Ads by Google Ads by Google

Timata le Upega Fagota - Fanau Umia Tipiloma

Avanoa Matagofie Ofoina mo Fanau A’oga i Hawaii e A’oga - Remington College

Pe afai ua mae’a amataina a’oa’oga i le Kolisi, ae ua toe poloka ona ua le lava le fa’asoa o le tupe, va’ai le au faufautua i le Polokalama a le Remington College i latou Ofisa i Fagatogo, Samoa Sports Building.

Ua latou fa’ailoa mai, e i ai avanoa ma nisi o fa’ai’uga e mafai ona e faia, ae o lo’o e aga atu i a’oa’oina fa’apitoa oe i lau kosi sa tau’avea i le tatou Kolisi Tu’ufa’atasi, peita’i, e le’i mae’a.

O avanoa na o lo’o poloka ai le taumafai o le isi vaega to’atele o le fanau a’oga a Amerika Samoa i le taimi nei, ma ua avea ma avanoa e tausailia ai loa se galuega, ae o lo’o i ai pea lou fa’amoemoe e fia fa’aauau ia maua lou fa’ailoga AA mai le Kolisi.

O le polokalama ua fa’ataoto mai e le Remington College i Fagatogo, ua avea ma se isi auala e mafai ai ona tausaili atu fanau a’oga ua pasi A’oga Maualuluga, ma ua umia fo’i latou fa’ailoga Tipiloma, i fafo i Hawaii mo le 18 masina e a’o’oga, saili galuega e galulue ai ma a’o’oga, ma maua ai fo’i se isi va’aiga lautele i o latou olaga tausaili manuia i le lumana’i.

Pe afai e mae’a le 18 masina o le a ulufale ai i lea polokalama, e mafai ona maua le avanoa e faigaluega ai le tamaititi ae le toe tau fo’i mai i Samoa.

O tapenaga mo le fanau, e ao ina faia e lona aiga lona pasese, e so’otaga ai lagona o le fanau ma lona aiga taumafai o i ai. Ia le motusia ai lona lagona e ao ina tausaili i lona mafai e gata ai, ia le fa’atalale ai i lea avanoa taua ua ia maua. O le nofoaga e nofo ai i Hawaii e mafai ona alaala i sona aiga lava, po’o se tasi ua maua’a le fa’atuatuaga o lona aiga, e va’aia lelei o ia ma a’oga, pe a’oga fo’i ma faigaluega pe a mafai ona ia faia mea e lua.

O le avanoa e faigaluega ai ma a’oga le tamaititi i lea polokalama, e fesoasoani lava le taupulega a le Remington College e sailia mo le fanau o aofia i le latou li’o. Peita’i, e tatau ona fa’ailoa e le tamaititi a’oga, o lo’o gafatia e ia ona tau’avea mea e lua i le taimi e tasi.

O tupe e totogia ai lana a’oga, ua fa’aaogaina ai lana Financial Aid i lea tulaga, ae afai o le tamaititi ua mae’a a’e i le Kolisi Tu’ufaatasi, ua le maua se isi vaega tupe i le taimi nei, e mafai ona talosaga mo se nogatupe e sailia fa’atasi e le taupulega a le Remington College ma le sui, ina ia fa’aauau ai ana a’oaoga mo sona fa’ailoga AA i lana kosi o filifili e tau’avea.

Ua i ai le lisi o kosi eseese ua mafai ona tauavea e le fanau, e ao ina e filifili i kosi ua fa’atulaga mai e le Polokalama, ma e leai se mea e popole ai, o lo’o aofia uma lava kosi i le tatou kolisi, i kosi ua lisia mai e le Remington College.

Mai fa’amaumauga ua mae’a fa’ailoa mai e le Remington College, ua iloga ai, e to’a 15 sui o lo ua toe soso’o nei a latou a’oa’oga i Hawaii sa latou auina atu i le tausaga ua te’a, ma o lo’o tumau i le lelei o latou maka, faigaluega ma a’o’oga, ma ua fiafia e fa’ailoa mai pea i matua, o lo’o manuia mea uma i aiga o nonofo ma tausaili le atamai i Honolulu