Login

Le Lali

Fa’afetai Manu’atele i le faigamalo a Lolo ma Lemanu

fili@samoanews.com

I le avea ai o ia ma sui o le Manu’atele, sa tuuina atu ai le fa’afetai a le afioga ia Misaalefua Hudson, Kovana Itumalo o Manu’a, i le faigamalo mo le tele o mea lelei ua faia mo e itumalo i le tausaga ua fano ae maise ai lenei tausaga, pe a faatusatusa i isi faigamalo ua te’a.
 



Talosaga Lolo suiga faasoasoa tupe CIP

fili@samoanews.com

Ua tuuina atu i le Matagaluega a le Initeria i le malo tele se talosaga mai le afioga i le kovana, Lolo Matalasi Moliga, e fa’amaonia suiga i le atofaina o tupe mo Amerika Samoa i lalo o le polokalama o Galeuga Tetele (CIP).
 
O lea suiga e mo le tausaga tupe 2014 ma le tausaga tupe fou 2015, lea e amata ia Oketopa 1, 2014. E pei ona i ai i tulafono a le fetarale, e tatau ona faatulagaina atu e Amerika Samoa vaega eseese e alu i ai tupe o le CIP, ma e tatau ona fa’amonia e le Initeria.
 



Uaealesi mosooi a le FAFIGE FAIKAKALA

FACEBOOK FAIKAKAKLA
 
Te’i le Fafige Faikakala ina ua tago e tatala atu lana ‘Facebook page’ i le isi afiafi, ae tau atu ai i muimuiga a isi maula e faigaluega i isi matagaluega a le malo, o lo o tali e ma fai tala ula e fa’atatau i le suega a le Matagaluega o Aoga e taua o le ‘Praxis test’ ea po o le a, lea fai mai e ova i le 700 le aofai o faiaoga na su’e i le suega lea i le masina o Iuni na te’a nei, ae na o le 140 ma ona tupu faiaoga na pasi.
 



TALA MAi SAMOA

SUI TAUVA A LE HRPP MO LE FAIGA PALOTA LAITITI
 
O le aso Faraile na sei mavae atu nei na faalauiloa aloaia ai e le vaega faaupufai o le HRPP ana sui faatutu mo le faiga palota laititi lea o lo o loma nei mo le masina o Aukuso mo le itumalo o Gagaifomauga Numera 1, e saili ai se tasi e suia le alii faipule ua faiilagi le folauga, le tofa Tuilo’a Anetelea Tuilo’a.
 



Vavau a Samoa

O LE ASO NAI TUMUA - 3
 
Soso’o ane loa lau silasila i le vaega fa’ai’u o le tatou Vavau lenei, i le talanoaga a le i’a ma le tamaitiiti o Velova’a lea ua fai nei i luga o le sami.
 



Tele a’afiaga tulafono Poloaiga Fa’alaua’itele a le Kovana

ausage@samoanews.com

E talitonu le afioga i le ali’i senatoa ia LeAtualevao Asifoa, ua avea le tele o Poloaiga Fa’alaua’itele (Executive Order) ua sainia e le ali’i kovana ma itu ua fa’alavelave ai i tulafono a le malo.
 
O lea mataupu na saunoa i ai le afioga i le ali’i senatoa i le taimi o folafolaga a le maota maualuga i le aso Gafua na te’a nei, ina ua felafolafoa’i le maota i le taua o le mulimulita’i ma le usita’i o le malo ma tagata uma i tulafono.
 



Talosaga kovana $3 miliona fausia va’a mo Manu’a

fili@samoanews.com

E silia ma le $3 miliona mai le vaega tupe o Galuega Tetele (CIP) o lo’o mana’o le afioga i le kovana ia Lolo Matalasi Moliga e fa’aagaaga e fesoasoani mo le fa’atauina o se va’a fou mo le Manu’atele.
 
O se vaega lea o le tusi a Lolo sa tuuina atu i le amataga o le masina lenei i le Matagaluega o le Initeria a le malo tele. Ma o lea tusi o lo’o taua ai suiga ua ia talosaga ina mo le fa’atulagaina o tupe mai le CIP mo Amerika Samoa i le tausaga tupe 2014 ma le tausaga tupe fou 2015.
 



TALA MAi SAMOA

FOAI E IAPANI PASI FOU E 20
 
Na tauaao aloaia i le aso Lulu le foai a le malo Iapani e fesoasoani ai i le taligamalo a Samoa i le fono a atumotu laiti tau atiae o le lalolagi i le masina fou, e ala i pasi lau pasese fou e 20, e fesoasoani i le feaveaia o sui usufono o lea fonotele.
 



A’afia Am. Samoa pe a tatala lala Bumble Bee Samoa

I se tusi a le afioga i le alii kovana ia Lolo Matalasi Moliga na tu’uina atu i le sui Failautusi le tumau o le Matagaluega a le Initeria, na taua ai e Lolo e fa’apea, e i ai lona talitonuga e ono avea le tatala o le lala a le kamupani o le Bumble Bee i Samoa ma auala e afaina ai le itu tau tamaoaiga a le teritori, e ala mai i le kamupani i’a o le StarKist Samoa ma le Tri Marine International’s Samoa Tuna Processor Inc.
 



Taunuu Fono pili e sui ai tulafono tau Femalagaaiga

ausage@samoanews.com

O le aso Gafua na te’a nei na tolaulauina ai i luma o maota e lua o le Fono Faitulafono se pili tau faaofi mai le faigamalo a Lolo ma Lemanu, e talosagaina ai le faia o se suiga i le tulafono tau Femalagaaiga a le malo o lo o i ai, ina ia mafai ai ona faaopoopo le aofa’i o tagata mai fafo e talia i Amerika Samoa i totonu o le tausaga tupe e tasi.
 





Comment Here