Login

Le Lali

TALA MAi SAMOA

MANUMALO FAIMALOTOA KIKA STOWERS
 
O le itula e tolu i le aoauli o le aso Faraile ananafi e pei ona silafia na tapunia ai fale palota e valu sa faafoeina ai le faiga palota laititi mo le itumalo faaalalafaga o Gagaifomauga Numera Muamua lea sa tauva ai sui faatutu e toalima, o Faimalotoa Kika Stowers, Gaiga Aukusitino, Lavea Natoe Ieti, Lavea Peseta Lua Nafoi, ma Taito Vaea Muese Tanu.
 



Fai uiga mataga i ana teine teufale na aumai Samoa

ausage@samoanews.com

 O le alii e 57 tausaga mai Ofu, Manu’a lea na tuuaia i lona faia o uiga mataga i ni tamaitai se to’alua sa ia aumaia i Samoa, e fesoasoani i galuega i totonu o lona aiga e aofia ai ma le teufale, ua ia tautino i le faamasinoga maualuga e faamaonia tuuaiga faasaga ia te ia.
 



Tete’e Fono suiga mo ogasami o Amerika Samoa

ausage@samoanews.com

O le vaiaso nei na pasia ai e le Fono Faitulafono sa latou i’ugafono malilie faatasi, e talosaga ai ma le fa’aaloalo le peresetene o Amerika ia Barack Obama, ina ia toe iloilo le faaiuga lea ua faia e le Faalapotopotoga e pulea Faigafaiva i le Pasefika, ina ia toe faaopoopo le mamao i ogasami o Amerika Samoa e faasa ona o o i ai fagotaga mai va’a mo fuafuaga tau pisinisi.
 



Vavau a Samoa

TAUA A SASA’E MA SISIFO
 
O se tasi lenei o vavau e mata’utia foi lona tulaga taua i le tala tuu a Samoa, aua o iinei na mafua ai se tasi o muagagana faa faleupolu, ina ua faia le taua ua faaigoaina o le “Taua o le Aea i Sasae ma le Aea i Sisifo”, lea na taitaia e le tamaitai o Nafanua le Tuputafa’ifa o Samoa faapea ai ma le ulugalii lea na o latou fetaui i luga o le matafaga, o Matuna ma Matuna.
 



Ete fia POKA?

IA FAI LE MEA NA OU FAI ATU AI
 
Tau fuafua le tafaoga o se uo e to'afa, sau loa le taavale a Simi e piki atu le to'afa lea, ae taofi e le toalua o Sione lona to’alua fai mai, "E te le alu, o oe e te nofo e i ai lau mea lea e tatau ona fai."
 
Ua o nei le isi vaega e toatolu, o Simi, Sio ma Sosi ae nofo Sione ina ua taofi e le fafine.
 



Uaealesi mosooi a le FAFIGE FAIKAKALA

AITALAFU A LE MALO I LE 2013
 
Na tau nofo le tata o le fatu a le Fafige Faikakala ina ua tatala atu lana imeli ananafi ae tau lana vaai i le ripoti a le kamupani su’e tusi mai Amerika lea na latou su’eina tusi a le malo mo le tausaga tupe 2013, lea o lo o taua ai le aitalafu a le malo e silia i le 10 miliona, e mafua mai ina ua tele matagaluega a le malo na ova tupe sa latou faaaoga mai tupe na pasia atu i a latou paketi faatulagaina.
 



Ova 2 miliona tau mea na fa’aleagaina timuga ma lologa

ausage@samoanews.com

E silia i le $2 miliona le tau aofa’i o meatotino sa fa’aleagaina i timuga ma lologa na se’i mavae atu nei, e pei ona taua i le ripoti a le sui o le Vaega Fesoasoani a le malo tele mo fa’alavelave fa’afuase’i (FEMA), lea na fa’alauiloa e le afioga a Utuali’i Iuniasolua Savusa i le fono a le kapeneta i le vaiaso nei.
 



Tonumaipe’a avea ma Teutupe fou malo

Na fa’amaonia e le Fono Faitulafono i le taeao ananafi tofiga a le alii kovana mo le susuga ia Ueligitone P. Tonumaipe’a, e avea ma Teutupe fou a le malo, ina ua fulisia uma maota e lua e lagolago e ala i le palota fulisia.
 
E 15-0 le palota na pasia ai e le maota Tonumaipe’a, ae 13-0 le palota na pasia ai e le maota maualuga, i le mae’a ai lea o ni iloiloga sa faatautaia e komiti a maota e lua, e fesiligia ai agava’a ma le tomai o le molimau e tusa ai o le tofiga a le kovana.
 



Tala mai Samoa

TALA FIAFIA MO LE AUFAI FAATOAGA I SAMOA
 
O le aso Gafua o le vaiaso fou lea ua faatulaga e tatala aloaia ai le Maketi Fou i Fugalei, lea ua tele masina o nofo faatali ai le au fai faatoaga a le atunuu. O le maua ai e ni isi o le aufai faatoaga o lea tala fiafia, na latou manatu ai loa ua tatau ona amata faatulaga a latou fuafuaga mo le agai atu i le nofoaga fou lea ua tele masina o tapena e le malo mo i latou.
 



Tala otooto mai le Fono Faitulafono

PASIA FAIPULE ALOMA LANGFORD AVEA TOTINO KOMITI LITAEA
 
E 12-4 le palota na pasia ai e le maota o sui i le taeao ananafi tofiga a le kovana mo Aloma E Aumua-Langford, e avea ai o ia ma totino o le Komiti Fa’afoe o le Litaea.
 
Na teena e le maota o sui le suafa o Aloma i le tauaofiaga na se’i mavae atu nei, peita’i na talia le fautuaga ina ia toe tuuina atu lona suafa i totonu e toe palota i ai le maota.