Login

Le Lali

MAI ‘I MA ‘O

Mon, 08/13/2012 - 9:05am | Category:

MAUA APOGALEVELEVE I LE TALIGA

Mai le Associated Press ua o’o mai i ai tala e tusa o se tama’ita’i na asia le falema’i i Saina, ona ua tau le mafai se mea ona fai, i le mageso tele o lona taliga. O le falema’i i Changsha Central Hospital lea na alu ane i ai lea tama’ita’i, peita’i, na faia lona fa’ata o le taliga, ina ia mautinoa e le o se mea e tatau ona tipi ai le taliga, ae ua te’i le foma’i, e tilotilo atu, o lo’o tilotilo mai fo’i le aupogaleveleve ia te ia!



MANA’O TUILAEPA TOE FAAMALOSIA SASA FANAU AOGA ULAVAVALE

Sun, 08/12/2012 - 8:59am | Category:
By
Ausage Fausia
ausage@samoanews.com

APIA, SAMOA— Ua faalauiloa i ni ripoti i Samoa se finagalo o le alii Palemia o le atunuu, susuga Tuilaepa Sailele Malielegaoi, ua tatau ona toe faamalosia ituaiga faasalaga lea e faataga ai ona sasa fanau aoga ulavavale, ina ia o latou lagona ai le maini tiga o le le usitai ao i ai i totonu o aoga.



Nofova’ava’aia leoleo fia ulavale

Sun, 08/12/2012 - 8:56am | Category:
By
Ausage Fausia
ausage@samoanews.com

O le alii leoleo lea na laulauvavale solo i le matafaga i Utulei ina ua ‘ona, lafo upu mataga ma faalavelave i aiga ua momoe i Fagatogo, atoa ai ma lona ta lu’iina o leoleo na lokaina o ia, ma lalau le valea o nai leoleo e le malamalama i le tulafono, ua faanofovaavaaia e le faamasinoga mo le umi e 10 masina, ina ua ta’usala o ia i le moliaga o le faatupu vevesi i nofoaga faitele.



TOE FIA FO’I I SAMOA ALII FUSU TUUAIA I LE AMIO VALEA

Sun, 08/12/2012 - 8:52am | Category:
By
AFM

O le alii fusu mai Samoa lea na ta’usalaina i lona faia lea o ni uiga mataga faafeusuaiga i se tamaitai Amerika Samoa e 16 tausaga le matua, ua ia talosaga i le faamasinoga maualuga mo se isi avanoa, se’i toe fo’i atu ai i lona aiga i Upolu e faaaoga tatau aso o lona ola o loo totoe, e tausi ai lona aiga ma tautua le nuu ma le ekalesia.



FAAMAMALOSIA HIPAA AIA TAGATA MAMA’I

Sun, 08/12/2012 - 8:51am | Category:
By
Leua Aiono Frost
reporters@samoanews.com

O le taeao o le aso Lulu na tula’i ai le Sui Faufautua mo Aia Tatau Fa’aletulafono a Tagata Gasegase e togafitia i le tatou falema’i tele i Faga’alu, Lori Fale, e fa’amatala auiliili i tagata faigaluega uma i totonu o Falema’i Fa’aitumalo i totonu o Amerika Samoa, Leone, Amouli ma Tafuna, ina ia mautu lo latou iloa patino i tulafono ua mae’a pasia a le feterale e tusa ai o aia tatau a tagata gasegase, “E taofia ai le fa’alauiloa o latou faila i nisi, se’i vagana ai lana Foma’i ma Ia, le tagata o togafitia.”



TALA MAI SAMOA

Sun, 08/12/2012 - 8:47am | Category:

FAASA SATAPUALA LEOLEO MAI LE SOLIA FANUA FALEOLO

E silia ma le toa selau leoleo e aofia ai ma Komesina Lilomaiava Fou Taialo na faasa e alii mai faipule o Satapuala I le aso Tofi na sei mavae atu nei mai le solia o fanua e lalata I le malae vaalele faavaomalo I Faleolo, lea o lo o finau ai le afioaga ma le malo. Sa taitaia e Komesina Lilomaiava lea vaega tele o malu o le malo sa auina atu I se faatonuga a le alii palemia, le susuga Tuilaepa Sailele Malielegaoi, e fua se vaega o lea eleele I Faleolo mo le fausia o se falemai tele.



SIITIA TUSAGA TAGATA LOLOTU EKALESIA METOTISI

Sun, 08/12/2012 - 8:43am | Category:

SUVA, FITI — Ua i ai nei le fuafuaga fa’ata’oto a le Ekalesia Metotisi i Fiti ina ia si’itia le tusaga mo tagata totino uma o le latou ekalesia ina ia gafatia e le Ekalesia ona totogia ana pili masani. O lea suiga ua si’itia mai ai lafoga a le tagata lotu mai le na’o le $10 i le $15 a sui ta’itasi.



TALA I TA'ALOGA

Sun, 08/12/2012 - 8:42am | Category:

FAATU USAIN BOLT MATATI'A I LE OLIMIPEKA

E matautia matatia na faatu e le alii mai Jamaica o Usain Bolt i taaloga o le olimipeka o loo faagasolo i Lonetona i le taimi nei, ina ua ia maua pine auro i le tuuga o le 100 mita ma le 200 mita, o taaloga foi ia sa pine auro ai i le olimipeka i Saina i le 2008.



Fagogo: Tama o le CIA

Sun, 08/12/2012 - 8:40am | Category:
By
Tama o le 'Le Tava'

Na fa'alogologo lelei lava taliga o Eteuati ao fautua atu lana Lutena, i le mea sa le tatau ona ia faia, ma le mea sa tatau ona ia faia. Sa toe fai atu i ai le tamaloa lea na sau mai Amerika, pei o se tagata faipisinisi lea e fia vaai i le Manager o le Collection and Assest o le tama o Eteuati. Fai atu loa Eteuati i lana Lutena, "O le a sa'u mea e fai, pe a ou fai atu i le C.I.A ua ou le fia i ai? ua ou alofa i le afafine o le toeaina o Selefuti, ua ou alofa fo'i i si toeaina i le alofa fa'a-tama mai ia te a'u.



FAGOGO: O OE NA FILIFILIA E O’U MATUA

Sun, 08/12/2012 - 8:38am | Category:

[E toe faatalofa atu i uo ma paaga masani a  le tatou polokalame i lenei vaiaso, ae alo maia o le toe faaauauina lenei o le tatou polokalame mai le vaiaso na te’a nei, lea na gata mai i le taimi lea na tapuni ai e le olomatua le faitoto’a o le fale ina ua ia vaaia Pegi o loo tu mai i fafo.]