Le Lali

Ua mae’a le fonotele, ae ua mautu le mau sa una’ia e le laulauatofi a le Autalavou EFKAS i le fonotele ina ia to mai le pule e fa’ataunu’u ai nisi o latou sao i galuega fa’atala’i i atunu’u i fafo, ma so latou sao fo’i e fa’asoa ai i nisi talavou i o tatou eleele nei.

Na fa’amamafa e le faletua o Sheryl Morales Polataivao le tapua’ia e lana taupulega o le Faletusi o Feleti Barstow i Utulei, o alo o Samoa a’o alofaiva e tusi ma fa’amaumau au lava measina. O se saunoaga fa’amalosi’au, ma o se lagona lotonu’u e fa’aofofia ai, e taumafai i tatou tagata Samoa, e avea i tatou ma puna’oa e saili mai ai  e tatou tupulaga o lumanai sosia o a tatou ‘Tu ma Agaifanua.’

FAUTUA PERESETENE SENATOA SILASILA TOTO’A $6.8 MILIONA

Ua tuuina atu se fautuaga a le alii peresetene o le Senate ia Gaoteote Palaie Tofau i afioga i Senatoa, ina ia taoto nisi mataupu o lo o agai i ai o latou finagalo, ae taula’i la latou silasila  i le $6.8 miliona lea na maua mai i le Maliliega o le Tapa’a (Tobacco Settlement).

I le tuana’i ai o ni nai vaiaso talu ona tuuina mai se poloaiga a le Komesina o le Matagaluega o le Puipuiga o le Saogalemu Lautele, e faamuta ai le auaunaga a le afioga Faamausili Mau Mau Jr i le Ofisa o Taavale Afi a le malo (OMV) i Tafuna, ae tofia i ai le susuga Commander Afui’ai Lee Vaouli na te vaaia le Ofisa, o le aso Gafua na te’a nei na toe fo’i atu ai Faamausili mo le toe faaauauina o lona tofiga tuai sa i ai.