Login

FILIFILIA PELESASA AVEA MA MR HAWAII 2011-2012

reporters@samoanews.com
O se va’aiga i le alo o Samoa ua avea nei ma “Mr Hawaiian Islands” lea ua fa’amoemoe mo le isi tauvaga ia Setema o lenei tausaga - mo le “Mr Polynesia” Ia manuia ou faiva! - Laumatalelei Hio Pelesasa o Leone, Amerika Samoa i Hawaii. [ata: Pelesasa - Mr Hawaii]

Ua faamanuiaina le alii Samoa o Laumatalelei Hio Pelesasa e avea ma tama e pito sili ona lelei le tino i le setete o Hawaii mo le tausaga 2011-2012.

O le tama na a’oa’oina i Leone Midkiff Elementary ma fa’asolo ane i a’oa’oga i le Marist High School, fa’ai’u i le Kolisi Tu’ufa’atasi o Amerika Samoa mo le tausaga e tasi, ae ofo loa i le US Army.

Lea ua litaea mai, ina ua mae’a ana malaga i le tafa o Taua i le Iraqi Freedom Mission, ma sa lavea ai o ia, ma ua fa’amalolo ai i le ogaoga o ona manu’a. Peita’i, e le’i gata ai le tinou o Lei Pelesasa e fa’ai’ila le taleni o le lusi o pauna ia le a’afia o ia i ni fa’aletonu tau le soifua maloloina, ma ua avea fo’i ma mea, ua mafai ai ona tauva i le tauvaga a “Tama Tino Lelei i Hawaii.”

“I le taimi nei ua fa’aauau a’u a’oga, ua lava le taimi e faia ai sailiga mo se fa’ailoga i le Criminal Justice” i le Hawaii Community College, ae ua matua e maua uma ona tala’aga matagofie i ana taumafaiga eseese i lana uepesite: hiopelesasa@shutterfly.com. O i’ina e te fia alu aga’i i ai ma e maimoaina ai le tele o ana ata fa’amusika ua fa’alauiloa ai lona fo’i talavou samoa sogasoga ina ia mautu se taumafaiga, a’o i ai i atunu’u i fafo.

Ua iloga mai i lona agaga, “Ou te fia alu lava i so’o se mea ou te faia, ma ‘ave lava lo’u atunu’u pele o Samoa!” Ole afuaga fo’i lea o ta o lana malofie, fa’atasi mai lana pe’a i ona tau’au, e atili ai ona mata’ina sana taumafaiga fa’a-soga’imiti mai Samoa.

O lana tatau ma ana pe’a i ona tau’au ma lima sa taina lea e le susuga Suluape, le tufuga Samoa moni lava, ae sa taina o ia i Hawaii ona o le fa’amoemoe ia alu i le tauvaga ae ua mae’a. O lo’o i ai fo’i avanoa sa fa’aalia ai lana tatau i le Faletuiga ma le Inked Festival i Honolulu.

O lo’o i ai se e mafai ona fa’afeso’ota’ia mo ana taumafaiga uma, le tama’ita’i o Leinara Isaiah peita’i, o lo’o i ai nei o ia i Ausetalia mo le taimi nei. O le fa’amoemoe o loma o lea alo o le atunu’u, ia mafai ona ulufale o ia i le Tauvaga e maualuga atu i le mea ua ia umia i le taimi nei, le “Mr. Polynesia.” O ou mama na Laumatalelei Hio Pelesasa, ia e alu lava ma ‘ave le igoa o Samoa i au tauvaga, peita’i, afai e na te mauaina lea fo’i tausinioga, ona ulufale lea i le Mr Universe, lea sa tula’i ai le isi alo o Samoa, “Mr Sonny Schmitz” i tausaga ua mavae ma e muamua atu ia Arnold Schwatzenegger.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.