Login

Umusa le Maota o Patele - Futiga

O le galuega sa papa a’ao i ai le Matagaluega Katoliko i Futiga ina ia alaala ai le afioga Patele ua mae’a ma ua lava tapena mo le Auauna a le Atua. O se fiafiaga lea i le afioga le Matua Ulufaleilupe le Alo o TuiAtua, susu ai Namu ma le fetalaiga maualuga a le tofa le Tauto’oto’o Uiagalelei ma le igoa o le Itu’au.

Ua fa’ailoa mai, o lea maota na amatalia mai ia Me 2012 ona galuea’ina, ae o lea ua mae’a lelei fa’ameafale i le aso ananafi ma umusaina ai i le itula e 6:00 i le afiafi. O le tau aofai o le galuega e $40,000.

I le maota lava ia e lua potu moe, o le potu moe tele mo le afioga Patele, ae ua i ai ma le isi potu moe fa’aagaaga mo ni ana malo feasiasia’i. O le umukuka i totonu o le fale ma le potu malolo ua aofia fa’atasi uma ai. I le fausaga, ua i ai fo’i ma le paka o le ta’avale mo Patele ina ia fa’afaigofie lava mea uma mo le ‘au’auna galulue a le Atua i lea fo’i tovine.

Ua fa’ailoa mai e to’a 11 Matafale galulue ua i ai i le ekalesia, fa’atasi ai ma nisi fo’i o aiga ma talavou o lo’o lolotu a lava i sauniga masani i vaiaso ta’itasi.

Ua fa’afetaia fo’i lenei tausaga, ua i ai ni sui o lea fo’i matagaluega ua auai atu e a’otauina mo tofiga Tiakono ma e ao ina atoa lelei le fa tausaga o lo’o a’otau i latou, ona fa’ato’a ausia lea o a’oa’oga tamau mo ia tofiga o le Ekalesia.

O le fa’amalo galulue ona o le manatu ia tausia lelei le aufaigaluega a le Atua i le afio’aga, o ala ia e iloga ai le soifua galulue ona o le fa’atuatua i le Atua ma le fa’aolataga ua saunia mo i tatou.

tusia: Leua Aiono Frost



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.