Ads by Google Ads by Google

E te fia POKA?

E O MAI UA LE TOE FIA TAUTALA LE ISI I LE ISI

 

Uma mai le 'honeymoon' a le ulugalii fou ua le tautala le isi i le isi, e pei lava o le Fiti ma le Tonga tagata ia e feoa'i, toe toe lava a fetaui tauau e le toe fai le isi i le isi.

 

Fai atu loa le uo a Apelu i ai, "E a mai le 'honeymoon' a alii Apelu?." fai mai le tamaloa o Apelu, "Na manaia lava, ae o le mala paga le mea na tupu, lea e oo mai i le aso e le'i tautala lava le isi i le isi…." ia 'oso atu loa Enoka, "Aisea ?"

 

Fai mai Apelu, "Uma na ma 'a'ai i le faleaiga, ma o mai loa i le ma potu mo le faamanatuina o le honeymoon, ou tago loa nana le $50.00 i lalo o le aluga"

 

Fai atu loa Enoka, "'A'a e leai se mea e leaga ai fua le na mea." a'e toe 'oso mai le tamaloa o Apelu i le fai mai loa i le mea na ita ai, "E le o le mea na, ae na mafua lou ita ona ou te tago atu i lalo o le aluga e taatia mai lau sui e $20.00."

 

Fai atu loa le tamaloa o Enoka, "O le a la la le mea e leaga ai lena mea ?." ae fai mai Apelu, "O le fafine ua leva ona faigaluega i le faletalimalo, lona uiga ua masani i faiga nei, ae galo ai o a'u lea e mate o atu i le 'honeymoon.'

 

UA UMA ONA TOE FAASAO LE ULU

 

Alu alu le tietiega pasika a le isi 'au vaega, oo atu loa i Tiavi tago loa le tama o Enoka faatu le pasika, ua ave ifo lana 'jacket' ua u mai i tua le mea na u i luma i tua o le 'jacket' ona o le malulu.

 

Ia toe alu loa le tietiega a le toalua lea, masau atu le pasika ma alu atu loa lavea i le 'aega i Leulumoega, tau atu loa i ai le isi toeaina ma ai loa fesoasoani muamua.

 

Uma loa toe vili i Leoleo e tau i ai le mea ua tupu, "Hello…hello, na ou maua mai le pasika o lavea atu i le aega tele lea i uta o Leulumoega…" fesili mai Leoleo, "Ua a mai la nai tama ?."

 

Tali le faifaatoaga lea, "O lea ua manuia, na o le tama lea na pito i luma, na ou tago faasa'o lona ulu."

 

AVE MA OE OE

 

Ua manaia lava le mea lea e fai a Atamu ma Apelu i California, ua alu lava e pei e leai ni Leoleo, oo atu i lea auala 'oso i ai i lea auala, ua tete'i lava i oo atu i le isi auala lena, ae tu lelei mai lava le taavale o Leoleo.

 

Ia alu loa i le atoa le taavale a le toalua lea, ua fiu le taavale a Leoleo e tuli, 'oso atu i 'i, ia toe 'oso mai i 'i fai ai a se'i i'u lava ina maua.

 

Savali atu le Leoleo a ua mafaufau lava le tama nei o Atamu i sana pepelo o le fai i Leoleo, oo mai loa le Leoleo fai mai loa, o le a le mea ua e alu la'atoa, ae tali atu le tamaloa o Atamu, "O le vaiaso na te'a nei, na sosola ai le Leoleo ma lou toalua, o le leaga ia o lena fafine, faapea lava a'u ia, ai ua toe sau le Leoleo e toe faafoi mai."

 

Fai atu loa le Leoleo ia Atamu, "E LEAI OU TE LE 'AI TOEAIGA, AUMAI LOU LAISENE FAAMOLEMOLE….!!!!."