Ua fa’ailoa mai le eseesega o le totogi o a’oga a le fanau o lo’o totogia mo le a’oga a latou fanau i nisi setete, mai le pili o fanau a lea lava setete e i ai le Iunivesite, ma ua avea fo’i ma afaina tele o aiga ma matua, i le taumafaiga ia mafai ona ulufale ma faamae’a a’oa’oga a latou fanau o malaga i fafo e a’o’oga ai.

Lea ua fa’aalia mai sina ‘ataata o taulelei’, tauau e mafai ai ona fa’aititia totogi o a’oga a fanau mai teritori. Ona o i tatou e i ai le tatou ASCC ae le o ofoina uma ai ituaiga kosi eseese, o lea e mafai ai ona e talosaga mo se avanoa e a’oga ai lou alo ae totogia le pili mo fanau a lea lava setete.

O lea talosaga e fa’auia atu i le Western Inaterstate Commission for Higher Education [WICHE] Ua fa’ailoa mai, e to’atele matua e le’o latou silafia lenei faiga, peita’i, o le eseesega o le pili mo fanau a le setete e na’o le $12,000 i le tausaga, ae o le tamaititi mai le isi setete e faifai mea mai le ta’i $37,000. i le tausaga. O se lipoti lea na fa’ailoa mai e le dailyfinance.com.

O le WICHE i le taimi nei ua aofia uma ai le 15 Setete i le itu i sisifo o le Iunaite setete fa’atasi ai ma atumotu o Amerika i le Pasefika ma isi teritori o tausia fa’apitoa e Amerika e aofia ai CNMI ma Malesala.

Na amata fa’atuina le WICHE i le tausaga 1953 i Eugene, ona si’itia lea o le latou ofisa autu i Boulder i le tausaga 1955. E to’atolu sui tofia e avea ma Komesina o le WICHE mo galuega fa’atino ma e i ai le vaega tupe atofa fa’aletausaga mo sui uma e fa’agaoioia ai galuega a lea WICHE.

Ua tatau ona fa’ata’ita’i le tatou malo ia CNMI ina ia fa’aitiitia le maualuluga o totogi o a’oga a le fanau i Iunivesite ma Kolisi i fafo. O se tala mai a Tapa’au Dr. Daniel Aga, sa ia fa’ailoa ai, “Fa’afetai i lea avanoa ua fa’ailoa mai, e taumafai lava le kolisi ia maua ni avanoa fa’apea e matua sailia ma le fa’amaoni e fesoasoani i le fanau a’o’oga i fafo, ma o se mea o le a sulu ma le ulu i latou le fa’auluuluga e saili ia mautu mai lea fesoasoani.”