Le Lali

E to’alima ni tamå na fai aso Sa o Tama i le toese i Tafuna i le faaiuga o le vaiaso na te’a nei, ona o tuuaiga i lo latou faia lea o ni gaioiga e lepeti ai le nonofo filemu o tagata lautele.
 
O i latou e toalima e aofia ai Reggie Vaavale, Amuia Foma’i ma Fanolua Fanolua Jr o lo o tuuaia i moliaga mama o le faatupu vevesi i nofoaga faitele, ma le isi to’alua o lo o tuuaia i le faatupuina lea o le vevesi i totonu o le lotoifale o la aiga, e ala i le faaoolima i la taitoalua.
 

SILIA 50 FANAU AOGA AUAI POLOKALAME ARTS COUNCIL MO LE SUMMER
 
E silia i le to’a 50 tama ma teine aoga na auai i le tatala aloaiaina o le Polokalame a le Ofisa a le Arts Council mo le Summer, lea na tatalaina i le taeao ananafi mo le umi e 4 vaiaso.
 

Ua faamaonia mai e se sui o le LBJ i Fagaalu le faamaonia i a latou suesuega le i ai o ni isi o le atunuu ua faamaonia le a’afia i siama o le gasegase o le ‘typhoid fever’, po o le Fiva Taifoi ma ua lapataia ai le mamalu o le atunuu ina ia vave vaai se foma’i i le taimi e maitauina ai ni suiga ile soifua maloloina aemaise lava i le fanau laiti.
 

O le toe aafia ai o oganuu o le itumalo o Tualauta i tafega ma lologa i le vaiaso na te’a nei ma faaleagaina ai ni isi o vaega o auala, na taua ai e le afioga i le tama’ita’i Faipule ia Vui Florence Vaili Saulo i sana tusi fa’amanatu i le Kovana Sili, o faafitauli nei e i le va o le 20 i le 40 tausaga le umi talu ona fetaia’i ma lona Itumalo, ma ua mana’omia ai se gaioiga faanatinati a le malo e foia ai.