Login

“TINT O TA’AVALE LA’U PASESE (TAXI)”

Mo le Fa’atonu

Ua ou tusi atu ona o le tulafono fou po’o se i’ugafono na faia fa’atopetope I le aso tofi 14, Setema 2012; e fa’asaga i le “TINT” o ta’avale la’u pasese laiti.

O le fesili tupito! O a ni mafuaaga tatau ua a’e ai se tofa i le ofisa o le DOC po’o le ofisa fo’i o Leoleo e fa’asaina ai ona  Tint o ta’avale la’upasese laiti?

O a ni solitulafono o “Tint” o ta’avale laiti la’upasese ua fa’amaonia fa’aletulafono?

O a ni a’afiaga ogaoga o le malo ua fa’amaonia ona o “Tint”?

O ai o le malo ua maumau sona soifua ona o Tint?

E maua ai ni tupe a le malo e fa’aleleia ai auala pe a aveese a matou “Tint”

Fa’amolemole toe sasa’a le fafao, po’o le “Tint” e solitulafono, po’o le tagata soifua e solitulafono? Fa’amolemole silasila muamua po ua i ai se tulafono e fa’asaga i “Tint” ua pasia e le maota fono, ona fa’ato’a alu lea o tou pulega fa’aikila i luga o le ea ma le T.V. aua le silafia e le atunu’u.  Aua o lo’u talitonuga, e fa’avae tulafono mo tagata uma, ae le mo na’o matou e ona tavale laiti la’upasese.  Mo lo tou silafia, e i ai mafuaaga tatau o le a taua i lalo, e mafua ai ona “Tint” ta’avale laiti la’upasese.

(a)   A malosi le la ae ki le ‘ea o le ta’avale, e lagona lava e le aveta’avale le faitio o le pasese i le vevela e ui ona o lo’o ola pea le ea.

(e)   O le tele o galuega, e muamua fesili mai pe i ai se ta’avale “Tint”? A tali atu ioe, ona fa’apea lea; tuli mai la lena e lelei e malulu manaia le ea.

(i)  O le aoga foi o le Tint, e le sao i ai se pefu i totonu ma e mama fa’asoloatoa le tavale i taimi uma.

(o)  E tolu pisinisi “Tint” o lo’o i totonu o le Teretori o lea oute iloa. O le a la so tou finagalo i pisinisi a nai ia uso? O pisinisi na fa’asavali lelei a latou laisene e tusa ai ma ala o tulafono; a’o lea ua outou toe faaleaga e ala ia matou “Tint”.

(u)   E tele fo’i se vaega tupe a le malo o le a toesea mai le ofisa o lafoga i tausaga taitasi, ona o lea fa’aitiitia tupe maua a nai ia foi pisinisi.

O LE UPU FA’ASAMOA  “E A ULU LE TAFE AE SELEFUTIA AI VAISIGANO”  O lona uiga, e a matou Tint ae afaina ai fua le malo ma isi pisinisi laiti.

Fa’amolemole toe filifili tupe toa ma le manoa se tofa loloto mase utagao’o mo se manuia tutusa lautele mo tagata uma o Tutuila ma Manu’a ae le na’o ni nai tagata.

Faia ma le ava tele,

Soifua,

Tuitama’i Emanuele



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.