Tala i ta'aloga

FA'AFOU LE KONEKARATE A LE TAMA O OSI UMENYIORA

Ua faaalia le fiafia o le au a le New York Giants lea na siamupini i le Super Bowl o le tausaga lenei, ina ua maea ona toe sainia le konekarate a le alii o Osi Umenyiora ma le latou au mo le tulaga o le vaega puipui (defensive end)

Na faamaonia mai e le pulega a le au a le Giants e faapea, ua maea ona saini le latou konekarate ma Osi, ma o se lagona fiafia i le pulega ona ua mafai ona faataunuu lea fuafuaga, atoa ai ma le latou viia o Osi i le lava o lona onosa’i, e pei ona faaalia e le alii o Jerry Resse, o le pule sili lea a le au.

E $4.7 miliona le konekarate ua maea ona sainia, ma o le 10 ai lenei o tausaga talu ona taalo Osi mo le Giants.

"Ua ou fiafia lava ina ua uma ona saini la'u konekarate, o le a matua fuli ou te koleni," o le tala lea a Osi.

E ono tausaga soso'o o avea Osi ma tama ta'alo i le Defense i le mea tau o le pu'e i tua o le laina le quarterback a le isi 'au, po'o (sack), na 'o le 2008 lea na ta'alo ai talu ai le leaga o lona tulivae.

O ia na mauaina le fa tausaga soso'o lava o maua e ia le pu'e i tua o le laina e puipui le quarterback po'o pu'e i tua atu o le laina o le (offensive line) i (sacks).

Na maua o ia e le QB a le isi 'au i le 2004 (7.0), 2005 (14.5), 2006 (6.0), 2007 (13.0), ma le 2009 (7.0), Na tutusa ma Tuck i le tausaga 2010 e ta'i (11.5) ae tutusa nei ma Lawrence Taylor i le ta'i fa tausaga o avea pea ia i le pu'e i tua o le QB a le isi 'au.

I le tausaga na te'a na o le iva ta'aloga na ta'alo ai Osi ina ua afaina lona 'aao i le latou ta'aloga ma New Orleans, na fa'atoa ta'alo lava i le ta'aloga o le playoff.           

O LE TAUSAGA NEI, UA TAUA AI LE FITU MA LE MAORI, O ALL BLACKS UMA

Talu ona amata mai le au a le Maori All Blacks, o le tausaga muamua lenei ua aloaia ai le faaigoaina o le latou au o le All Black, lea e aofia ai foi ma le latou au taitoa 7, ma ua talafeagai ma le latou malaga taamilo i Europa i le masina o Setema.

Na taua i le Susuga ia Steve Tew, o le CEO a le Iuni lakapi a Niu Sila, "O se taimi muamua lea ua taua ai i le lalolagi e uiga i le latou 'au Fitu ma le 'au a Maori lea ua fa'atoa tusi i totonu o tusitusiga, e fa'ailoa ai o le All Blacks nei 'au e lua." sa toe fa'apea mai, "leaga o la e i ai fo'i le isi 'au o le All Blacks e igoa o le Junior All Blacks."

O le mea na tuai ai ona tu'u i lalo i tusitusiga pe tu'u i totonu o pepa nei 'au e lua, leaga sa le'i mafai e Niu Sila ona fa'atupeina i a latou malaga pe a o nei e ta'amilo pe (tour) fo'i i se atunu'u.

Fai mai le ali'i pule lea o le Lakapi a Niu Sila, o Steve Tew, "O lona uiga la e tatou talanoa nei i le $100 miliona i tausaga uma lava e tau taofiofi mai ai tama ta'aalo lea ua gasolo atu i isi atunu'u i le tele o tupe la e ofa mai i o latou konekarate i isi atunu'u."

"O le taimi nei ua mana'omia lava le 'au ai o nisi kamupani mai i isi atunu'u e lagolagoina le All Blacks i o latou ta'aloga, aemaise ai i atunu'u e fafo."

Na taua i le Pule o le Iuni, "I le Fitu e amata mai i Dubai se'i o'o atu lava e Las Vegas ma isi taulaga tetele o le lalolagi, e fa'alele ai le fu'a a le All Blacks i malae e siamupini mai ai, fa'atasi ai ma le 'au a Maori All Blacks."

"O le tausaga lea o le sau nei, o le a amata mai ia Oketopa se'i o'o atu ia Me o le isi tausaga, ae le i iloa i ai pe te'i ua o'o i le isi tausaga lea, ua fa'aopoopo mai nisi atunu'u, fa'atasi ai ma le Olimipeka i Rio de Janeiro i Brazil i le 2016."

Fai a ia, "E pei o le 'au lea a Maori, lea o lo'o latou fa'aaogaina le Fu'a o le All Blacks i atunu'u e ta'aalo ai, a'o lea la ua taua nei o le All Blacks fa'atasi ai ma le Fitu i ta'aloga o le lalolagi."

"O le vaivaiga lava lea ua tula'i mai, o le lava lea o tupe maua e tama ta'aalo lea ua fai ma mou malie atu i le tele o tupe e ofa mai i isi atunu'u."

Fai mai le fa'amatalaga a le ali'i pule o Lakapi a Niu Sila, "O le mea lava i titilo i ai le atunu'u, so'o se tamaititi lava e ola a'e i totonu o Niu Sila, ua lana miti lava lena, o le fia ta'alo mo le All Blacks. Le ta'aloga ua iloa ai le latou atunu'u i le lalolagi, ma o le numera tasi i le lalolagi i taimi uma e taua ai le nei mea o le lakapi."

UA MAITAUINA LE TOE SAU FO'I O LE CRUSADERS

Ua vaaia le toe malosi mai o le au a le Crusaders ae ua latalata i le faaiuga o le taamilosaga o le Super 15 e pei ona faagasolo i le taimi nei. O le taimi nei, ua lona lua le Crusaders i le faalogo o ai i le taamilosaga i ai e 51 i le 53 a le Chiefs o loo tulaga muamua.

E na o le lua taaloga muamua a le Crusaders ae manunu’a loa nisi o ana tama iloga, peitai o se taimi muamua lea faatoa toe taaalo faatasi uma ai tama lelei o le au, ma e foliga mai ua tala feagai le lelei mai o le Crusaders ae oo loa i le taimi o le pau ma nofo (playoff).

Ua vaaia ai fo'i le toe alualu i luma o lenei 'au i le taimi lava lenei i so'o se tausaga lava i le sefulu ma ona tupu ai nei o tausaga talu ona lelei mai le 'au lenei.

Talosia ia aua ne'i toe lavea mai se isi tama lauiloa o lenei 'au, aua na o le pau lea o le 'au e tumu i tama All Blacks i tausaga uma. E pei lava o le la'asaga lea e faia e le to'atele o tama lakapi.

Ae e sao i totonu o le 'au a le Crusaders ia faigofie fo'i ona e ofi atu i totonu o le All Blacks.

Fa'aliliuina e Toleafoa Haserota Auva'a