Ads by Google Ads by Google

Alofa: Fa'avae ai Aiga

Ua toe taliu i laufanua o Samoa le tafaoga a Lameko ma Tagiilima lea na alu i le Motu o Fiti. Ua lagona e Tagiilima le loto fiafia ina ua toe tu lau'ele'ele i Samoa. E moni lava sa i ai lona fiafiaga ina ua o fa'atasi ma Lameko, peita'i, ua misia e le teine ona matua ma lona aiga. Ina ua taunu'u le malaga, sa fa'atali e le aiga o Lameko ma ona matua. O le fuafuaga sa fa'ataoto e Lameko e lua vaiaso e alu ai le la tafaoga, ae ua toe fo'i vave mai i Samoa, ona ua le mafai le vigaviga o Tagiilima i le fia va'ai i ona matua. Na tau lagona le le malie o Lameko i lea itu, ona ua fa'apea a ia, o lea fa'atoa taunu'u mai ma ua fa'atoa nonofo fo'i i lona aiga, a'o lea ua amata ona viga Tagiilima e fia alu i tua i lona aiga. Ua fai ma avega mamafa i le loto o Lameko lea tulaga. Ae ui i lea, sa ia lagona fo'i tulaga mafatia o lo'o i ai Tagiilima, ona o lea e fa'atasi ma mafuta pea ia ma ona matua, a'o Tagiilima e mamao i tua le nofoaga o lo'o i ai ona matua ma lona aiga.\Tagi