloa gaoi, fai loa ma ana faiga i totonu o le fale, soo se mea e manao i ai ua ave uma i totonu o lana taga na alu atu ma ia, ae te'i i le faalogo atu o tautala mai le leo ia te ia, "Vaai Iesu la le e tilotilo mai." ua fiu e tilotilo solo e leai se isi ona faaauau lava lea o lana amio.

 

E le’i leva ae toe faalogo atu ua toe fai mai le leo, "Vaai Iesu la le e tilotilo mai." O le ita o le gaoi na tago ai i lana moli ma ki solo i totonu o le fale, ma le vaai atu i le isi itu o le fale, o lo o tautau mai ai le pa a le koke, fesili atu loa i le koke, "O oe lea na fai mai,” ae tali le koke, "Vaai Iesu la e tilotilo mai." fai mai le gaoi, "Ia fai ia Iesu e sau ia te au." fai mai loa ma le koke, "OOOOOSSSS JESUS…OOOSSSSS JESUS.." ma le vaai atu ina o le gaoi lea, Oka se maile la ua sau ia te ia, e maua atu lava e Leoleo o le la e taupe i luga o le pa a le koke, aua o le taimi lava e sau ai i lalo, e gali e le maile.