Login

Le Lali

Medicaid: E le maua tupe tele pe a le lava galuega fa’atino LBJ

ausage@samoanews.com

Na taua e le ta’ita’i o le Ofisa o le Medicaid a le malo i luma o le Komiti Soofa’atasi o le Paketi a le Fono Faitulafono i le vaiaso nei e fa’apea, e ui e agava’a le falema’i o le LBJ i tupe o le Medicaid, ae foliga mai e le lava a latou galuega fa’atino e mafai ai ona latou maua se vaega tele o lenei tupe fesoasoani mai le malo tele mo Amerika Samoa.
 



Talitonu le Fono e le tau fesiligia le Paketi a le Ofisa o le Kovana

ausage@samoanews.com

E tau leai ni fesili a afioga i Senatoa ma Faipule fa’asaga i le Paketi a le Ofisa o le Kovana, ona e talitonu i latou, “e le tau fesiligia le paketi e fa’atautaia ai galuega a le Ofisa o le ali’i kovana o le malo.”
 



Mana’o Vaanatiu aveese Tonumaipe’a ma Thompson mai le Litaea

ausage@samoanews.com

Ua talosagaina e le Ta’ita’ifono o le Komiti Fa’afoe o le Litaea le afioga i le ali’i kovana ia Lolo Matalasi Moliga, ina ia aveese Ueligitone Tonumaipe’a ma Sonny Thompson mai le toe avea ma totino o le Komiti Faafoe o le Litaea, ae tofia ni isi sui fou e sui tulaga ia te i laua.
 



Tala otooto mai le Fono Faitulafono

ausage@samoanews.com

PASIA SENATE TOFIGA KOVANA MO EDDA WYBERSKI
 
E 12-0 le palota na pasia ai e le Senate i le taeao ananafi tofia a le afioga i le alii kovana mo Edda L. B Wyberski, e avea ai o ia ma totino o le Komiti Fa’afoe o le Ofisa o Femalagaaiga.
 
O lea fa’aiuga mai le maota maualuga, na faia lea ina ua mae’a se iloiloga puupuu lava sa fa’atautaia e le Komiti o Faamasinoga a le maota, lea sa taitaia e le afioga i le alii senatoa ia Soliai T. Fuimaono.
 



Olaga Le Tumau

Vaega: 75
 
Tatou fa’afetaia pea le alofa ma le agalelei o lo tatou Matai oi le lagi, aua o Ia o le pogai o mea lelei uma. O le ua o tatou va’ai le sulusulu matagofie mai o le la, ua o tatou ilao ai le alofa o le Atua mo i tatou e le mavae.
 
Ae alo maia, o le a toe fa’aauau atu la tatou tala, ae ia manuia lou alo atu i faiva ma tiute o lenei aso.
 



GAOTEOTE: E fia vaai Senatoa i Tusi Paketi ae le o ‘disc’

ausage@samoanews.com

Na fa’ailoa e le afioga i le ali’i peresetene o le Senate ia Gaoteote Palaie Tofau i le Teutupe ma le Fa’atonusili o le Ofisa o le Paketi a le malo ananafi, e le fia silasila afioga i Senatoa i se paketi e aumai i se ‘disc’, ae fia vaai i latou i Tusi Paketi sa masani mai ai le Fono Faitulafono ma le malo i le tele o tausaga ua mavae, talu ona amata mai galuega i le iloiloina o le paketi.
 



Fesiligia pea Senatoa tulaga Thompson i le Komiti Litaea

ausage@samoanews.com

Ua toe tolopo le faia o se fa’aiuga a le Senate mo le susuga a Tony Tagoa’i e avea ma Totino o le Komiti Fa’afoe a le Litaea o le malo, ona o lo o fesiligia pea e afioga i ali’i Senatoa le tulaga tonu o loo i ai le susuga a Sonny Thompson i totonu o le Komiti o le Litaea.
 



Amata aloaia iloiloga Paketi mo le Tausaga Tupe 2016

ausage@samoanews.com

O ananafi na amata aloaia ai iloiloga a le Komiti Soofaatasi a maota e lua a le Fono Faitulafono, mo le talanoaina o le Paketi a le malo o Amerika Samoa mo le Tausaga Tupe fou 2016.
 
O ulua’i molimau sa fesiligia e aofia ai le Teutupe a le malo ia Ueligitone Tonumaipe’a, ma le Fa’atonusili o le Ofisa o le Paketi a le malo ia Catherine Saelua, e tusa ai o alagatupe ua fa’amoemoe le malo e fa’atupe ai lana paketi mo le isi tausaga tupe fou.
 



Soisoi Galea’i polokalame kovana sii ai totogi o faiaoga

ausage@samoanews.com

Na soisoi le afioga i le ali’i senatoa ia Galea’i M. Tu’ufuli, ina ua fa’amalamalama e le Fa’atonusili o Aoga le auala o lo o fa’atautaia ai e le Ofisa o Aoga, le polokalame a le ali’i kovana e sii ai totogi mo faiaoga fai fa’ailoga o loo galulue i le matagaluega.
 



Tatala i tua Carmen Hunkin mai le toese i Tafuna

ausage@samoanews.com

O le aso Faraile na te’a nei na tatala ai i tua mai le toese i Tafuna le tina o Carmen Hunkin, ina ua manatu le fa’amasinoga maualuga ua lava masina e 7 lea na taofia ai o ia i le toese i Tafuna, e avea ma ona fa’asalaga i le mataupu e pei ona ta’usala ai o ia.
 
O Hunkin na ta’usala e le fa’amasinoga i le moliaga mamafa o lona tagofia lea o itutinosa o se ali’i talavou e 16 tausaga le matua, ma fa’anofovaavaaia ai loa o ia e le fa’amasinoga mo le 5 tausaga i lalo o tuutuuga e ao ona ia usita’i i ai.





Comment Here