Le Lali

E toa 17 alii ma tamaitai na faauu mai i le aoga faa faifeau a Kanana Fou Seminare i Tafuna, e pei ona faataunuuina ai i le aso 9 Iulai i le laumua a le ekalesia, ina ua latou ausia agavaa faapitoa.

E to’afa sui ua ausia agava’a e taua’aoina ai latou fa’ailoga BD ma sa tusia latou Thesis:

- Susuga Harold Eveni ma le Faletua Evelyn Mamoe mai Oakland i le Pulega San Francisco ma le Matagaluega a Kalefonia i Matu.

Ua toe tula’i mai le Mafutaga a Tama o Folafolaga i Amerika Samoa, lea ua silia ma le to’a sefulu Mafutaga Tama i Ekalesia Eseese o aofia ai, latou te galulue fa’atasi ma le Samoa Medical Mission mai South Carolina, Amerika ina ia fa’ao’o mai se auaunaga tau togafitiga o gasegase, mata ma le fanauiti i le aso Lulu o le vaiaso a sau i Lauli’i.

Vaega #10

[E toe faatalofa atu i uo ma paaga masani a  le tatou polokalame i lenei vaiaso, ae alo maia o le toe faaauauina lenei o le tatou polokalame mai le vaiaso na te’a nei, lea na gata mai i le taimi lea na toe fetaui ai le tama o Amako ma le fafine o Lineta i le taulaga, ina ua usu atu Amako i lana galuega.]

Na toe valaau faatopetope le isi fono a le komiti faafoe a le Banking Cooperation ina ua maua atu le tusi faamavae a le tama o Eteuati, e pei ona tuu atu i le pule aoao o le faalapotopotoga, le toeaina o Selefuti. O le tusi o loo faaauau i lona agaga faafetai ona o le avanoa sa tuuina atu, na te vaaia ai se tasi o vaega tele o le lala o le faletupe. Sa ia faafetaia foi le komiti faafoe i lo latou talitonugaina o ia i le galuega.