Login

Fa’amalosia Fa’amalositino mo Leoleo Uma

Ua i ai le polokalama fou ua fa’amalosia nei i le Malo o Fiti mo a latou Leoleo uma lava, e ao ina e pasia lelei au fa’amalositino i aso ta’itasi, ma ia fa’amaumau atoatoa le aofa’iga o lou auai i fa’amalositino i vaiaso ta’itasi.

O le tala mai, o leoleo e masani ona le fa’amalositino, ae ua na’o le saofafa’i i le Ofisa ma fa’atonutonu leoleo fou, ua le masani i le alapo i taeao ta’itasi mo se tamo’ega, pe fa’ai’u fo’i itula afiafi o aso ta’itasi i se tamo’ega po’o se savaliga, e mafai ai ona fa’aauau lo latou tino lelei e agava’a ai mo le tofi “leoleo”.

Ua faia lea fa’atonuga fa’aletulafono o lou fia avea ma se Leoleo o le Malo o Fiti, ma se mea e mua’i fa’atauto oe e te avea ma se leoleo, ae ua manino ia te oe, e ao ina e gafatia lea tulaga i aso ta’itasi o lou avea ai ma se “malu o le Malo.”

O se tala mai le Sui Komesina SPFulori Rainibogi, “O le taumafaiga ina ia mautinoa tino lelei ma le soifua maloloina lelei o ali’i ma tama’ita’i leoleo, e ao ina fa’atumuina le taimi paganoa o leoleo, e faia ai le latou fa’amalositino i le taeao po ma le afiafi po.”

I le masina atoa o Fepuari, na fa’atonuina ai ali’i ma tama’ita’i leoleo, ina ia taofiofi mai lo latou ulaula ma le tagofia o le ava malosi po’o le pia, ina ia fa’amauina lava le tulaga, o le soifua maloloina lelei i totonu o le aufaigaluega fa’amalosi tulafono.

“O le a fa’aauau pea lenei taumafaiga, ina ia fa’amasani lelei le aufaigaluega e fa’amalosia tulafono, e  ao ina avea i latou ma mua’i fa’ata’ita’iga i le soifua mama, soifua laulelei o le atunu’u. O le taofia a’ia’i fo’i lea e i matou o le tele o mea e a’afia vale ai le soifua po’o le aofia atu ai i ni fa’alavelave tutupu mai ona o fete’ena’iga ma faiga sese i totonu o le atunu’u.” O se tala mai lea a le ali’i sui Komesina o leoleo.

“O le faiga lenei, ua matauina le lelei a’ia’i o amio a leoleo, ae ese ai, ua mata’alia i latou i taimi uma o le aso po’o taimi atofa e faigaluega ai. O se mea lelei lea ua matauina e ta’ita’i, fa’atasi ai ma nisi matagaluega e feso’ota’i a latou galuega fai ma ali’i leoleo, ae sili ai lava, ua fa’afiafiaina o latou aiga, aua ua matele ina tele taimi e maua ai i latou i o latou fale ma aiga.”

“Peita’i, o se mea sili ona si’itia nei, o se va’aiga lautele i le tino lelei ua i ai nei ali’i ma tama’ita’i Leoleo, ua agava’a i le va’aiga lautele, o ali’i leoleo o le malo.” E le’i misia fo’i e le sui komesina ona fa’afetaia aiga uma o ali’i leoleo mai lana fa’afetai lautele, ina ua le motusia fo’i le latou sapaia pea o tima’iga a le Matagaluega, e fa’amalosi’au ai i ali’i leoleo i a latou koleniga ma le tapenaga o latou soifua tautua.

“O se galuega lenei ua fuaina e le na’o ali’i ma tama’ita’i leoleo, ae ua aotelega ai ma se sao tele o nai aiga mo le latou lagolagosua mai i le matagaluega ina ia soifua maloloina ma tino lelei malu o le malo.”

Ua fa’ailoa mai fo’i, o lo ua tatalia nei se tali mai le fa’auluuluga o le Matagaluega atoa, pe tua ma ni a le talosaga i sa latou polokalama fa’atautaia tumau lea na fa’ataoto, pe pasia pe leai, ina ia fa’aauau ai fa’apea ona fa’atautaia lea faiga lelei, ia mautinoa le saogalemu fo’i o latou soifua pe a lu’ia i le galuega fa’amalosi tulafono.”

saunia: Leua Aiono Frost



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.