Ua fa’ailoa mai i fa’asalalauga a le NZ Herlad Nusipepa, o le afa tele ua a’afia ai nei Aukilani i Matu ma o le a’ai e sili ona to’atele tagata e alaala ai, ua i ai ma le to’atolu o tagata ua maliliu, ae i ai nisi ua matua tigaina lava, ma la’u i falema’i.

O le fa’amatalaga o le matagi lea e sau fa’a-Asiosio, ma ua fa’ailoa mai ua tele na’ua mea ua fa’aleagaina ai, ma o lenei lipoti, e le o mae’ae’a lelei, ona o tulaga fita o i ai le sofa’i mai a lea afa i Albany, le a’ai e i le itu i matu o Aukilani.

Ua fa’ailoa mai o le lautele o le asiosio lea e tusa ma le 5km le lautele, ma ua leai se mea o toe tu i lona saua, ua ‘ave’esea taualuga o fale e o’o lava i le Ofisa o Leoleo ma ua i ai tagata maliliu e to’atolu, ae le gata ai i’ina le numera, ona olo’o fa’aauau pea lea malaga saua a le asiosio lenei, ae mautinoa e tauga fo’i manu’a o nisi ua mafai ona la’u i falema’i lata ane.

O se isi va’aiga sili ona ‘ese, ona ua matua lelea ta’avale e pei o lau pepa, ma taualuga o fale ua felelea’i. Ina ua mae’a le itu lea e i ai Albany ona aga’i atu lea i saute i le itu o Birkenhead ma fa’apase’e i le uafu i Waitemata ma toe taliu ai aga’i i sisifo o Aukilani lava.

Ua lipotia mai e o le malosi o ‘ave o lea asiosio e tusa male 200km i le itula, ma ua mautinoa lava i fa’asalalauga a leito e to’atolu lea ua maliliu, ma le isi to’atolu ua matua tigaina i manu’a ma le 20 ua la’u i le falema’i i North Shore.

O lo ua faigata femalaga’iga, ona o le tele na’ua o apa lelea solo, o la’au ua matua suati i luga latou pogati, o fa’amalama ua taei i le tele o mea ua felelei solo, o pou moli ua matua tase’i i luga ae le taulia ai le tele o lala la’au ua fa’alalava solo i luga o le alatele.

“O le fa’ato’a ou va’aia lea o se ta’avale o i ai totonu tamaiti e to’atolu ua matua felelea’i i le ea ona o le malosi na’ua o le asiosio lenei, ma e toe pa’u mai i lalo ua tu i lona fale, ae u i luga pa’u. O se mea uiga ese ua va’aia nei.” O se tala lea a Julie Carter i luga o le ala meli “stuff.co.nz.”

“Ua ou va’aia fo’i se ta’avale ua pasi ane i luga o le ea e tusa ma le 60km le maualuga, ae ua fa’aili mai e pei o se nofoafi.” Na ave’esea fo’i e le asiosio lenei le taualuga o se faleoloa tele Molo le Albany Mega center.

saunia: Leua Aiono Frost