Login

Le Lali

Molia se ali'i i lona fa'amalosia o se teineititi 14 tausaga

ausage@samoanews.com

E 23 tausaga o se ali'i mai Iliili ua taofia nei e leoleo i le falepuipui i Tafuna, ona o tu'uaiga i lona fa'amalosia lea o se teineititi e 14 tausaga le matua i le ogatotonu o le tausaga nei, e ala i lona toso fa'amalosi o ia i tua o se togavao ae fai i ai uiga mataga.
 
E 6 moliaga ua tu'uaia ai e le malo le ali'i o Tele'a Vaifale, ma o lo o taofia pea o ia i le toese i Tafuna e aunoa ma se tupe ua fa'atulaga e tatala ai o ia, e fa'atali ai taualumaga o lana mataupu lea ua i luma o le fa'amasinoga maualuga i le taimi nei.



Tali ioe Mike Kim ma Motau Samani i tu’uaiga a le malo

ausage@samoanews.com

O ali’i e to’alua ia na tu'uaia e le malo i lo la faia o uiga mataga i se teineitiiti e 17 tausaga le matua i le fa tausaga talu ai, ua la sauni e ta'utino i le fa'amasinoga i lalo o le maliliega lea ua latou sainia ma le malo, e sa'o tu'uaiga sa faia fa'asaga ia te i laua.
 



Asiasi Esther Kia’aina i fanau aoga i Aua

reporters@samoanews.com

Na avea le sauniga o le suaina o le eleele e faapaia ai le amataina o le galuega o le faleaoga fou a Aua Elementary, ma itu na maua ai ma le avanoa e asia ai e le sui failautusi o le Initeria ia Esther Kia'aina fanau aoga, faapea ai faiaoga ma sui o matua a Aua Elementary i le aso Faraile na te'a nei.
 



Tala otooto mai le Fa’amasinoga

ausage@samoanews.com

LIZZA GAOTALA
 
Ua talia e le fa’amasinoga maualuga i le vaiaso na te’a nei se talosaga na fa’aulu e le loia a Lizza Gaotala, ina ia talia le fautuaga a le Ofisa Nofovaavaaia o lo o taua i totonu o le latou ripoti, ina ia fa’aauau pea le nofovaavaaia a le ua molia, e ala i lona usita’i ma tausisia lea o tuutuuga uma ua tuuina atu e le fa’amasinoga ia te ia mo lana nofovaavaaia.
 



Fagogo: Lupe o le Filifili

Vaega: 108
 
Fa’atalofa atu i lou alafa’i mai i le manuia i lenei taeao fou, e ala i le tausiga alofa a lo tatou Matai oi le lagi, e ao ai ona o tatou fa’apea ifo, “Le Atua e, ia e alofa ma foa’i mai le onosa’i ma le fa’apalepale ia i matou i lenei aso, ina ia taunu’u ai i le manuia a matou fuafuaga uma, a’o le vi’iga ma le fa’afetai matou te fa’afo’i atu i Lau Afio e fa’avavau, Amene.”
 



Le fa'amaonia moliaga fa’asaga ia Michael Tolmie

ausage@samoanews.com

O le fa'aiuga lea na tu'uina mai e le fa'amasinoga maualuga i le vaiaso na te'a nei, ua le fa'amaonia e ali'i fa'amasino tu'uaiga a le malo sa faia fa'asaga ia Michael Tolmie, ina ua mae'a ona iloilo lelei e alii fa'amasino mau faamaonia o lenei mataupu sa tu'uina atu i le taimi na iloilo ai ia Oketopa na tea nei, ma fa'ai'uina ai le le nofosala o Tolmie i le moliaga mamafa o lona ave fa'agaoi lea o mea a le kamupani o le New Dimensions Corporation [NDC] sa tu'uia atu na te vaaia ma tausia lelei.
 



Tatala aloaia uafu laititi mo va’a fagota ma va’a faila

reporters@samoanews.com

O le aso Faraile na te’a nei na tatala aloaia ai le tama’i uafu mo va’a fogata ma va’a faila i Fagatogo, ma sa molimauina fo’i e ta’ita’i o le malo fa’apea ai le mamalu o le atunu’u.
 
O lenei galuega tele sa fa’atupeina mai e le vaega a le FEMA mai le malo tele, ina ua fa’aleagaina se vaega o le uafu lenei i le galulolo lea na a’afia ai Amerika Samoa ia Setema 2009.
 



UTU: Tatau ona mautu ta’ita’i mo le puipuiga o le soifua o tagata

ausage@samoanews.com

Na taua e Utu e fa’apea, e tatau ia Amerika Samoa ona matua mautinoa lelei i latou e tofia e avea ma ta’ita’i i matagaluega o lo o autu i ai galuega mo le puipuia o le soifua saogalemu ma le soifua maloloina o tagata, aemaise i latou e i ai le agava’a ma le toma’i e mafai ai ona fa’atino lea auaunaga.
 



Iloilo Komisi Soifua Maloloina maliliega Samoa e lua

ausage@samoanews.com

O le isi la'asaga lea ua alo atu nei i ai le Matagaluega a le Soifua Maloloina faapea ai ma le falema'i o le LBJ, o le tau fa'amae'aina lea o le tuu faatasia o fa'amaumauga uma sa mafai ona maua mai i le fonotaga sa faia i le va o Samoa e lua i le vaiaso na te'a nei, ina ia mautinoa o lo o tutusa uma fa'amaumauga o lo o tauaao e sui usufono, ao lumana'i ai le valaauina o le isi fonotaga a le Komisi o le Soifua Maloloina, mo le iloiloina o le maliliega ua mae'a ona sainia ma le malo o Samoa.
 



Lagolago ta’ita’i fa’aleaganu’u finagalo o le Sui Failautusi

ausage@samoanews.com

Ua fa’aalia e ni isi o ta’ita’i fa’aleaganu’u a le atunu’u lo latou lagolagoina o ni fautuaga sa mafai ona fa’asoa mai e le tama’ita’i sui failautusi o le Initeria lea na asia le atunu’u, ina ua maua sa latou fonotaga i le vaiaso na te’a nei, i le taimi na asia ai e le tama’ita’i o Esther Kia’aina Amerika Samoa mo le taimi muamua, i le tatau lea ona fa’ataua e le malo tele aia tatau o tagata Amerika Samoa, e ala i le faaauau pea lea ona faataua o ana aganuu atoa ai ma ogasami o lo o tua i ai lona tamao