Login

Le Lali

Fagogo: Alofa, se ia tiga

Tue, 04/23/2013 - 10:10am | Category:
By
Akenese Ilalio Zec

Vaega: 42
 
E fa’afeiloa’i atu i le ava ma le fa’aaloalo i le mamalu o le atunu’u i lenei taeao fou, malo lava le soifua, malo fo’i le onosa’i i faiva ma tiute o lo’o feagai ai, ae alo maia, o le a toe fa’aauau atu la tatou tala fa’asolo i lenei aso, Alofa, se ia tiga.
 



Tali sui o le Coast Guard i faasea e faatatau i le tuuga fautasi

Mon, 04/22/2013 - 12:24pm | Category:
By
Ausage Fausia
ausage@samoanews.com

O le aso ananafi na faamanino auiliili ai e le taitaifono o le komiti o tuuga fautasi o le fu’a na faatoa mae’a atu nei, susuga Lt. Erick Runyon o le U.S Coast Guard ni isi o mataupu e pei ona faasea ai le toatele e faatatau i auala na faatautaia ai le tuuga faatasi.
 
O ni isi o faasea o lo o fesiligia ai le mafuaaga na toe sui ai le vaega e amata mai ai le tuuga, atoa ai ma le le maua o se avanoa a kapeteni o auvaa e faailoa i ai vaega tonu o le sami e liliu mai ai le tuuga.
 



Tala o Faamasinoga

Mon, 04/22/2013 - 12:22pm | Category:
By
Ausage Fausia
ausage@samoanews.com

IOE FETA’I AULEAFA SA IA UMIA  AISA
 
O le aso 7 o Iuni, 2013 lea ua faatulaga e le Faamasinoga Maualuga e tuuina atu ai le faasalaga o le alii o Feta’i Auleafe, ina ua talia lana tali ioe i le moliaga feololo o lona umia faasolitulafono o se vaega o le pauta faasaina o le aisa, i lalo o se maliliega sa latou sainia ma le malo.
 



Saini Lolo pili e lua na pasia e le Fono Faitulafono

Mon, 04/22/2013 - 12:20pm | Category:
By
Ausage Fausia
ausage@samoanews.com

O le vaiaso na te’a nei na sainia ai e le afioga i le kovana sili ia Lolo Matalasi Moliga pili taufaaofi e lua na pasia e le Fono Faitulafono, ma ua aloaia nei le avea o ia pili ma tulafono i totonu o le malo o Amerika Samoa.
 



Aumai faanana se vaega tele ‘cocaine’ i totonu o apainu

Mon, 04/22/2013 - 12:18pm | Category:
By
Ausage Fausia
ausage@samoanews.com

O le vaiaso na te’a nei na maua ai e sui o le Ofisa o Tiute se vaega tele o le fualaau faasaina, o le ‘cocaine’ na aumai faanana i totonu o ni atigi apainu lea sa i totonu o ni atigipusa na ui mai i le falemeli i Fagatogo.
 
O le faaiuga o suesuega sa faia na mafua ai ona taofia e leoleo se alii e 25 tausaga le matua mai Faleniu, ina ua masalomia o ia i lona taumafai e aumai faanana fualaau oona nei i le teritori, peitai o lea alii ua toe tatalaina nei i tua, ina ua tuana’i itula e 48 na loka ai o ia.
 



IA O FAATASI LE MATAGOFIE O LAUFANUA MA LE OLA SAOGALEMU O NAI O TATOU TAGATA

Mon, 04/22/2013 - 12:17pm | Category:

Mo le Faatonu
 
Ese le matagofie i le vaai o teuteuga o alatele a le malo, mo le sauniuniga i le aso o le Fu’a.  Sa vaaia le to’atele o le au faigaluega a le malo, ua i ai o latou aso faatulagaina mo le faamamaina, ma le teuteuina o nai o tatou laufanua, aemaise autafa o auala tele, ina ia matagofie i le vaai, aua malo asiasi mai.
 
Faafetai tele i le alii  kovana sili o lo tatou malo, ona o le tofa mamao, ma se utaga loloto, ua faatinoina ai lea faamoemoe.
 



Fagogo: Alofa, se ia tiga

Mon, 04/22/2013 - 12:15pm | Category:
By
Akenese Ilalio Zec

Vaega: 41
 
Fa’atalofa atu i le mamalu o le atunu’u, ae maise lava o i latou o lo’o fiafia e faitau i la tatou tala fa’asolo, malo lava le soifua i lenei taeao fou i lou alafa’i mai i le manuia i le alofa ma le agalelei o le Atua Soifua. Ae o le a toe fa’aauau atu la tatou tala fa’asolo e pei ona masani ai. ia manuia faiva ma tiute o le a feagai ai ma oe i lenei aso.
 



AUMAI FAANANA COCAINE TOTONU O ATIGI APA INU

Sun, 04/21/2013 - 11:00am | Category:
By
Ausage Fausia
ausage@samoanews.com

E 25 tausaga o se alii mai Faleniu na taofia e leoleo i le toese i Tafuna i le amataga o le vaiaso nei, peitai o lea ua toe tatalaina nei i tua ina ua tuana’i itula e 48 na taofia ai o ia, ona o tuuaiga i lona taumafai lea e aumai faanana se vaega o le aisa oona e taua o le ‘cocaine’, lea na maua e sui o le Ofisa o Tiute o aumai faanana i totonu o ni atigi apainu sa i totonu o ni atigi pusa na aumai i le meli.
 



TALA MAI SAMOA

Sun, 04/21/2013 - 10:58am | Category:

LU’I E LE AU FAIFAATOAGA LE ALII PALEMIA
 
Ua tuuina atu e le au faifaatoaga o lo o faala, aipefu ma faatimu i Fugalei i le faatauina o fua o a latou faaeleeleaga, ia se feau mo le alii palemia, le susuga Tuilaepa Sailele Malielegaoi. “Se’e tasi i a matou seevae,” o le saunoaga lea a Malu Faalavai o Saleaumua.
 



Matagofie faafiafiaga a Ausiva ma Aufaiese mo le faamanatuina o le Fu’a

Sun, 04/21/2013 - 10:55am | Category:
By
Ausage Fausia
ausage@samoanews.com

LOLO:  AMERIKA SAMOA O LOU ASO FIAFIA LENEI
 
I le tatala aloaia ai o polokalama o le fu’a a Amerika Samoa i lenei tausaga i faafiafiaga mai Ausiva ma Aufaipese eseese i le atunuu, na tulei saunoa ai le afioga i le Kovana Sili ia Lolo Matalasi Moliga e faapea, o le aso lenei, o le aso fiafia mo Amerika Samoa uma lava o lo o aumau i le atunuu atoa ai ma soo se atuunuu o le lalolagi.