Ads by Google Ads by Google

AMATA GALUEGA TOE FAAFOU AI LE FALE SIKULAKI I LUGA O LE UAFU A LE MALO

Se vaaiga lena i se alii leoleopo o le Pulega o Uafu ma Taulaga i le taimi sa ia faasino ai i se ave taavale o se taavale na afe atu e fia ulufale i totonu o le lotoa i le taeao ananafi, ae fai i ai le leoleo ua sui le faitotoa e ulufale atu ai i luga o le uafu, ona o lea ua amata faagasolo galuega mo le fausia o le fale fou mo sikulaki i luga o le uafu.

O se vaaiga fou lena ua i ai luma o le uafu tele i Fagatogo, ua totoe o sima ae ua tatala i lalo le fale sa i ai, ma o le taeao ananafi na amata ai galuega a le kamupani a le Nana Construction mo le toe fausia o le isi fale fou.