Ua sailia ma ua fa’amauina se tina Pilionea ona ua fa’apologaina ni si o lo’o nonofo ia te ia ma fai ana galuega i lona maota tele i Niu Ioka, o lona esetete e fa’aigoaina o le Llenoc Mansion. Ua fa’amauina o le totogi o ana tagata faigaluega e $1,000. i le masina, ae ona o tagata na auina mai le malo o Kerala, o se tasi o malo i Initia, lea ua mafua ai ona maua i fa’amaumauga a lea setete, ona ua sili fo’i tausaga o alaala nei tagata faigaluega e aunoa ma ni latou pepa nofo mau i le setete.

Ona o tagata nei e le o ‘ese lava mai lea fale, ua le mafai ai ona maua se feso’ota’iga a nei tagata ma se ofisa lava o le setete o Niu Ioka, peita’i, ona ua maliu fo’i le ali’i na nonofo ma lea tama’ita’i pilionea, Annie George, 39 ona tausaga, o lea le isi afuaga o le o’o o iloiloga patino a le setete i lea lotoifale.

Ua fa’ailo i fa’amaumauga, sa aumaia e Annie ma Mathai Kolath George se tasi mai le malo o Initia i lona setete lea o Kerala, ae pau lava le igoa o lo’o fa’amauina ai lea tama’ita’i o V.M. Ua polomisi ia te ia le totogi e $1,000. i le masina e tasi, ma e nofo lava i totonu o le maota lea e 34 potu , 30,000 sikuea futu le tele o lea maota atoa. ma e aofia ai ma le nofoaga e tulaueleele i ai le va’alele helikopa, 15 mataafi e fa’amafanafana ai potu, e fa’ama’a atoa lona fola, o lona fa’a’alo e teuteuina i le auro mama 24 kareta o le auro, ma e tioata atoa ona alasitepu fa’aeletise.

O le galuega a V.M. o lona va’ava’aia lelei lea o le fanau e to’afa a le ulugali’i pilionea lea, ma toe faia fo’i ma isi fe’au tau le lotoifale i le Maota o Llenoc, lea e tusa ma le 20 maila le mamao mai Albany, Niu Ioka.

O le totogi sili ona maulalo i Niu Ioka e $7.25 i le itula, ma e mafai ona maua ai e V.M. sona totogi e $290. i le vaiaso e tasi, peita’i, e tatau ona maua fo’i e ia le tupe e $1,160. i le masina.

O le moliga ua i a’ao nei o le fa’amasinoga, ua fa’ailogaina o le “fa’amalosi e avea ma Leipa” ma ua fa’ailo ai, ua sili atu ona leaga le totogi ua ofoina i lea tagata nai lo le totogi maulalo lava ua ofoina e le malo i so’o se tasi ua faigaluega i Niu Ioka.

O le totogi e tusa ai ma le fa’atulagaga a lenei pilionea mo lea tama’ita’i o VM ua ofoina ia te ia le totogi e 0.85 i le itula, faigaluega i le 17 itula o le aso atoa, i le vaiaso atoa, mo le silia ma le 67 masina o le tausaga, ae le alu fo’i i se mea, na’o le maota lava o le auaiga o George.

Na fa’ailoa mai, na liki mai se fa’amatalaga i le National Human Trafficking Resource Center i le tausaga ua mavae, ma o i latou ia na o mai ‘avea fa’amalosi ese VM mai le maota tele i Llenoc, Niu Ioka. Na fa’atautaia le su’esu’ega a le Matagaluega o le Leipa i lea lava mataupu ma maua ane ai, e tatau ona maua e VM le aofaiga e $206,000. i ona totogi sa tatau ona totogia sa’o ai o ia e le Aiga o George. Na ia fa’ailoa fo’i, e leai ni penefiti sa ia maua e pei o livi ma’i ma aso malolo a’o faigaluega ai o ia i lea taimi umi i le aiga o George.

O le to’alua o Annie George na maliu i le va’alele na pa’u i le tausaga e 2009, ma na fa’amauina e le atali’i o VM ana telefoni na vala’au atu mo VM, ae le’i tu’uina e le tamaititi i lona tina le telefoni. Peita’i, i ana talanoaga nei, sa fai atu ai Annie, Ia fai atu i lona tina, e fai i le vaega su’esu’e a le Leipa, o ia sa nofo o se tagata asiasi atu i le Maota i Llenoc.”

O se mea e faigata ai lona su’esu’ega, ona sa tapu’e uma e le tamaititi nei fa’amatalaga a le tina o Annie, ma ua i lima fo’i o le fa’amasinoga. Ua es ai fo’i le isi vili, e fa’amatala i ai, e pepelo i le au su’esu’e aua e totogia ai fo’i lafoga pe afai o le tautala i le tonu.

E tusa ai ma fa’amaumauga a le vaega lea, ua fa’ailoa ai, o lenei maota tele ma le taugata, ua fa’asalalauina nei mo le fia fa’atau atu i le tau e $30miliona . Na fa’atautaia le fa’amasinoga o lea tina Milionea i le aso Lulu na te’a nei ma ua mua’i tulai o ia e talia ona moliga o le aumaia o le tagata mai fafo ma fa’amalosia o ia e nofo mau i Amerika, ae o lo’o solitulafono fo’i lona nofo ai i Amerika.

saunia: Leua Aiono Frost