Login

Tolu pepe na fananau mai i le aso Kerisimasi

ausage@samoanews.com
The first baby to be born on Christmas Day in the Territory was a boy, at 1:20 a.m. at the LBJ Medical Center. His mother, Faaui Ioselani is holding the newborn baby, “Alisi”, with nurse Lynn Faapale in attendance. The boy’s father is Taliloa Ioselani (not pictured). The couple is from the village of Leone. Faaui told Samoa News that not only is the child a blessing from God, but being born on Christmas Day gives special blessings to her family and her baby. [photo: AF]

E tolu pepe e aofia ai tama e toalua ma le teine e tasi na fananau mai i le aso Kerisimasi na te’a nei i le falema’i i Faga’alu, ma o loo taua mai e tama’ita’i foma’i le fa’asolosolo manuia o pepe ma latou tina i le taimi nei.

O le pepe muamua o le tama, na fanau i le vaveao o le aso Kerisimasi i le itula e 1:20, soso ai ma le fanau mai o le pepe lona lua i le itula e 9:00 i le taeao o le aso Kerisimasi, ma le pepe lona tolu i le 10:19 i le po.

E na o le to’alua pepe na mafai ona fa’amauina e le Samoa News fa’amatalaga i lo laua fananau mai, fa’atasi ai ma le pu’eina o laua ata.

O le ulua’i pepe na soifua mai i le o le kerisimasi na te’a nei, o le ali’i o Alisi Ioselani, lea na soifua mai i lona tina o Fa’aui Ioselani mai le afio’aga o Leone.

O le itula e 1:20 i le vaveao o le aso kerisimasi na soifua mai ai Alisi i le falema’i i Faga’alu, i lona mamafa e 8 pauna 12 aunese.

Na taua e le tina o Fa’aui i le Samoa News, o se fa’amanuiaga ia te ia ma lona to’alua o Taliloa lenei pepe fou, e le gata o le lona fa ai lea o oloa taua ua foa’i e le Atua mo le la aiga, ae sili ai ona o lea ua fanau tonu lava le ali’i o Alisi i le aso kerisimasi.

“O se mitamitaga ia te’i ma’ua ma le tama, ina ua foa’i mai e le Atua lenei pepe fou i lo ma aiga, aemaise ai o lea ua fanau tonu lava i le aso o le kerisimasi, ma o se meaalofa sili foi lenei mo maua i lenei kerisimasi,” o le saunoaga lea a le tina ia Fa’aui.

Na taua e Fa’aui, mai lana fanau e toa 4, e le o Alisi e pito sili ona mamafa i le taimi na fanau mai ai, ae o le la tama lona lua lea e 10 pauna lona mamafa ina ua fanau mai.

O alo o Faaui ma Taliloa e toa 4 e aofia ai tama e toatolu ma le tamaitai e toatasi. O le ulumatua ua 8 tausaga, sosoo ane ai ma le 4 tausaga, o le 2 tausaga ma le pepe o Alisi lea na fanau mai i le aso kerisimasi.

O le pepe lona lua o le tama’ita’i o Malofou Christina Aneseko, lea na fanau mai i lona tina o Telesia Aneseko o Faleniu. E 9 pauna le mamafa o Malofou Christina i le taimi na fanau mai ai, ma ua toa ai ia te ia le to’a 6 o le fanau a ona matua, e aofia ai teine e to’a 5 ma le tama e to’a tasi.

Na ta’ua e le tina o Telesia, mai lana fanau uma e to’a 6, o lana tama lona tolu e pito sili ona mamafa i le taimi na fanau mai ai, ona soso’o ai loa lea ma Malofou Christina.

Na fa’afetaia e le tina o Telesia le Atua ina ua mafai ona tu’u’ese’eseina o ia ma si ana pepe, ae maise ai foi, o lea ua fanau tonu lava si ana pepe i le aso Kerisimasi.

“Ou te fa’afetai i le Atua ina ua mafai ona ou maua lenei ‘oloa taua ua fa’aopoopo i totonu o lo’u aiga, e ui lava sa faigata le taimi na fanau mai ai o ia, ae o lea ua ou sapaia o ia i o’u lima ma lona loto fiafia, o le a ou tausia ma le faamaoni o ia e pei foi ona ou faia i isi foi oloa taua na aumai e le Atua mo i laua ma te tausia,” o le saunoaga lea a Telesia.

O le pepe lona tolu o se tama, na fanau mai pe tusa o le 10:19 i le po o le aso Sa na te’a nei.

O le Kerisimasi o le tausaga 2010 e tolu foi pepe na fananau mai ai, ae o le 2009 e 6 pepe na fananau mai ai.



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.