Login

SOLA ESE MAI LE FALEPUIPUI ONA O LE FIAAI

APIA, Samoa —  Na faaalia e se alii pagota na tulai i luma o le faamasinoga faaitumalo i le aso Gafua ona o le sola ese mai le toese e faapea, na mafua ona ia faia lea tulaga ona o lona fiaai.

O le aso 15 o Mati, 2012 na sola ese mai ai le alii o Faigame Toelau, e 30 tausaga mai Sapunaoa ma Tafaigata, mai le toese i Tafaigata. i lana faatoesega sa faia ina ua tulai i luma o le faamasinoga, na ia faaalia ai e faapea, sa ia lagona le fiaai i le aso na ia sola ese ai mai le toese ma na te’a le 12 i le aoauli e leai lava se meaai.

“Sa ou tuua ai loa le falepuipui i lena aso ona o lou fiaai tele, ma ou alu atu ai i se tasi o ou aiga i Vaitele e sue ai sau meaai ma se tupe, ma lou le iloaina ua ou solia le tulafono,” o le faamatalaga lea a le alii pagota o Faigame ao faia lana faatoesega ia Faamasino Vaepule Vaemoa Vaai. Na faafofoga le faamasinoga i lea aso e faapea, sa logoina leoleo e se tamaitai leoleo e lei faigaluega ina ua ia vaaia Faigame i luma o le fale taavale o le JT’s Taxi Stand i Vaitele i le pe a ma le afa o le ono i le afiafi o lea lava aso.

Sa maua atu o ia e leoleo i lea nofoaga ma faapea ona toe auina atu ai o ia i le falepuipui. E sola ese o ia mai le toese o lo o tuli lona faasalaga i se solitulafono e lei faailoaina i lea aso, ma toe 10 masina o lona faasalaga o lo o totoe. Na faasalaina o ia e  Faamasino Vaepule i le faasalaga le faatinoina e 10 masina, ae faanofovaavaaia o ia mo le 10 masina.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.