Login

Totogi tupe o malaga ae fiu e su’e le pule o le ofisa malaga

reporters@samoanews.com

O lo o su’esu’eina nei e le malo feterale ia se ali’i Samoa e suafa ia Calliope ‘Ope’ Saaga ma lana kamupani, ua fa’aigoaina o le ‘Performing Hawai’i Tours’, mo le taliaina o se tinoitupe e silia ma le afa miliona, ae e le’i fa’atino tiute na mafua ai ona maua lea tupe.

I se ripoti a le Asosi o Vaega Fa’asalalau a Amerika (AP), i le vaiaso ua mavae, na fa’aalia ai le le taunu’u o se faigamalaga a le fa’aili a le aoga maualuga o le Southside i  Fort Smith i le setete o Arkansas, ina ua mae’a ona uaea mai e le fa’aili se tinoitupe e silia ma le $250,000 ia Saaga ma lana ofisa, ae maua ifo, ua fiu e su’e Saaga.

E iai fo’i seisi fa’aili o lo o tupu ai foi lenei fa’afitauli, i le setete i Missouri, e pei ona ta’ua e le ta’ita’i fa’aili o Chris Church mai i le aoga maualuga a Willard, e pe a ma le $360,000 le latou tupe na uaea mai foi ia Saaga ma lona ofisa, ae peita’i, e o’o mai i le taimi nei, e le o mautonu pe taunu’u le latou malaga.

O fa’aili uma nei e lua, sa fuafua e faimalaga mai i Hawaii pe a malolo a’oga a le fanau i le masina fou.  Na ta’ua i le ripoti a le AP e fa’apea, na taua i se imeli a Saaga, na ia ta’ua ai le sese o ni ana fa’ai’uga sa faia e fa’atatau i le tupe ma o le taimi nei, o lo o ia taumafai e fa’atau uma atu ana aseti i Samoa, ina ia mafai ona toe totogi ai tupe a nei a’oga e lua.

Na talosagaina e Saaga, i totonu o lana imeli, ia le agaga o le loto onosa’i,a’o ia taumafai e toe saili se auala e totogi ai tupe a aumalaga nei e lua. 

E le o se taimi muamua lenei na fa’aaoga ai e nei a’oga ia le ofisa o Sa’aga e faatulaga ai a la faigamalaga.  O le 2006 ma le 2009 na malaga mai ai le fa’aili a le Southside, i Hawaii, i le fesoasoani malosi a le Performing Hawai’i Tours, ae o leisi fa’aili, na malaga mai i Hawaii i le 2004 ma le 2008.

E tusa ai ma ripoti a se ofisa televise i Honolulu, o le KITV, na ta’ua ai e fa’apea, o Sa’aga o lo o i Samoa ae e le o mautinoa lelei po o fea tonu le nu’u o lo o fa’amautu ai.   Ma o lo o i ai se talitonuga o lo o foufou e faimalaga ese ma Apia i se aso lata mai,a e le o mautinoa po o fea o le a faimalaga i ai.

Na ta’ua e le AP i le latou ripoti e fa’apea, ua mae’a ona fa’afeso’ota’i e a’oga e lua o lo o a’afia i lenei mata’upu, ia le vaega a le FBI fa’apea ofisa leoleo i totonu o o latou setete, mo se fesoasoani i lenei mataupu.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.