Login

Le Lali

Faitauina Poloa’iga Fa’alaua’itele Peresetene Obama mo Fitafita Tuai

reporters@samoanews.com

Ina ia so’oula aso ua tuana’i o le tautua a le Maligi Koa ma ona fitafita talavou o lenei vaitau o le soifuaga, na matua fa’agae’etia ai le agaga o le ali’i 2nd Lt Ernest Einstein T. Haleck i lona tofiga fa’apitoa mo le polokalama fa’ataoto e fa’asolo a’i le fa’ailogaina o le Aso Fa’apitoa mo Vetereni uma o le Militeri a le Iunaite Setete o Amerika.
 



FA’ATAU TINA PUSA PIA MO LANA TAMA 17 TAUSAGA MA ANA UO

ausage@samoanews.com

Ua fautuaina e le Faamasino Sili ia Michael Kruse le loia a le malo ia Tony Graf, ina ia vaavaai toto’a i le mataupu lea ua toe faasala ai e le faamasinoga maualuga se alii e 18 tausaga i le toese i Tafuna, ona o lo o feta’uaina ai le faatau e se tagata o le aiga o lea ali’i o fagupia na inu ai le ua molia ma ana uo, i le aso na tula’i mai ai le solitulafono lea fo’i ua toe molia mai ai.
 



Tala i Taaloga

LE MANUIA TAUMAFAIGA LAULI’I 7’s TA’ITO’A 7 I FITI
 
E le’i manuia le taumafaiga a le au ta’ito’a 7 a le afioga o Laulii mo le sailia o se latou tulaga lelei, ao faagasolo ai le taamilosaga taitoa 7 a le Bayleys Fiji Coral Coast a le atunuu o Fiti i le aso ananafi, ina ua faiaina i le isi au malosi a Fiti, le Coastal Stallions i ‘ai e 52-0, i le ‘quarter final’ muamua o le vaega o le ‘shield’.
 



FAGOGO: O KATI LE LEOLEO NANA

[Sosoo ane loa lau faitau i le tatou tala faasolo mo lenei vaiaso, lea na gata mai i le vaiaso na tea nei i le taimi lea faateia ai le vaai a Kati ina ua ia vaaia le tamaitai o lo o la talanoa, e foliga mai o se tagata sipai.]
 



FAGOGO: POLOGA I LE ALOFA

[E toe faatalofa atu i le mamalu o le au faitau i lenei taeao, malo le soifua maua malo foi le onosa’i, ae alo mai loa o le toe sosooina lenei o le tatou tala faasolo lea na gata mai i le vaiaso na te’a nei i le taimi lea na taumafai ai le isi matai tulafale o le nuu e faafilemu le vevesi.]
 



LAUGA: IA ASAMO TASI I LE ATUA

ESEKIELU 18:1-9, MATAIO 7:7-14
 
O le a lenei mea ua taua o le 'asamo' i la tatou matua i le vaiaso lenei ? pule oe i sou faauigaina o lenei upu, a'o lou iloa i le upu 'asamo' o le saili atu i mea e 'ai, pe aisi atu i mea 'ai.
 
Ua manatu ifo lava le 'au farasaio ma tusiupu o 'i latou ua sa'o le latou manatu ona o i latou ia e tausia poloaiga a Mose, ona o le mano'a e faalogo atu tagata uma i le latou tulafono e pei ona latou teuina, ae tele lava ina sese.
 



FA’ASALA ASRU KALAPU A FAGATOGO MA MAPUSAGA

ausage@samoanews.com

Ua faia nei se faaiuga a le Iuni Lakapi a Amerika Samoa (ASRU), ina ia faasala kalapu lakapi a Fagatogo ma Mapusaga faatasi ai ma tama taaalo, na aafia i le vevesi lea na tula’i mai, a’o faagasolo le taamilosaga taitoa 7 a le Mosooi i le masina na te’a nei, ina ia tusa ai ma tulafono a le IRB o lo o lima taitaiina ai le faafoeina o taaloga lakapi i Amerika Samoa.
 



TALA MAi SAMOA

FAAALIGA O OLOA A SAMOA I NIU SILA
 
O le faaiuga o le vaiaso nei o lo o faagasolo ai le faaaliga o oloa ma fefaatauaiga a le atunuu i Aukilani i NiuSila ma o lo o taitaia le au malaga a Samoa e le alii sui palemia, le tofa Fonotoe Nuafesili Pierre Lauofo, o ia foi o le minisita o Pisinisi, Alamanuia ma Leipa.
 



Toe Sa’afiafiga - Sasa Celestine Foster Langkilde

reporters@samoanews.com

“Aua e mulimuli mai ia te a’u o lou alofa ma le agalelei i aso uma, ou te nofo fo’i i le fale o Ieova i aso e tele lava!” Salamo 23:6
 
O upu ia o se molimau a le tama o le aiga, Vaito’a Hans Langkilde, o nisi fo’i sa latou fa’amoni i lea molimau, o i latou sa tele taimi na fa’alogoina ai lea fa’aupuga, i talanoaga ma toe tau sa’afi i le tina ua moe, ma ua malolo nei. “O le mea lea e tau o le ata e fa’ailoa ai le fiafia ma le agalelei, ailoga ua va’ai se tasi o ita lea tina?”



E te fia POKA?

SUI LE MAFAUFAU
 
Oo loa i le aso Sa, o loa i le lotu le tamaloa o Etuale ma lona toalua ma le fanau, e sauni loa le faifeau e fai lana lauga, ae toe oso Etuale i fafo ma le falesa ma alu loa i le taavale ae faasasao e fai lana tamai pisinisi, e leai ma se isi na iloaina le mea ua alu agai i ai, ae fetaui lava le uma ane o le loto ae toe saofai ma le tamaloa i totonu o le fale, pei lava e leai sana pisinisi sa faia.