Login

TALA MAI I MA ‘O

MOLIA LE TAMALOA - OSOFA’I SUI PALEMENE

 Ua fa’ailoa mai e le Associated Press, se tamaloa ua molia nei i le tulafono ona ua ia osofa’ia se sui o le palemene, a’o taumafai lea sui e taofia se tasi o fa’aleaga le fale fa’atali pasi i Petersborough.

O le sui o le Palemene o lea malo, Stewart Jackson ua ia fa’ailoa mai, “Na ou taumafai e faia se galuega lelei e taofia ai le ali’i sa ou matauina o tau’ai atigi fagu pia aga’i i le fale fa’atali pasi i Broadway i le aso To’ona’i.”

Ua lelei lava lea taumafaiga, aua ua mafai nei ona maua le ali’i sa ia faia lea tulaga e leoleo ma ua saisaitia. O ia lea o Ivan Karanovs, e na’o le 20 ona tausaga, ma o le a tula’i e tali ona moliga i le Fa’amasinoga i Peterborough i le aso.

O le taimi lenei, ua mautinoa o ona moliga ua aofia ai, fa’aleaga o meatotino a le malo, toe faia o upuvale i le sui mamalu o le Palemene, ma lona fa’ao’olima.

TOE ASIA TO’OSAVILI - NU’U A’AFIA I LE GALULOLO

Na pu’e ata e le ali’i Palemia o Niu Sila,  To’osavili John Key a’o asia e ia le nu’u e lua e 22km le mamao mai Apia, ae sa ia matauina e matua tele naua a’afiaga i le Tsunami o le 2009. Lea ua toe taliu mai o ia e asia lea nu’u, pe ua a mai se toe va’aiga i ai, ae ua tolu tausaga talu ona fa’ao’o mai meaalofa mo Samoa e ala i o latou afaina tetele i lea galulolo.

O lea nu’u o Potasi i Falealili, ma sa pu’e ai ona ata ma le afaina sa ia va’aia i le gataifale o lea afio’aga. I lana toe asiga o lea nu’u, sa fa’amatai ai o ia i le suafa “To’osavili” ae ua ia tatalaina nei se latou Fale tele mo fonotaga ma ua avea ma pine fa’amau lea fale o le atoaga o le 50 Tausaga o le Feagaiga Fa’auo a Niu Sila ma Samoa [Treaty of Friendship].

Ua fa’ailoa mai o lea nu’u sa to’atele ni o latou tagata na maliliu i le galulolo tele lea i Samoa ma i tatou fo’i i’inei, ma e na’o le 378 tagata e nonofo i le nu’u lava lea, e tusa ai ma fa’amaumauga.

Ua fa’ailoa mai o lea aumalaga e fa’ailoga le 50 tausaga o le feagaiga ma Samoa e ta’ita’ia mai lea e To’osavili John Key, peita’i, ua mae’a talosagaina e ia ta’ita’i o isi vaega fa’aupufai o le Palemene a Niu Sila latou te o mai fa’atasi ai i lea malaga taua. O nei sui e aofia ai le ta’ita’i o le itu agai a Niu Sila David Shearer.

I sona manatu fa’aalia, ua ia fa’apea ai, “Ua ou fiafia o le a fetaui fo’i ma fetala’i ma sui o le Palemene o Samoa ae maise le ali’i Palemia Tuilaepa, aua o se aso iloga le fa’ailogaina o le atoaga o le 50 tausaga talu ona malilie fa’atasi Niu Sila ma Samoa i se feagaiga fa’apa’aga mamae e pei lava ona sau ai nei feutaga’iga a malo e lua.”

I lea lava asiga o Samoa , o le a faia ai se latou taumafataga i le Robert Louis Stevenson Museum, le nofoaga tonu sa mua’i sainia ai lea lava feagaiga taua i le va o nei malo. O lo ua fa’ailoa mai o le a ia tatalaina aloaia fo’i ma le vaiaso o le “Nofo Filemu ma le agaga Fa’auo Mamae” i Samoa. Ua fa’ailoa mai, o le a faia ai ma ni fa’aaliga o oloa ma ua fa’atulaga fo’i nai isi fa’aaloaloga fa’asamoa ma agaifanua e talafeagai ma ituaiga taligamalo fa’apea e fa’atino mo le aumalaga.

Fa’aalia e To’osavili, “O Samoa e ese mai lava a latou feagaiga osi ma le malo o Niu Sila, aua sa va’ava’aia e Niu Sila Samoa e afua mai le tausaga e 1914 se’ia o’o mai i le 1962, lea fo’i na sainia ai ma le latou feagaiga fa’apa’aga lea.”

“Ua na’o Samoa lava e i ai se feagaiga fa’apea ma le malo o Niu Sila, ma o se fa’ailo lea ma o le tamau fo’i lea, o le matou so’otaga vavalalata i mataupu fai o malo, ae maise o fefa’ataua’iga ma le fetausia’i fo’i.” Ua ia fa’aalia fo’i e tusa ma le 131,000 i le 103,000 tagata Samoa ua alaala tumau nei i eleele o Niu Sila.

Ua fa’aalia, o tausaga ua faamauina e sili ona to’atele ai tagata Samoa ua masi’i atu e nonofo mau i Niu Sila o le vaitausaga 1950 ma le 1970, ae o lo’o to’atele lava fo’i i latou ua o atu ma nonofo ovasteia ai. O le to’atele lava e tau sailia e toe fa’afo’i mai i Samoa.

O le aumalaga a Niu Sila e aofia ai: Hon Hekia Parata, Minister of Pacific Island Affairs David Shearer, Leader of the Opposition Hon Phil Goff, Labour’s Foreign Affairs spokesman Rt Hon Winston Peters, NZ First leader Metiria Turei, Green Party Te Ururoa Flavell, Maori Party Hon Peter Dunne, United Future leader Hone Harawira, Mana Party leader Peseta Sam Lotu-Iiga, National Party Su’a William Sio, Labour Party Kris Fa’afoi, Labour Party Asenati Lole-Taylor.

saunia e Leua Aiono Frost



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.