Ads by Google Ads by Google

SONNY BILLS MA RICHARD KAHUI

Ua sauni atu nei le Waikato Chiefs ma la latou ta'aloga fa'a-samasama-noa (pre-season game) e tasi e faia ma le Wellington's Hurricanes ona amata lea i le vaiaso i tua i le amataga o ta'amilosaga o le Super 15.

Lea la ua aofia i totonu le tama o Richard Kahui ma Sonny Bill Williams i tua o le laina a le Chiefs, i le numera 12 ma le 13 o le laina i tua.

O le tama o Tim Nanai Williams lea o le ta'alo i le numera 11 po 'o le uigi, a'o Robbie Robinson e ta'alo i le fulupeki, le tulaga lea na tu'ua e Mils Muliaina ina ua malaga atu i Iapani, e ta'alo ai i lana konekarate.

A'o nofo Sonny Bill Williams e sauni i lana fusu'aga i le fusi a le Heavyweight a Niu Sila, sa le ta'aalo ai la latou 'au o le Cheifs mo ana ta'aloga e lua ma le Rebels ma le Highlanders.

O le tama lenei o Richard Kahui ma Sonny Bill Williams o lo 'o ta'aalo nei i le All Blacks i le vaitaimi nei.

Fai mai a Kahui, "O se tagata talenia lenei tagata o Sonny Bill Williams aua e lua ana ta'aloga e tau’ave nei, o le fusu ma le lakapi, e fiafia i ai aua o le a fa'asoa lelei mai o le polo i le taimi e maua ai e lo latou 'au le polo."

Ona toe fai mai lea o ia, Kahui, "Ou te talitonu lava o le a mautinoa lava le lelei o le ‘ave atu ina o le polo i tua, se'i pa'i ia i laua le uigi, ia maua ma le ali'i o Tikorotuma. Toe a le o le le lelei fo'i le puipui (defense) lea o lo

'o vaivai lava i le taimi nei. Ae e i ai lo'u talitonuga e o'o atu i le taimi e amata ai le ta'amilosaga, ua lelei."

E o'o mai i le taimi nei e le'o tu mai lava la latou 'au o le Chiefs i se tulaga lelei i la latou puipui mai, toe tasi lava la latou ta'aloga fa'a-samasama-noa ona amata loa lea o le ta'amilosaga i le isi lua vaiaso.