Login

FAGOGO TAMA O LE C.I.A.

vaega #5

E le i iloa e le toeaina ma le olomatua o loo fa'ataga musu le ali'i o Eteuati e sau, a ua leva ona mana'o i ai le loto o le tama e oo atu i le fale. E le fa'apea e sau ona nofo fa'atasi lea i se fale e tasi, aua a vaai atu i totonu o le lotoa e i ai fo'i isi fale fealolo la e tutu mai i tua, o i'ina na fa'asino i ai Eteuati e nofo ai ae nofo le teine i le fale tele la e luma.

Ua uma mai le ripoti i toeai'ina uma ia e i ai i le kegi lea ua masaloimia i le su'esu'ega a le tama o Eteuati, ua nofo lava ia i le isi fale a le toeaina ma le olomatua, ona o le la alolofa i le uo a le la tama teine.

Ia o le tele lava la o po e moe lava i le potumoe a lana teine ae alu fa'avaveao i tua i lona fale, aua e momoe lava le toeaina ma le olomatua i le'i taitai se afiafi i aso uma.

E o'o fo'i i le taimi e usu ai le toeaina i le galuega, e te'a le fitu i le taeao ua alu, e ta ifo le taimi e sauni ai le toeaina, ua leva ona sauni mai lana ave ta'avale i fafo, ma ua fa'avevela fo'i le afi o le ta'avale.

Ia e usu fa'atasi ia le tama o Eteuati ma lana teine o Sera, e usu lava le tagata ia.

O le fale o le toeaina ma le olomatua, e lima potumoe, ae tofu uma potumoe ma faletaele e i ai, e tasi lava le fogafale ae faaaoga fasi tepu i luga le fale (pe a ma le sefulu futu, fa'ato'a o'o ai i le maualuga o le fausaga o lea ituaiga fale.)

E i ai le potu télé lava lena e fa'atatau mo pati tetele e tu i le tau fa'asiuisuga o le itu taumatau o le fale, o le potu malolo e sosoo mai ma le potu ai, ona soso'o atu lea i tua ma le umukuka.

Ia potu moe fo'i e i itu tauagavale e tutu mai ai, o fausaga tuai lava le ata mai o le fale. Le ituaiga fale lena e ta'u o le 'Victoria's House'.

Tu'u ia la le manaia o le fale a matua o le teine, ma le anoano o tagata faigaluega i totonu o le fale, ma tagata faigaluega fo'i i fafo, ia a'o lê mea e sili ai, ua latalata le tama o Eteuati i le fale o le tamaloa lea o Selefuti.

Ia o'o loa i le afiafi lena ua uma ona fai le meaai a le toeaina ma le olomatua, fai atu loa ia Sera, e fai i lana ua e sau e latou te 'aai, ma ua sau nei le tama o Eteuati ua fai le latou mea ai, fai atu loa le toeaina, "A o'o taeao i le taimi faapenei taeao, aua nei e toe alu i lou fale e te 'ai ai, sau 'i'inei tatou te 'aai fa'atasi ai. Ma o taeao fo'i lea oute alu ai e ta-polo…"

E faia pea



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.