Ads by Google Ads by Google

E te fia Poka?

 UA LAKI A MOMMY...

Ua sau i le fale mai le aoga le tamaitiiti o Siaki, na o mai ma lana tama, ua tau mai i le moa ua ta'atia atu i luma o le latou muafale, fesili atu loa i lona tama, "O le a le mafua'aga e pepe ai gei mea o moa ma u i luga o lakou vae a ali'i Dad...?" ae la e savali lava le tamaloa ma tau mafaufau i sana tali.

Toe fesili atu le tamaitiiti o Siaki, "A Daddy..aisea e malo ai vae o moa ma u i luga i le lagi...?" ma tali mai le tamaloa i lona atali'i, "Oi...e mafua ona o le alu lana agaaga i luga i le lagi....o le mea lena e malo ai vae ma fa'asaga i le lagi, ae e tago loa la e feula mai i tua o lona nofoaga, ona toe ola mai lea."

O'o loa i le isi vaiaso, sau le tamaloa e momoli mai lona atali'i i le fale, ma fai atu loa si atali'i faitatala lea o Siaki i ai, "Se ua lucky lava mommy i le aso ananafi, o le vave mai o Uncle Tavita,...." fesili atu loa le tamaloa, "Aisea.." "I le kaimi lea ga ku'u ai a'u agagafi...e le'i leva lava ae sau loa ma Uncle fesili mai ia te a'u po'o fea o i ai mommy, o'u fai atu o la e i kokogu o le fale. Ua fai si umi o i totonu o le fale ia Uncle, ou alu loa ou te inu, ou te pasi i le luma o le lua potu moe, ma lo'u va'ai atu i totonu, pei lava ua ou va'ai i moa lea na e fai mai ia te a'u, ua fa'asasa'o ona vae i luga i le lagi. Ou manatua ai loa lou tala, a u loa i luga vae i le lagi, o lona uiga la ua lata ina oti...."

"Ia ona a lea ?" o le fesili lea a le tama, "O'U TE VAAI ATU....UA FA'ASASA'O MAI VAE A MOMMY, O'U TAMO'E  ATU...O LE LA E FAI UMA MAI E UNCLE MEA IA NA FAI MAI AI....O LENA NA TOE OLA AI...LELEI TELE IA UNCLE TAVITA...A EA."

O LENA E TU SESE LO'U TO'OTO'O

E i ai le mea e malosi tele ai le motu lea o Savai'i, ona e faigofie tele ona o le tasi o le auala e ui atu ai ta'avale, sisifo po'o sasa'e o le motu. E tasi lava le auala e ui atu ai ta'avale, e le pei o Upolu, i le tele auala e ui atu ai ta'avale.

Afai o se maliu e tau ai le tou aiga, e masani ona nonofo lelei le au vaega, o matai ma nisi o taulele'a e fa'atali le o'o o le ta'avale maliu, ia ona taofi lea ae avatu i ai le latou 'afuelo' ia ona fa'aauau ai lea i le latou afioaga.

Le mea lena na o'o loa i le Aso Faraile, e fa maliu na ave uma i le itu Salega, e ave le tasi i Falealupo a'o le isi e ave Falelima, ao isi maliu e ave i Taga ma Salailua.

A'o Palauli lea na fa'atali atu ai le aiga mo le latou ie o le 'afuelo' o le maliu na tu'u e ave i Falealupo, ae te'i ua muamua mai le maliu lea na tu'u e ave i Falelima, ia o'o mai loa i Palauli, va'ai atu loa toea'i'ina ua o'o mai le solo o ta'avale maliu, ia oso a'e loa i le ogatotou o le auala le matai faiupu o le au fa'atali maliu.

"Ua ou tulai atu ma le fa'aaloalo o le a le afaina ai le susu mai o le 'au faigaluega o le Atua, ma mamalu i aiga fa'anoanoa, ae ua saunia e lenei aiga le 'afuelo' e ufiufi ai le va'a o le toeaina, se'i va'ane le ie,

'Afio mai o le Ta'auso, 

Afio mai le Tonumaipe'a ma le Tafa'i...

Afio mai alo o Tamaalelagi.....

Afio mai le Maopu o Tuia'ana.....

Susu mai le gafa....

Tete'i i le fa'alogo atu le 'au vaega lea na o mai i solo o ta'avale, o le fa'alagiga o Falelima le fa'alagiga la e sasa mai ai le matai, ao lo latou e o mai i Falealupo, oso atu loa le matai i lalo o le ta'avale, "FA'AMALIE ATU I LE LAU FETALAIGA....E SESE LE MALIU LENA E TU AI LOU TO'OTO'O...FAI OE MA FA'ALAVELAVE....!!!!!