Login

Fa’asotoma i le Initeneti -A’afia Fanauiti

Ua fa’ailoa mai e le ali’i su’esu’e a Matagaluega o Leoleo a le Malo o Ausetalia i ituaiga solitulafono o lo ’o fa’atautaia i so’otaga fa’ainiteneti, Glen McEwen, “O le o’o atu o le tautua Initeneti i lou aiga, e aumaia fa’atasi ai o so ’o se ituaiga mea i lou lotoifale, mea lelei fa’apea fo’i ma mea leaga.”

Ua fautuaina matua ina ia va’ai toto’a fanau i so ’o se taimi, ia mautinoa ua poloka mai lau so’otaga fa’ainiteneti, le tele o mea leaga e maimoa i ai le fanau e fa’aaogaina ai le Initeneti. Afai e le’i malamalama lelei pe le’i o’o fo’i le malamalama o le Matua i mea uma e mafai ona feso’ota’i atu i ai lau fanau e ala i le Initeneti, e ao ina e sa'ilia se fesoasoani mo oe, e mafai ai ona e atamai atu i so ’o se mea tau le Initeneti nai lo lau fanau lea e fa’aaogaina.

Ua fa’ailoa mai e leoleo su’esu’e a Ausetalia i soligatulafono e fa’atautaia i luga o so’otaga fa’ainiteneti i totonu o la latou malo, ma ua latou fa’aalia mai, ua maua uma le to’a 13 o tamaloloa sa latou feso’ota’i ma teineiti laiti lava, e le’i uma le pule a matua ma le malo ia i latou, ua latou talanoa ma fa’amaimoaina i latou i ata leaga i luga o le initeneti. O se solitulafono matuia lea tulaga.

Ua mae’a ona aoina atoa e leoleo su’esu’e nei komipiuta e faitau selau afe o i latou, ua aofia uma ai so ’o se ituaiga o feso’ota’iga solitulafono ma fanau iti. Ua fa’ava’ai ma maimoa ai le fanauiti i ata o faiga fa’asotoma fa’aleituaiga e le talafeagai ma i latou i lea laiti o le soifuaga fa’aletagata o i ai.

O le autu o nei feso’ota’iga fa’asolitulafono e maua ane e afua mai Siamani, ma o le maua taitaia i le Malo o Ausetalia, ona ua fa’ailo mai e le Interpol i Ausetalia o lea ua amata sosolo vave mai lea faiga i la latou tautua fa’ainiteneti.

O le tala mai, na fa’auia mai e nei tamaloloa i Ausetalia ata ma video mai se faila feso’ota’i i le neti. Ua mae’a molia i latou ma e ono fa’asalaina i latou i le umi e tusa ma le 15 tausaga i le falepuipui, e tusa ai ma se tala mai le vaega fa’asalalau a Ausetalia.

Ua fa’ailoa mai o lo ’o fa’atautaia le su’esu’ega lea i Vistoria, Kuiniselani ma New South Wales ma ua fa’aigoaina lea sa'iliga o le Opperation Belfort. E aofia i mea uma ua se’ia nei e leoleo mai ia i latou ua molia, o masini komipiuta, hard drives, laptop komipiuta, flash drives, masini e teuina i ai faila fa’akomipiuta, telefoni fe’avea’i ma isi masini tau ipad ma mp4.

“O se mea fita ai, ona o ni isi o nei ata leaga, ua fa’aalia ai ata o fanau matua laiti lava!” O se tala lea a le ali’i leoleo su’esu’e. O le atunu’u o nei fanau iti e pu’ea o latou ata fa’apenei, e matua le mautinoa lava, e o’o fo’i i nofoaga o lo ’o tapu’eina ai nei ata leaga, ua le mautinoa lava.

O le su’esu’ega lenei na amatalia mai ia Tesema 2011 ma e o’o mai i le taimi nei, o lenei vaega ua saisaitia e leoleo e amata mai tausaga i le 21 se’ia o’o i le 64 tasuaga le matutua o tamaloloa.

“Ua manatu ifo lava le vaega fai mea leaga nei i fanauiti e sao mai le a’ao malosi o le tulafono, ia talofa i la latou sala o le a fa’ao’o i ai e le tulafono. E le o sao le Initeneti mai le a’ao malosi o le tulafono, e i ai lava ala e maua ai e leoleo faiga sese nei i luga o le tautua a'oga.” O se isi lea tala mai a le ta’ita’i leoleo.

“O lo ’o tele lava isi saisaitiaga e mulimuli mai, e le o uma mai le vaega leaga lea!” Sa ia toe fa’ailoa mai i nusipepa i Ausetalia.

saunia: Leua Aiono Frost



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.