Login

Tala o Fa’amasinoga

ausage@samoanews.com

TETE’E ‘UNCLE’ I ONA MOLIAGA

O se ali’i e 32 tausaga le matua lea o loo  tuuaia i lona faia o uiga mataga i lona ‘niece’ e 12 tausaga, ua faatulaga lona ulua’i iloiloga mo le masina fou, ina ua ia teena ona moliaga i le taeao ananafi.

E le o mafai ona faalauiloa le suafa o le ua molia ona o puipuiga i le teineititi o lo o aafia i lenei mataupu.

O moliaga o lo o tuuaia ai le ua molia e aofia ai le faiaiga ma se teineititi e laititi i lalo o le tulafono, tagofia o itutinosa o se teineititi, atoa ai ma lona faia o ni gaioiga e ono lamatia ai le saogalemu o se teineititi.

O tuuaiga faasaga i le ua molia, na afua mai ina ua sola le teineititi mai lona aiga ma ina ua fesiligia o ia e le ali’i leoleo o Ofcr. D. Utu, na fa’ailoa e le teineititi, e mafua ona sola mai lona aiga, ona o lona ita i le fasi so’o o ia e lona tuagane ae le gata i lea, o lona le fiafia i lona ‘uncle’ i le fai soo o lana amioga o le tagotago atu ia te ia pe a ‘ona.

Ina ua fesiligia e leoleo le ua molia e uiga i lenei mataupu, na ia ioeina ai lona tagofia o itutinosa o le teineititi na aafia i le tausaga e 2010, ae o le masina o Ianuari 2012 sa la faiaiga ai.

O lo o taofia pea i le toese i Tafuna le ua molia ina ua le mafai ona ia totogia le $25,000 sa faatulaga e le faamasinoga e tatala ai o ia i tua.

JUBY KOLIO

O le masina o Setema lea ua faatulaga e fofogaina ai le uluai iloiloga a le alii e 22 tausaga le matua o Juby Kolio, ina ua ia teena tuuaiga faasaga ia te ia i luma o le Faamasinoga Maualuga i le taeao ananafi.

O Kolio o lo o taofia i le toese i Tafuna e aunoa ma se tupe ua faatulaga e tatala ai o ia i tua, ona o le matuia o tuuaiga ua faia faasaga ia te ia.

O tuuaiga faasaga i lenei alii e aofia ai lona faia o ni uiga faasotoma i se tamaititi e 11 tausaga le matua, e aofia ai lona faamalosia o ia e fai uiga mataga faapea ai lona ta poina o lona gutu i taimi uma e musu ai lenei alii e faatino gaioiga e manao i ai le ua molia.

O le alii loia fautua ia Mike White o lo o tulai mo Kolio ae o Camille Philippe o loo tula’i mo le itu a le malo.

IOE DEAN LIU NA IA GAOIA SE PUSA PIA

Ua ioeina nei e le alii e 20 tausaga le matua o Dean Liu i luma o le Faamasinoga Maualuga, le moliaga o le talepe fale i le tulaga lua, atoa ai ma moliaga mama e lua o le faaleaga mea totino ma le gaoi, ina ua fofogaina i luma o le faamasinoga sa latou maliliega na sainia ma le malo, lea foi ua talia e le faamasinoga.

I le tali ioe ai o Liu i moliaga e pei ona ta’usalaina ai o ia e le malo, sa ia tautino ai e faapea, i le aso e pei ona taua, sa ia talepeina ai le faitotoa o le faleoloa na aafia, ae ona gaoia mai se pusa pia sa i totonu e aunoa ma se faatanaga a le faatauoloa.

Sa ia taua foi lona tu’iina o le faatauoloa ina ua aga’i atu ia te ia ma manu’a ai o ia.

O tu’uaiga fa’asaga i lenei ali’i talavou na afua mai ina ua taumafai ma se tasi o ana uo e fa’atau mai ni pia i se faleoloa, peita’i sa teena e le fa’atauoloa ona ua te’a le itula e 10:00 e fa’ataga ai ona toe talia le fa’atauina atu o le pia i fafo, ma ia tuliesea ai le ua molia i fafo ma le faleoloa.

I ni nai minute e le’i mamao atu ae vaaia e le faatauoloa i luga o se tasi o ana masini pu’eata le ua molia, o loo ia siiina atu se pusa pia i le faitotoa pito i tua ma tuu atu i se tasi o alii na faatali mai i fafo.

Na tamo’e atu le faatauoloa e tuliloa le ua molia ma ia vaaia ai le faitoto’a pito i tua o lona faleoloa ua malepe, ae o le taimi foi lea na oso mai ai le ua molia ma tu’i o ia ma alu ai loa i le atoa.

Mulimuli ane na taofia ai o ia e leoleo ma tuuina atu ai loa i le toese seia oo mai i le taimi nei. O loo taofia pea i le toese Liu e faatali ai le aso lea ua faatulaga e lau ai lona faasalaga.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.