Login

E te fia Poka?

FA'ATAU A TATOU TAIFAU

Ua fiu Amerika ma Russia e tauvavao so'o isi atunu'u Arapi, telefoni atu loa le Peresitene o Amerika i le Peresitene a Russia, "E sili ai pe'a fai se isi mea i lo le ta tigaina fua e tau vaovao nei atunu'u Arapi, tu'u ai pea latou a tau ma feoti ai, ia tu'u ai pea."

Fai mai le tonu a le Peresitene o Amerika i le Peresitene a Russia, "A e a uma pe a fai se tauga maile, po'o taifau ? pule a le atunu'u ia i le faiga o le latou taifau.....a ea ?.

Ia ua lelei la, ia e pule lava le atunu'u latou ia i le faiga o le latou taifau." o le toe tali fa'atopetope atu lena o le Peresitene o Amerika.

Na a'ami uma foma'i, sainitisi i le fono ma le Peresitene, "Vaai outou o le fa'amaululuga o le 'au Amerika, fai mai e fafaga se tatou maile po'o taifau i tausaga e lima. A uma loa, ona aumai loa lea o le latou ta'ifau o le a fetaui ma le tatou ta'ifau."

Fai mai loa lea o le Peresetene a Russia, "Ia o le mea oute mana'o ai, e aumai uma o outou finagalo pe'a fa'apefea ona fai se tatou malie, tino lelei, malosi e le fefe lava i se maile, toe fiu tagata e maitau mai po'o le a lea ituaiga maile..."

Fai atu loa le sainitisi matua lava lena sa i totonu o le fono, "Aumai se taifau se 'Serbia hunter',e tasi i 'o Serbia, aumai i Siamani i le ituaiga 'German shepherd', tasi le 'greyhound' e aumai i Ausetalia, aumai ma se taifau se tasi i Farani, e taua o le 'Bulldog' fa'atalia 'au ma ou tago e fa'afeusua'i taifau nei, ona fanau mai ai lea o se taifau maoa'e se tasi."

A'o le taimi lena e taumafai se tonu fo'i Amerika, po'o le a le mea e fai i sa latou ta'ifau.

Ua atua le lima tausaga o'o i le aso o le fai ai le fetaui o taifau ia, ua vaai atu tagata Amerika i totonu o le pa lena na aumai ai le maile a Russia, 'oka e fai o le tele ae sefulu lelei filifili e nonoa ai i totonu a le pa 'aumea ona o le fea'i.

O le maile fea'i uma a le lalolagi lea ua maua mai ai le taifau e tasi, ua fa'aigoaina o le 'Russian bull dog'.

Ua avatu nei i totonu o le pa, tatala 'ese filifili e sefulu, ua tu mai nei ua pei lava o se solofanua le lapo'a o le maile.

Fa'atalitali uma tagata i le taifau a Amerika, ma le vaaia atu ina o le mamalu o le 'au matamata, oe o le sa'a le taifau e tamo'e mai i le isi faitoto'a.

Talie uma fitafita Russia i le vaai atu i le latou taifau ma le taifau a Amerika, "Sole e fa'afefea ona maona ai le tatou taifau i le la sa'a ?."

Ma le tete'i uma tagata na vaai i le mea na tupu, ma ona o'o lava o le sa'a lea a Amerika, e mamulu mai i i ai le taifau a Russia, sau i le atoa, e o'o mai i le mea lea na tutu atu ai le sa'a lea.

Na ona fa'amaga lava o le gutu tele o le sa'a, ae folo atoa le taifau a Russia lea, ua ofo uma le 'au matamata i lena vaaiga, sa topetope atu loa le sainitisi e lona le talitonu i le mea na vaai i ai, fesili loa i le sainitisi Amerika lea.

"Sole o le a le igoa o le lena ituaiga maile ?" ae 'ata'ata le sainitisi Amerika, ma fai mai, " E TAUA O LE 'COSMETIC SURGERY' PO'O SUI O FOLIGA O LE CROCODILE I SE TAIFAU.....O LE MEA MONI A......O LE 'CROCODILE

 

 

 



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.