Login

Fa’aigoa nofoaga fou Ocean Center

reporters@samoanews.com
O se va’aiga i le tama o Nemo lea e to’atasi, ae ua fa’ailoa mai o le a i ai ma lana uo i le amataga o le masina fou i lea lava potu fono. [ata: Leua Aiono Frost]

ia Tauese P.F Sunia

O le nofoaga fou o le malo lea na tatalaina i le aso ananafi i Utulei, lea ua faapitoa mo suesuega o le gataifale ma le sami, ua faaigoaina nei i le suafa o le alii kovana sa avea muamua ma taitai o le atunuu, tofa Tauese P. F. Sunia.

O lea tulaga na faalauiloa e le alii kovana, le matua ia Togiola Tulafono ina ua saunoa i le saunoaga autu e tatala aloaia ai lenei galuega tele, lea ua maea ona toe faafouina e le konekarate a le Fletcher Construction.

O le nofoaga lenei o le Convention Center o loo i tafatafa o le nofoaga tuai sa i ai le Rainmaker Hotele i Utulei, ma ua atoa uma i ai masini faaonaponei e faaaoga mo suesuega o le gataifale.

O le susuga Rev. Elder Lavata’i Fa’ataape na taitaia lenei sauniga faapitoa i se tatalo, ma ia faamanuiaina ai galuega uma o le a faia i totonu o lenei fale, ao molimauina e taitai o le malo, au valaaulia, aemaise ai sui o ofisa o le feterale ma le mamalu o le atunuu.

O le faletua ia Lefagaoalii Satele Sunia, le tausi o le tofa Tauese na ootiina le lipine e tatala ai lenei galuega tele, lea foi o loo faaigoaina o le Maota o Tautua mo le Gataifale.

O le faitoto’a fo’i o le maota i lona itu e ulufale ai, sa o’otia e le faletua o Maryanne Tulafono le lipine e tatala ai, ae o’otia fo’i e Lefagaoali’i Sunia le faitoto’a mo le ulufafo i le taimi lava e tasi. I totonu o le malu sa maofa tagata uma i le ulufale atu, oka se fa’ailo lapotopoto i lona ogatotonu, ua mae’a tafana i ai ata video e fa’aalia mo le maimoaga a le mamalu na aofia.

O i’ina sa fa’aalia ai le sao ma o se Fa’ailoga Fa’aletausaga” ua lautogia ai le tatou Kovana mai le Komiti Fa’afoe o le NOAA i le Iunate Setete atoa, aua ua fa’amaonia e i latou lona agaga tausoa ma tima’i i le aoga o fa’asao, galuega toe fa’aleleia o le siomaga, ma e mana’o e aofia Amerika Samoa i so’o se galuega fia fa’aleleia o tulaga o le suiga o le Tau i le lalolagi.

O le ata lea sa fa’aalia, ua iloga ai galuega sa aofia ai fo’i le afioga le Kovana Togiola Tulafono ma le Faletua ina ia utagia e lona Malo, taumafaiga uma ia toe fa’aleleia le si’omaga o lona malo ma le Iunaite Setete atoa. “O se tasi e i ai lona agaga i galuega uma e fa’aleleia ai sosia o le gatafaile ma ia tima’i tagata Samoa e mata’alia ma taofia faiga e afaina ai le si’omaga.”

I le maota i lona atoaga, o le a i ai Ofisa Fa’amaumau Fuainumera a le Matagaluega o Fefa’ataua’iga, le Ofisa ma Potu mo fa’alauiloaga o le  Fagatele Bay National Marine Sanctuary ma o le a fa’atautaia ai le fa’alauiloaga o le US Coral Reef Task Force i le masina o Setema 2012.

O le fale lenei ua liua i se mata’aga matagofie mo le tatou malo ma ona tagata, sa fa’ato’a fausia i le tasuaga e 1970 ina ia fono ai le SPC na tatou talimalo ai. Na toe suia lea ma fa’afouina mo le fonotaga ma a’oa’oga mo le Tusiga Igoa a le tatou atunu’u i le 2000. Ina ua tapunia le Tusigaigoa 2000 na toe fa’aaoga lea o le fale lea e fa’atautaia ai galuega a le Fagatele Bay National Marine Santuary ma ua fa’asolo ane ai lava ina toe fa’aletonu le tulaga o le fale.

Fa’afetai ua toe a’e manumalo mai lea fo’i aseta a le Malo, ma ua va’aia ata o taulelei i le galuega ua fa’atino mai ai nei!

O le fa’atupega o lenei galuega atoa, na amata mai i tupe na toina mai le HUD a le Malo tele, ona fa’aopoopo mai lea i ai ma se vaega tupe mai le CDBG, toe aumai i ai ma se vaega tupe mai le ARRA po’o tupe toina mai polokalama a Peresetene Obama, ae fa’ai’u i le tinoitupe mai le polokalama a le Fagatele Bay National & Marine Sanctuary.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.