Login

Le Lali

Tala otooto o Fa’amasinoga

ausage@samoanews.com

PENETEKOSO MALIGI
 
Na talia e le fa’amasinoga maualuga le talosaga a le ali’i o Penetekoso Maligi ma lana loia fautua i le taeao ananafi, mo se avanoa e fa’amama ai se fa’asalaga a le fa’amasinoga fa’asaga ia te ia, ae tatala o ia i tua e alu e mafuta i lona aiga aemaise ai lona to’alua ma si ona afafine laititi mo le Aso Sa o Tina i le fa’aiuga o le vaiaso nei.
 



Lagolago Manu’a le tu’u atu MV Sili pulea ese kamupani tua

ausage@samoanews.com

I le toe fa’aauauina ai o le tautua a le va’a a le malo, le MV Sili mo Manu’a i le vaiaso nei, talu mai le silia i le 7 vaiaso na taoto ai i luga o le Vaega Tosova’a a le malo i Satala, ona o ni fa’aletonu i le pe’ape’a o le afi, na taua ai e ni isi o le itumalo o Manu’a lo latou lagolagoina o le fautuaga ua taoto i luma o le Fono Faitulafono, e tu’u atu ai le puleaina o le MV Sili i se kamupani tua latou te fa’atautaia.
 



TALA VAIFANUA

PASIA LAISENE 501 A LE TAMMS
 
O se tala fiafia i le tapua’iga a le sosaiete a tama ma tina matutua o le “Toe Afua Mai Matua Samoa” (TAMMS) ina ua pasia le latou laisene 501 lea e mafai ai ona agava’a e talosaga mo ni fa’atupega aloa’ia mai le malo tele. O lea taumafaiga ua latou fa’ailoa mai, “Fa’afetai tele i le taumafaiga sa gapatia ma se tasi o tama’ita’i agalelei o Eileen Solaita aua o ia lea sa ia taumafai maia lenei laisene mo i matou.”
 



Fesiligia Vesi fa’aiuga LBJ fa’asaga ia Dr. Ivy Clemente

ausage@samoanews.com

Ua fesiligia e le Ta’ita’ifono o le Kommiti o le Soifua Maloloina/LBJ a le maota o sui, afioga Vesi Talalelei Fautanu Jr le fa’aiuga ua faia e sui sinia o le Falema’i i Faga’alu, le LBJ, e taofia ai le toe fa’afouina o le konekarate a se foma’i ua loa lana tautua i Amerika Samoa ia Dr. Ivy Clemente.
 
O Dr. Clement sa avea ma Fa’atonu o le vaega a le Laboratory a le LBJ, lea sa la galulue soosoo tauau ai ma le foma’i ia Dr. Amor Gonzales.
 



TALA MAI SAMOA

TAPUNIA KOLISI MALUAFOU I VEVESIGA MA AVELE
 



Sauni Vaega Tausima’i fa’amanatu 100 tausaga latou tautua

ausage@samoanews.com

A o pisi ai uo ma aiga aemaise ai le malo ma le atunu’u atoa e aloaia le tautua a le Vaega o Tausima’i i le vaiaso lenei, ua i ai le fuafuaga a le Fa’alapotopotoga o Vaega Tausima’i i Amerika Samoa, o le a taoto uma polokalame mo le latou vaiaso fa’apitoa lenei e fa’amanatu fa’atasi i le masina o Iulai o le tausaga nei, lea ua fa’amoemoe e fa’amanatu ai le atoaga o le 100 tausaga o le tautua a Vaega Tausima’i i Amerika Samoa.
 



Faalauiloa Ofisa Aoga tele o ana tautua mo fanau aoga

ausage@samoanews.com

Ua fa’alauiloa e le Ofisa o Aoga a le malo le tele o ana fuafuaga fa’ataoto mamao, mo le manuia o fanau aoga i le lumana’i.
 
O ni isi o ia fuafuaga vaai mamao e pei ona fa’alauiloa i se fonotaga ma Tusitala i le vaiaso nei, e aofia ai le toe fa’aauau o le Aoga Gagana Samoa i le taimi o tuuaga o aoga o le tausaga nei, o avanoa e mafai ona fesoasoani ai i fanau e le ausia togi e fa’au’u ai i le Vasega 12, aemaise ai suega ua mae’a ona fa’atulaga mo le su’esu’eina o le tomai i mafaufau o fanau aoga.



Talia talosaga Ofisa Aoga e silia $17 miliona mai le USDOE

ausage@samoanews.com

O le vaiaso nei lea ua fa’amaonia mai ai e le Ofisa o Aoga a le malo, le talia o la latou talosaga tupe fesoasoani mai le Ofisa o Aoga a le malo tele (USDOE) i le aofaiga e silia i le $17 miliona (consolidated grants), e fesoasoani ai i le fa’atinoina o ni isi o galuega a le Ofisa o Aoga a le malo.
 
I se fonotaga ma Tusitala i le taeao ananafi, na fa’alauiloa ai e le Fa’atonusili o le Ofisa o Aoga a le malo, tofa Vaitinasa Dr. Salu Hunkin-Finau lea tala fiafia mo le atunu’u.
 



Tutu fa’atasi Mafutaga Tina Ekalesia Soofa’atasi fesoasoani LBJ

ausage@samoanews.com

E toeitiiti lava o Mafutaga a Tina mai Ekalesia eseese uma i Amerika Samoa, ua mafai ona latou fa’amaonia i le pulega a le Falema’i o le LBJ lo latou sauni e tu’ufa’atasia a latou fesoasoani, e lagolago ai i le manaoga tele o lo o tula’i mai i le falema’i e tasi a le atunu’u i le taimi nei, i le mana’omia lea o solo, aluga, ie afu ma taga aluga mo gasegase e autova’a atu i le falema’i.
 



TALA VAIFANUA

FA’ATAUA GASEGASE O LE MAFAUFAU & FAIGALUEGA PEA
 
O le aso Gafua amata ai le polokalama e fa’ataua ai afaina tau le mafaufau ma taumafai pea e faigaluega i le vasega o tautua eseese i le Matagaluega o Alamanuia ma Tautua Lautele a le malo. Ona o le fa’amoemoe ia le fa’atuaoia manuia masani mai sui ua afaina o latou mafaufau, o lea ua fa’ataua ai le lagona, e ao ina sailia pea togafitiga o nei ituaiga o gasegase, ae mafai pea ona maua avanoa e faigaluega ai i latou o afaina ai.
 





Comment Here