Le Lali

Vaega: 81

Fa’amalo lava le faitau i le mamalu o le atunu’u, e i ai pea le manatu o lo’o sologa malie pea le fa’atinoina o faiva ma tiute i lenei aso, ae maise ai fo’I o le alafa’i o le atunu’u i fanuga lelei I le alofa ma le agalelei o le Atua Soifua.

Na muta mai la tatou tala ananafi i finauga lea o lo’o fai nei a Kapilielu ma Mose, a’o nei upu uma o lo’o fa’afofoga pea i ai le Atua le Tama, fa’apea ma Lona Alo Pele e to’atasi, o Iesu Keriso.

E silia i le 2,000 koko ua maea ona toto e ni isi o le aufai faatoaga a le atunuu i le palapala, ma le faamoemoe o le a tele atu ni isi koko e toe toto i faatoaga a isi fai faatoaga mo le tausaga fou.

I se faatalatalanoaga a le Samoa News ma le afioga i le Faatonusili o le Matagaluega o Faatoaga ia Lealao Mel Purcell, sa ia faamaonia mai ai le tulaga manuia ua i ai le atina’e o le koko i Amerika Samoa.

E silia i le to’a 10 ua mafai ona taofia e Leoleo i le faaiuga o le vaiaso na te’a nei, talu ona amata mai le poloka a le Matagaluega mo aso fiafia o le Kerisimasi atoa ai ma le Tausaga Fou.

O i latou e toa 11 na taofia i le faaiuga o le vaiaso, o lo o tuuaia i solitulafono eseese e pei o le ave taavale ‘ona atoa ai ma le faatupu vevesi i nofoaga faitele, ma ua faamoemoe o le taeao nei o le a tutulai uma ai i latou i luma o le Faamasinoga Faaitumalo, mo le tuuina atu o a latou tali e tusa ai o tuuaiga ua faia faasaga ia te i latou.

Na faafetai aloaia le alii Palemia o le malo o Samoa i le Kovana Sili ma le malo o Amerika Samoa, i lo tatou vave tali atu e tusa ai o le manaoga sa tuuina mai, i le manaomia lea o se fesoasoani mo le silia i le toa 4,000 ua leai ni fale e nonofo ai, ina ua faatamaia e le afa o Evan i le vaiaso na te’a nei.