Seki le fa’atonutonua o Pomu - Fitafita Samoa

O le ali’i Eafosi mai Samoa Tech. Sgt. Mitchell Polu, o ia lea o lo’o faigaluega i le Joint Terminal Attack Controller, na fa’aulufale atu i le Eafosi mai le Nofoaga fa’apitoa o le Eafosi i Ft. Carson i Colorado, o ia lea o lo’o ua avea ma sui o le 817th Expeditionary Air Support Operations Sq., Jalalabad Airfield, Afghanistan,  na fa’atonutonua pomu e ao ina tafana atu i le aso 3 Iulai, 2012, ma ua fa’amautinoa mai le sa’o lelei o le pa ’u a nei pomu i mea sa tatau ona fa’apapa.

Ua iloga mai le mata’alia o lea alo o le atunu’u, aua ua tusia lenei tala i fa’amaumauga a le Eafosi e le ali’i tusitala mai le tafa o taua, SSgt  Alexandria Mosness.

 Ina ua fesiligia Polu pe aisea e naunau ai lava i so’o se taimi e tiute ai, ina ia mautu lelei ona fa’atunu’u ona tiute, ae sa ia fa’aalia, “O le toe upu lava lea a lo’u tama i Samoa ia te a’u, pe a ma talanoa i le tele o taimi i le telefoni, e fa’amavae lava i sana tima’i mai “O le a lava sau mea e fai, ia e faia le fa’atonuga ma fa’ataunu’u ou tiute ma le fa’amaoni. Fai le mea sili ua e mafaia!”  O le manulauti lea e ola ma galue ai lea fitafita mai Samoa, i aso ta’itasi e tiute ai!

O Tech, Sgt Mitchell Polu, e faigaluega i le Air Controller, ua na’i o ia fo’i o nisi e to’aitiiti lava o le Eafosi e mafai ona tau’avea tiute fa’apenei i taimi o osofa’iga, ma e fa’amoemoeina tele i lona agava’a lea i totonu o Jalalabad, Afakanisitana.

Ua fa’atulaga e iva masina e umi o le taimi  o lo’o tiute ai nei o ia i Forward Operating Base Fenty, ma e fesuia’i atu lava e le Eafosi a latou tagata agava’a i o latou taimi atofa mo tafa o taua.

Peita’i, ua fa’aalia e Polu, “E le o mea fou lea fo’i ituaiga o tiute, ua mae’a a’otauina i latou ina ia fa’aeteete lelei ma ia mata’alia i taimi e fa’atonutonu ai nofoaga tonu e ao ina fa’apa’u’u sa’o i ai pomu ma misele, e le faigofie fo’i se lagona e o’o ia te oe, pe afai ae sasi lea fo’i tulaga, aua e tali fo’i i ni moliga tau solitulafono pe afai ae sese.”

I le taimi nei, o le fa’ailoga o umia e Polu ua ta’ua o le JTAC, lea e nafa i latou ma le fa’atonutonu sa’o o va’alele tau ma pomu tau e a ina fa’apa’u’u patino i mea e ao ina tu’ia i osofa’iga. E ao ina maua tonu lava na’o e sala ae le tatau lava ona pa se pomu i nofoaga o alaala ai tagata sivili e le o ni vaega tete’e i totonu o le Malo o Afakanisitana.

O tiute o faia nei o Polu e so’ofa’atasi a latou galuega fa’atino ma le  4th Infantry, 4th Brigade mai leFort Carson, Colorado, ma e ao lava ina mautinoa e sapaia e i matou osofa’iga a le vaega lea a le Army ua fa’atulaga latou te galulue fa’atasi.

Ua fa’ailoa mai fo’i e ave lua e Polu ona tofiga, e va’ava’aia fo’i e ia le vaega a le TACP e aofia ai nisi o fitafita e to’a 25 ma le sui e to’alua e talia uaealesi ma leitio ina ia mautinoa e maua uma feso’ota’iga e o’o mai le nofoaga a le vaega au, fa’atasi ai ma le nofoaga tele i le tatou malo. E tumsa ma le 75% o ona tiute e fa’atino i lona tofi JTAC ae 25% o ona tiute e fa’atino i le TACP i aso ta’itasi.

“E mautinoa lava, e le tatau ona tulimoe le JTAC, ma e le moe lava i so’o se taimi e tiute ai!” O le tiute tau le TACP, e mo’omia lava i latou i ni taimi faigata ua oso ai osofa’iga, ma o fa’ai’uga e faia e i latouu nei, e matua ogaoga lava pe afai ae sasi, ma e faia nei fa’ai’uga i taimi vave lava.

saunia: Leua Aiono Frost