Login

E te fia POKA?

O LE LAMAGA A LIONA

Ua fiu se tasi 0 atunu'u i totonu o Aferika e tau saili a latou povi ae ua tei lava ua misi ma le pa povi, ma fa'asalalau ai loa i isi atunu'u latou te tuaoi, so'o isi lava e iloa po'o le a mea lea e tupu i a latou povi, e maua le taui.

Ua o mai solo tagata o isi atunu'u e tau saili ae ua ua lava e fai a latou vai fa'alauatau e le maua lava se mafuaaga o le misi o povi. Pau le mea o loo manino, e tofu lava le po e tasi ma le povi e misi mai ai i le pa pavi.

Faalauiloa loa e le tupu le tala e faapea, soo se tasi na te maua se mea ua gimo i ai povi a lona malo, e maua e le tagata lea povi maua fua e lima.

Na savalivali atu loa se alii Samoa, o Moeta'agulu lona igoa ma fesili, fesili i le Tupu, po'o le a le mea e vevesi ai lo latou atunu'u, ae tali le Tupu, "O lea e tau saili poo ai tagata ua latou gaoia povi a lo’u malo.”

Tali loa le alii Samoa, “ua lelei, a oo nanei, o le a ou teu pei lava a’u o se povi, o le a ou alu matou te tata'a faatasi ma povi, ina ia ou iloa ai le a mea lea e tupu i povi."

E le'i taitai se vaveao, ae tete'i le Tupu ma le vaega lea na alalala i fafo i le savali mai o le Samoa lea, o ona ofu-povi ua masaesae uma ma fesili mai i le Tupu, "Fa'amolemole a, o ai le pogaua lea ga ia kakalaiga mai i kua le Buffalo, vaai la i ai o lea ua leaga uma kagaka i faiga a le Buffalo.”

OUTE FA'ASA'OA OE, O OE LAVA LEA NA GAOIA LE FALE

Ao tu le taavale a leoleo i luma o le fale a se tasi olomatua o loo tau saili le tagata gaoi, na oso atu loa le tala a le olomatua e faapea, “na ou vaai atu lava i le alii lena, o ia tonu lava lea sa savali mai i luma o le matou fale i le po na gaoia ai e tagata.”

Tei le olomatua i le oso atu o le tala a le alii gaoi lea, “E faafefea na e fai mai o a’u na gaoia le fale, o lea sa fai la’u maka pulepule.”

FA'AFETAI UA MAFAI ONA TUU FAATASI OU VAE

O le tina o Maria ose tina e toaga i le lotu, e leai se mea e misi 'ai le fafine i mea fa'a-le-lotu, e o'o i galuega e fai, e lalamua lava ia i galuega a le 'aulotu.

O le fa'amanuiaga a le fafine, e maua le 17 tamaiti na maua mai i lana toalua muamua, oti lana tane muamua, ia fai fo'i le isi toalua lona lua, e 10 fo'i tamaiti na maua mai ai i lana usuga mulimuli lena.

Ua ma'i ma uma ai lona soifua, tusa o le aofaiga o le fanau na fananau mai ia Maria, e 27.

O'o loa i le lotu mulimuli a le olomatua, fai mai loa le faifeau, "O lenei tagata ua iloaga lona tautau i lona aiga atoa ai ma le tautuaina o le lotu, e fai mai lava o ia o mea a le aulotu e tatau ona faamuamua, ae o le mea sili ona taua, ua mafai ona tuu faatasi ona aao."



Related



Comment Here