Le Lali

O le taeao nei lea ua faailoa mai e le alii kovana ia Togiola T.A Tulafono, e tatau ona taunuu atu ai i le Fono Faitulafono se tulafono taufaaofi ua ia faauluina, e palotaina ai le tofi Senatoa, i le palota o le 2016.

E le gata o lo o aiaia ai i le tulafono lea ituaiga tagata e agavaa i le tofi Senatoa pe afai e palotaina, ae o lo o faatulaga atu ai foi ma le toe faatulagaina o itumalo palota i le maota maualuga, ina ia mafai ai ona fuafua lelei le aofai o tagata palota e sui mai e Senatoa o le a filifilia.

TULAFONO AVEA AI VAEGA TOSOVAA MA FAALAPOTOPOTOGA TUMAOTI

Ua tuuina atu e le alii kovana ia Togiola Tulafono i taitai o le Fono Faitulafono, se ata faataitai o le tulafono taufaaofi lea ua ia fuafua e faaulu, e avea ai le Vaega Tosovaa i Satala ma Faalapotopotoga Tumaoti a le malo.

E to’atele nisi o le atunuu ua latou fesiligiaina se faaiuga maumaututu a le Pulega ma le Komiti Faafoe a le Faalapotopotoga o le Eletise ma le Suavai (ASPA), faasaga i le aitalafu a le malo o Amerika Samoa i le eletise ma le suavai, lea ua laalaa atu nei i le $10 miliona e pei ona taua i faamaumauga ua tuuina atu e le ASPA i luma o le Fono i le vaiaso nei.

E lua kamupani ua ofo mai ai ni fesoasoani taua mo a’oga, ae ao ina talosaga atu, ma e i ai fo’i aiaiga o lenei fesoasoani, ia fa’aaoga lelei ma ia fa’atino le galuega.

O le Kamupani a le Ace Hardware i Malaeimi, ua latou ofoina mai mo ni a’oga e tolu ni fesaosoani tupe, e toe fa’aaogaina e fa’atau ai vali ma nisi mea o mo’omia e a’oga manumalo. e fa’aleleia ai o latou potu a’oga. O le latou polokalama e lauiloa ai “Helpful Hands!”