Login

Le Lali

Tapa Togiola fesoasoani Konekeresi tulaga lafoga mo pisinisi

Fri, 06/29/2012 - 10:49am | Category:
By
Ausage Fausia
ausage@samoanews.com

E to’alua ni alii senatoa o le Konekeresi a le Iunaite Setete ua tu’uina atu i ai e le kovana sili sana tusi, e talosagaina ai sa laua fesoasoani mo Amerika Samoa, i iloiloga o lafoga mo pisinisi e pei ona faagasolo i le taimi nei i luma o le konekeresi.



Tala o Fa’amasinoga

Fri, 06/29/2012 - 10:48am | Category:
By
Ausage Fausiaa
ausage@samoanews.com

IOE NA IA SASAINA ULU LONA TO’ALUA LAUPAPA

O le alii lea sa tuuaia e le malo i lona sasaina le ulu o si ona toalua i se fasi laupapa, sa ia faailoa i le Faamasinoga Maualuga i le vaiaso nei, e faamaonia tuuaiga faasaga ia te ia, ma o lea gaioiga sa ia faia ua ia soli ai le tulafono o le faaoolima i le tulaga lua e pei ona tuuaia ai o ia e le malo.



Fa’aulufalega Falesa Ekalesia Metotisi i Samoa

Fri, 06/29/2012 - 10:15am | Category:
By
Lilomaiava Andrew Fa’asau, Naenae Productions

O le taimi na ootiina ai le lipine e le faletua o le peresetene o le Ekalesia Metotisi i Samoa, o ia foi o le peresetene sili o le Au Uso Fealofani, le faletua ia Alaimalo Folasa II, ao tutulai le mamalu o le aofia.

Sa auai foi le afioga Kovana Togiola Tulafono ma le faletua ia Mary Ann. Nisi o ata mai lenei sauniga i Samoa faatasi ma se tala atoa o le a auina atu i le lomiga o le To'asavili i le aso taeao.
 



Toe tolopo iloiloga SIC sa fuafua

Thu, 06/28/2012 - 9:07am | Category:
By
Ausage Fausia
ausage@samoanews.com

mo le polokalame 1602

Ua toe tolopo le iloiloga a le Komiti Suesue a le Senate (SIC) lea na fuafua e faataunuu i le taeao ananafi seia i ai se isi aso, ina ua le atoa le aofai o sui o le komiti e faatautaia ai se iloiloga.



Fa’atonu Feterale malo totogi aitalafu i le Marisco Ltd

Thu, 06/28/2012 - 9:04am | Category:

Ua tuuina mai e le Faamasinoga Feterale a Honolulu sana poloaiga i le malo o Amerika Samoa, ina ia latou totogi i le faletupe o Hawaii le tupe e silia i le $800,000 o loo aitalafu ai i le kamupani a le Marisco Ltd., ona o galuega toe faaleleia ma le siakiina o vaa sa faia e le kamupani i le lua tausaga talu ai.



Tala o Fa’amasinoga

Thu, 06/28/2012 - 9:03am | Category:
By
Ausage Fausia
ausage@samoanews.com

LOMITUSI UIAGALELEI

O le alii lea o loo tuuaia e le malo i lona sasaina lea o le ulu o le isi alii i se suo, e mafua mai i le pisapisao o ta’ifau a le alii ua manu’a a’o faia faigalotu o le afiafi, ua faatulaga e le Faamasinoga Maualuga lana faamasinoga iloilo e faia i le aso 30 Iulai.

O le alii o Lomitusi Uiagalelei o loo tuuaia e le malo i le moliaga mamafa o le faaoolima i le tulaga lua, atoa ai ma le faatupu vevesi i nofoaga faitele.



Sauni Solomona talimalo Faaaliga Tu ma Aganuu Pasefika

Thu, 06/28/2012 - 9:02am | Category:

Ua faailoa mai i ripoti le sauni o le atunuu o Solomona mo lana taligamalo, i le faaaliga lona 11 o  Tu ma Aganuu a le Pasefika, lea ua faamoemoe e amataina i le aso 1 e oo atu i le aso 14 Iulai.

I se ripooti mai le upega o fesootaiga o le  islandculturearchivalsupport.wordpress.comua taua ai le taunuu lea o isi au malaga mai le Pasefika e pei o Nauru, Kiripati, Niue ma Niu Sila i le laumua i Honiara, ma e tusa ma le toa 290 le aofai o i latou mai aumalaga nei ua taunuu i Solomona.



Aga’i ina gaogao fata faleoloa Manu’a tau leai ni oloa

Wed, 06/27/2012 - 9:57am | Category:
By
Ausage Fausia
ausage@samoanews.com

Ua faaalia i ni ripoti mai Manu’a le aga’i ina gaogao fata e tuu ai oloa i nisi o faleoloa, ona ua fai si umi e le’i toe alu atu se malaga a le MV Sili, mo le la’uina atu o uta i Manu’a.

Na faaalia e se tina mai Olosega, o faleoloa i le latou nuu ua amata ona gaogao fata e tuu ai oloa ma ua tele lava foi ina le toe maua nisi o oloa o loo manaomia e tagata i aso fai soo, ae na taua e nisi, o lea ua amata ona toe feoai taavale ina ua maua atu le kesi, sei vagana ai nisi o oloa ua amata ona uma.



Manumalo tigaina Sikotilani i le Manu Samoa

Wed, 06/27/2012 - 9:49am | Category:
By
Lilomaiava Andrew Fa’asau, Naenae Productions

E ui i le faiaina ai o le Manu Samoa i le la taaloga ma Sikotilani i ‘ai e 17-16, peitai e lei avea lea ma itu na taofia ai le tuuina atu o le lagolago a le atunuu i le latou au, lea faatoa foi mai ma le Ipu o le siamupini i le Taamilosaga a le Pasefika (Pacific Nation Cup) sa faia i Iapani, ina ua manumalo uma i ana taaloga e tolu.



Tala o Fa’amasinoga

Wed, 06/27/2012 - 9:47am | Category:
By
Ausage Fausia
ausage@samoanews.com

Ua toe tolopo i le vaiaso fou le fofogaina o le maliliega lea ua sainia e le malo ma le alii fusu mai Samoa o loo tuuaia i lona faiaiga ma se teineititi laititi, ona e i ai nisi o vaega o le maliliega e manatu le faamasinoga e le manino lelei.

Saunoa le alii faamasinoi sili ia Michael Kruse, o le faafitauli o loo i ai i le maliliega, e le o matua manino lelei mai poo fea vaega o le tulafoino lea ua sauni Aokuso e tali ioe i ai.