Login

Malosi ina ua to’atele!

reporters@samoanews.com

“O le mea ua e nofo sauni, o le a a’e fo’i a’oga, talosia ua maua e fanau le agaga o le ola fefa’asoa a’i ae le o le femisa’i! Ua tima’i mai le tatou Taiulu, ia taumafai ona faia le galuega i le vave e tatau ai, pe afai e va’aia ua tauau e tutupu ni fa’alavelave i le va o fanau a’oga, ae maise fo’i o feoa’iga, aua o le a toe pisi fo’i le mea!”

“Pou, ua toeititi sina uma lou ao, i lou popole fua, e le’i o’o mai le aso Gafua!”

“Oi se ua galo fo’i ia te a’u o oe e lua ou igoa, Uso o oe o Lefefe ma Eveready! Ha Ha!”

“Sa tatau ona fa’agutu oe i se fafine ali’i, e mapuna mai mea ‘ese’ese i si ou fofoga! Ia o ai Lefefe e fa’ataututu mai i le tama kele o Lepopoi, lega e te igoa ai?”

“Ioe, e ala ona tu aua e matamuli e kamo’e, i ke’i ua fa’apea le keige, sole ou te le toe mana’o ia oe, leaga e pepe lou ie i le leoleo.”

“Ioe Pou, o i’ina lava e matele ina fa’ailoa ai lou tau’au fefete, ma lou kogiga uliuli pato’i fo’i lea, e le fo’i i se mea e kasi! Ha Ha, Fai fa’alelei au kala, e le o se kogiga solisoli auala fo’i le kama!”

“Se’i ka o’o aku lava i ai, ae fai mai o le kagaka ua lima keke fo’i kakui se kagaka!”

“Oi sole, kake magaku lava ua uma gei aga fa’akagaka o kaua, ua leva ona matua le Talalelei i o tatou laufanua, ae le toe uma lava le aga’i i kua!”

“Lea fo’i ua ou le iloa po’o o’u kalagoa i se faife’au, a’oa’o po’o se pakele pa’u ua leva ga i kua!”

“Va’ai oe, o le gagana a le tagata e iloga ai po’o fea o i ai i le olaga lenei, afai ua e fa’alogo mai ua folasia atu nu manatu e aoga mo oe, pu’epu’emaua, aua e te le iloa, po’o au toe saunoaga nei ua fai atu, e tusa ai ma le fa’alavelave lea ta te aga’i atu e tau soloia!”

“Oi sole, a e fa’amavae mai la, ae o le mea o lo’o ta’ua o atu e tau saili mai lea paka ua fa’ao’olima fa’apea. Aua le vaivai lou loto, ae moni fo’i oe, o le tele o taimi e lamatia lava i ta’ua!”

“Fesili atu i si mafine lena e savali mai!”

“Tina, sa e iloa e i ai se mea na tupu i le vaifale lea? A’o fea le tagata lea ma te sailia sa ia fa’atupuina le fa’alavelave?”
“E o lena e tagi mai si tina, ai o ia e ona le tama le la ua i le falema’i?”

“E leai, o le fa’avalevalea le la na fa’ao’olima lale e lafilafi solo i le fale!”

“Fea le fale tonu a tina?”

“Lale, lena e tu mai, o le fai la o nei mea, ae o lea e fa’ato’a o’u ma’i ane, pe a fa’apefea ona fafaga tamaiti?”

“Talofa e, aua le popole, se’i fai pea su’esu’ega pe tua ma ni a, ae atonu lava e fa’afaigofie mai e le Atua ia te oe lenei mea ua tupu!”

“Ia e leaga lava fo’i, na muamua fasi e le vaega si o’u to’alua, ma e le’i alu lava ia avatu ia te outou le mataupu, ae o le mea la lea, ua fasia loa latou ua fai mai e o mai leoleo.”

“Ua ta fiu e su’e ali’i, ta o fa’apea ta toe fa’atatau mai ai, se’i toe fo’i mai i le fale e moe, ae fa’apo mai loa e i ta’ua maua taitai ai loa!”

“Moni a oe, se’i fa’apea o ta’ua ua o ae se’i sau ai e moe!”

“Ae mogi lava oe, e ko’akele loa, ia kokoa fo’i la’ia ae ka’i ko’akasi loa, ia e vave lava ona fa’asalamo mai le va’ai!”



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.