O OE O LE SIFI I LE TATOU AIGA

I le isi afiafi sa faia ai le tonu a le isi aiga e o i le faleaiga a le McDonald e faatau mai ai sa latou meaai o le afiafi ma le tuutuuga, a uma ona faatau ona toe foi lea i le latou fale.

Na ona taunuu lava o le aiga i le fale, laulau ma le meaai i luga o le laulau ma aai loa. Tei le tamaloa i le fai atu a lona afafine, "Sole daddy, o oe lava o le posi (boss) o le tatou aiga, a ea?" Ataata lemu le toeaina e le gagana i se upu sei vagana ai le luelue o lona ulu, toe fai atu le teine i lona tama. "E faapena foi i le tou fale faigaluega sole, o oe foi o le posi, a ea,?" atili ai ona mimita le tamaloa ma ataata ma si ana tali tau le lagona, "ioe." Toe oso atu le teineititi i lona tama, "e oo foi i le tatou nuu ou te vaai atu e pei lava foi o oe le sifi o le nuu," tali atu le tamaloa, "a'o ai se isi ou te palaai i ai."

"Ia vaai la lau susuga a le sifi, kago loa e fufulu kakou ipu ma solo uma luga o le laulau, ae o maua ma mom e na o le makamaka TV lava."

O LE A LE MEA E U AI LUGA VAE O LE MOA PE'A PE

Savavali mai le tamaloa o Siaosi ma lona atali'i o Taofia i luma o le latou fale, tau mai i le moa ua pe atu, ae malo fa'asasa'o vae, o loo u foi i luga i le lagi vae o le moa.

Fai atu loa Taofia i lona tama, "Oi Daddy aisea e u 'ai i luga vae o le moa pe 'a pe?." tali Siaosi, "Leaga o le la e fa'asaga i le lagi i le mea o la e agai i ai lona agaga."

"Oi e kele la kaimi e alu ai le agaga a Mommy i le lagi," fai le tamaloa, "Aisea ?.",  "Aua so'o se kaimi lava e te alu e faigaluega, ae sau ia Uncle Lua i le kakou fale, oute pasi i luma o le lua poku, o la e u i luga vae a Mommy i le lagi," fa'auma loa le faitatala a Siaosi, ae tei i le faliu mai o le toeaina, "E a ea alii?"