Login

MANUMALO TAMA O LE MUA’AU I LE TA’ALOGA MUAMUA MA LE MOSI’ULA

sports@samoanews.com
Tiga na leaga mai isi taimi o le lena aso, ae sa le tuua ai i le mamalu o le atunu'u i le fia molimauina o le ta'aloga i le va o le Tama o le Mua'au ma le Mosi'ula i le aso Toana'i na te'a atu nei. Le Afioga lena i le ali'i Patele o Asalemo i lana saunoga i le latou taimi na ta ta ai, na manumalo le 'au a Tama o le Mua'au, 104 'ai, i le 57 a le Mosi'ula. (ata: THA)

Na vili le tupe, pa’u mai ma pito i luga le itu na piki e Tama o le Mua’au, i le latou ta’aloga muamua ma le Mosi’ula i le Aso To’ona’i na se’i mavae atu.  Na ta ta muamua ai lea o Tama o le Mua’au, ae alo le Mosi’ula e te’a ma talitua’a.

I le feiloaiga lea, na fa'atoa pe ae le'i tau ai le ali'i o Ruvino i se te'a a se isi tagata i le tausaga atoa lenei, ae na pe ifo e leai sana 'ai na maua.

O lenei ali'i o Ruvino, o ia o se tagata ua alu alu i luma lona tomai i le mea tau ta i le tausaga atoa lenei i lenei liki, e pe ifo Ruvino ua ova ma le 40 'ai ua mauaina i se ta'aloga e tasi.

Ma o le mea lea na maitauina e le 'au maimoa, fa'apea ua pe le tama ta o lenei tausaga, ona uma ai lea o isi tama ta i le 'au lea a le Tama o le Mua'au.

O le to'a tele lava o Tama o le Mua'au, sa tu'u lava le latou fa'amoemoega pe ave uma ia Luvino e faia mai 'ai i se ta'aloga, a o latou ia, o le talitua-a ma le te'a o se tama o Logi, ma Ulala ma Uale.

Ua ta maitauina le fa'amoemoe lea o lenei 'au, a'o le aso To'anai lea, na vaai atu loa ua pe le tama o Luvino, fa'ato'a vaai atu atu lea ua tino-u mai le isi 'au vaega lea na gasolosolo mai i luga o le malae.

Manaia tele le tuamafaiga a le Mosi'ula, manaia mai te'a i le taimi lea na maua ai pe e 2 ae fa'ato'a 6 'ai, toe maua mai ma isi pe na e 2 fo'i, ae fa'ato'a 23 'ai a le Tama o le Mua'au.

Ua uma lava fa'ate'a na amataina le te'a a le 'au o le Mosi'ula i tau tapeina o le isi tamua o Sakai 14 'ai, ina ua pe le isi tamua. E pe ifo ae tu atu le tama lea o Faaliga ina ua maua le pe lona tolu, na maua ana 'ai e 9.

Toe alu ma Ulala i le lona 6 o tama ta, o le mea lava i tasi, ua alu 'ai ia ae tumau pe i le 5.

E lima pe ae ua maua le 45 o 'ai, e pe mai ia Joe ma ona 'ai e 17, ma Ulala ua maua ua 73 'ai o le Tama o le Mua'sau i le 7 o pe.

Na manaia le taofiofiga mai e le Mosi'ula o pe ma 'ai, ma gata lava Joe tagata ta na lelei lona ta i le sefulu na ta ta muamua, ae na o'o mai loa ia Logi lea na 8 'ai, na toe alu fo'i 'ai a Tama o le Mua'au.

Ia ma le tama o le Uale lea na maua 'ai 11, lea na ta mai i le 12 o pe, ua sui atu lea fesuia'i ai fa'ate'a, i aloalo mamao i o te'a ma o le mea lena maua ai, ua alu se taimi o fa'atali se pe po'o se 'ai.

Na ta ta lava le 'au o Faleniu po'o Tama o le Mua'sau na o'o lelei i le 104 o latou 'ai ae uma lelei atu le 'au ta ta e sefulu ma le iva,

O le mea na mautinoa lava le fefefe o fa'ate'a o le 'au o le Mosi'ula i le tutu atu o tama tuai o lea ta'aloga o le kirikiti. O le mea e laki ai, o le le faitauina o 'ia na e maua i te'a e pau i lalo, (wide bowles), ana faitau o le mea moni lava e ova i le 25 isi 'ai e maua i te'a na e pauu i lalo a le Mosi'ula.

A'o le aso fo'i lea, ua sao le mimilo o le faate'a lea o Ulala i lena aso, na o le taimi lua mai lava o Logi, ae tu'u uma ia Ulala e faia mai afu o le Mosi'ula. E fitu (7) lelei 'olo o Ulala ia ma le 'ano'ano o se'e, ae o Logi e tolu ana 'olo na maua i lena aso.

Mea e lelei o ituaiga 'au lenei, e tofu le aso ma le tagata e iloaga mai lona ta i se ta'aloga, ae o le tele lava o taimi i fa'ate'a, ia o Logi lava lea na 'olo silia i ta'aloga uma i le ta'iono (6) i se ta'aloga.

Na o le lua lava fa'ate'a na fa'aaoga mai i le aso To'anai, na o Ulala ma Logi ma o se taimi na fa'aaoga mai le suite'a lea o Tupu, lea e tasi lava lana te'a, pe le tama lea na ta mai i le Mosi'ula.

O le taimi la na tuli 'ai ai le 'au o le Mosi'ula, na manaia lava le tamua a le Afioga i le Patele, ia Asalemo e 8 ona 'ai ae pe i le se'e, o Loia e 5 ae 'ai ae pe i le 'olo, soso'o mai ma Faresa na o le 4 ana 'ai ae pe fo'i i le te'a a Ulala.

O le taimi lea i le te'a a Ulala, fa'apea lava le 'au maimoa ia e le 'aai nei o le pito-malae (curve) o le agavale o le fa'ate'a lea o Tama o le Mua'au.

Fa'ato'a maua mai lava nisi 'ai a le Mosi'ula, ina ua uma le pe lona sefulu ma le lima, ia Sililo lea na maua ana 'ai e 5, ia fa'ato'a toe maua lava nisi 'ai i le tama o Talofa lea na maua mai ana 'ai e 4 lea la na maua ai o latou 'ai e 57 ma pe e sefulu ma le iva.

Lea la ua muamua tau le malo a le Tama o le Mua'au ae leai se malo a tama o le Mosi'ula,

Tama o le Mua'au 1 - 0, Mosi'ula 0 - 1.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.