Login

TITINA LE FAFINE MAFUA I MEAAI

O le alii lea na ia fasia lona to’alua e mafua mai ina ua aiu i lona mavana mai e leai se meaai o tuu atu mo ia, ua faatonu e le alii faamasino o John Ward II, e saili se isi nofoaga e nofo ai mo le taimi nei, ae se’i taumafai le faamasinoga ma le malo e faato’a filemu le la mataupu ma si ona to’alua.

O le vevesi na tulai mai i le fale o le ulugalii i Tafuna, ina ua faalogo nisi o aiga tuai i le ee mai o le fafine, ma le tulioso atu, o loo titina e le ula lea i le ua o si ona toalua ae o le tagi le la tama e 3 tausaga i luga o le nofoa.

Ua molia e le malo le ua molia i le faaoolima i le tulaga tolu, atoa ai ma lona sae’uina lea o le filemu i totonu o lona aiga.

Na teena e le alii ua molia tuuaiga faasaga ia te ia, ma ua toe faatulaga ai loa le isi ana iloiloga e faia lea i le aso Faraile o le vaiaso mulimuli o Aokuso.

Ua toe tatala i tua le ua molia e aunoa ma se tupe na faatulaga e totogi, peitai e i ai tuutuuga a le faamasinoga e ao ona ia usitai i ai, ma o nisi o ia tuutuuga e aofia ai le faasa lea ona ia toe taumafai e faafesootai lona toalua i soo se auala, ua faasa foi ona toe nonofo faatasi ma lona toalua, ae saili se isi nofoaga e nofo ai.

Sa fautuaina foi e le alii faamasino lenei tama talavou ina ia faafesootai sana loia, mo le tuuina atu o se fautuaga ia te ia e uiga i mataupu e faatatau i lona aiga, ina nei i ai sona manatu e faia sa laua teteaga faaletulafono ma lona toalua, poo le totogiina foi o le la tama, ae o le itu taua ua i ai se fautuaga ua tuuina atu e sana loia ia te ia.

“Ma le isi fautuaga mo oe, e le o se faataitaiga lelei le lua misa ma lou toalua ae o loo vaai i ai le lua tama, aua o taimi uma lava lua te misa ma vevesi ai, o aoaoga uma na o le a teu i le mafaufau o le tamaititi a’o laititi,” o le fautuaga lea a Ward II i lenei alii talavou.

E tusa ai ma faamaumauga a le faamasinoga, faatoa toe tulai mai lava lea o se mataupu e aafia ai le va o ulugalii i totonu o le faamasinoga, pau le itu taua o le mataupu e pei ona tulai mai, e le’i aafia ai le ava malosi.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.