Login

Tala Ta’aloga

Ua talia nei e le ali'i o Manny Pacqiuao ua le lu’i mai o ia e le ali'i Floyd Mayweather i se la fusu'aga e faia nei ia Me 5, 2012.  Fai mai le ali'i Pacqiuao e le afaina, ae le o le amataga o Me, a’o le fa'ai’uga o le masina ona fai loa lea o le la fetauiga e su'esu'e ai le tagata o i laua e sili ona lelei lima i le Tweeter.

O lea e tau fai mai Pacqiuao i le taimi lava ua sauni ai le Las Vegas MGM Grand Garden, mo le faia i fafo e aoga aua e ofi ai nofoa e 45,000,  nai lo i totonu o le potu e fai ai fusu’aga i le taimi nei e 37,000 tagata e ofi ai,  e le aoga fo'i mo tupe e maua ai i le laititi o le fale lena.

A ta’u le 37,000 afe tagata e mafai ona matamata ai i totonu o le falefusu, o lona uiga e uma atu i ai le 'au fiafia fusuaga a Tutuila ae o le la e le taitai ona tumu mai isi nofoa, ae peita’i o le fusuaga lenei e maua fo'i le ticket taugofie lava i le $10,000.00 po'o le o'o atu lava i le $15,000.00 i nofoa pito i tua.

Fai mai le ali'i lena e va'aia tupe a Manny Pacquiao o Michael Korcz, "E le taitai ona ofi i le fale fusu lea e i ai i le taimi nei, o lona uiga a maua a’e se tupe i po lena, pe se a ma le $20 miliona, ae o le toe faiga fou lea ua i ai nei, e fuafua e ia e tali o'o lava i le $30 miliona tupe uma lava e maua i le faitoto'a.

Fai mai ai ali'i lea e fa'asoasoaina tupe o Pacqiuao, "O le fale fusu e le fetuai ma le fa'ai’uga o le masina o May e le amataga pei ona mana'o mai ai le ali'i mea-uli o Floyd, e le aoga fo'i i se va'aiga e fuafua i tupe o le maua mai ai (economic standpoint). Vagana le tagata e valea le ulu ona fai lava lea i totonu o le falefusu lea e i ai, ae le mafai ona o le taua tele o lenei fusuaga, ae maise ai o le fusuaga ua leva ona fia maimoa i ai le lalolagi."

Ua uma ona faia le fa'amasinoga a le ali'i o Floyd Mayweather ma ua manumalo le Malo, ae le'i lauina lana fa'asalaga e le fa'amasino talu ai le talosaga a Floyd, e tu'u atu i tua lana fa'asalaga pe a uma le la’ua fetauiga ma le mata-pai lea o Pacquiao, lea e tatau ona faia nei e le siliga Me 5th.

Talu ai fo'i le lima tete ma fasi lana teine ma fa'afefe ma si la fanau e to'alua i totonu o le latou fale i Las Vegas, o le faiga lea o lea taleni, pei ua leaga uma ulu a nai tagata e faia lenei taleni, e le le lelei lava le fa'aiuga e fai e i latou ia ua tau leaga le tele o latou fa'ai’uga.

O le tele ia o tala a tagata, fai mai ua palaa'i ia Floyd ia Pac-man po'o Pacquiao, i le leva ona taumafai le Filipino e fai solo e Floyd se mea e 'alo 'ese ai, ona e le mana'o e fusu i le Filipino.

A'o lea ua fa'ali'i fo'i le mea'uli i le tele o tala o tagata ma tusitusiga atoa ai ma lona iloa ua matuatua ua tatau loa la ona fa'ataunu'u loa le la fusuaga, ua leva ona manana'o le lalolagi e fa'ataunu'u loa.

A mafaumafau i ai, tama fusu ia e malo ai Pacquiao pe'a latou fufusu e malo ai i 'ai, ae a fetaui ma Floyd e le maua e ese na tama sina fa'amasino e malo ai, ae tele lava ina oti (knock out) pe ave uma e Floyd ia ta'amilosaga.

I ai le tama lea e molimau isi tagata ma le camp fo'i a Mexico o Marquez e manumalo lea i le Filipino i le 2 i le 3 fusuaga ia la fetaui ai, ae fetaui ma Floyd pei lava o puputa o mata, lea na i'u ina togi le solo.

"Manny ia o lea ua ou tusi atu ma lu'i oe e tu'u uma o ta fusi i luga mo le fusuaga, ave uma mo le a manumalo, ua leva ona fa'atalitali i ai le lalolagi, ia le silia Me 5th, po'o se isi lava aso o Me. Ae ua ua tu'u mai e le fa'amasino se avanoa mo a'u e fa'ataunu'u ai le ta fusuaga, o lea la ua toe tolo ai i tua lou fa'asalaga, ae seti mai loa se aso e fa'ataunu'u ai le ta fusuaga."

Ae fai mai le tamaloa e fai fusuaga o le Top Ranking o Bob Arum, "E le tatau ona fai le fusuaga i le 5th o Me, fa'atali se'i uma lelei ona fai le fale fusu i fafo ona maua ai se tupe tele, pe tusa o le $30 - i le $35 miliona ua vaevae lea i le pasene e 50 - 50 tusa lea a fuafua atu i ai i maua le $10 miliona a le tagata."

Ae fai mai le Michael Koncz, "O le taimi nei o le tupe le mea ua fai nei i ai, ae manaia loa ua leva tele ona taumafai le latou tama e fa'atalitali se avanoa e fetaui ai ma le meauli o Floyd Mayweather ma iloa ai po'o ai o i laua o le siamupini ma tele o tala o tagata."

TULAGA E FAIGATA NEI LE CHIEFS I LE SUPER 15

Ua taua mai le sui o le 'au o le fesi (first/five) a le All Blacks o Aaron Cruden i le Waikato Chiefs i le tausaga lenei, o i latou ma le ali'i Samoa lea o Sonny Bill Williams ma Richard Kahui o le 'au a le Canterbury Crusaders ma e o lo'o ta'aal nei i le All Blacks.

O i latou lena o le a fa'amoemoe i ai le latou laina i tua (back-line) fa'apea fo'i le auai o isi pei o Liam Messam, Teneroa Latimer fa'apea le Kapeteni o le Manu Samoa Mahonri Schwelger ma le kapeteni a Taranaki o Craig Clarke ina ua uma le ta'amilosaga o le NPC fa'atua uma atu nei.

Na taua e le faiaoga a Waikato Chiefs, Dave Ronnie, sa fa'apea na ta'aalo muamua ia latou uma lenei pei Mahorni Schwelger ma Aaron Cruden ma isi tama o le All Blacks i le vaitaimi na o avea o ia faiaoga a Taranaki, o lea la avea le 'au a Waikato ma 'au malosi tele i fuafua atu i ai.

 O le latou fesi (first/five) lenei Aaron Cruden lea na lavea ai lona 'aao i le ta'aloga mulimuli i le su'eina o le Ipu o le Lalolagi i le tausaga ua te'a atu nei, lea na ta'aalo ai me Farani. O lea ua va'ai lava le fa'asolosolo lelei o le 'aao o lenei ali'i i le tulaga o i ai nei, e fetaui lelei lava ma le latou ta'aalo muamua ma Otago Highlanders ia Fepuari 15.

"Ia ua leva ona ou fia alu atu e tolengi fa'atasi ma le 'au i le latou toleniga, ae e pule lava le 'au vaega na faia lo'u tolenigav e fuafua mai i le vae. Atonu lava e o'o i le toe lua vaisao ua matou toleni fa'atasi." o le faiga o le 'au toleniga o le 'au a Waikato Chiefs, e 'ese lava le mea e toleni ai le 'au vaega la e afaina e fuafua lava i le rekoti a le foma'i.

E le faia i se mea na iloa i le tama ta'aalo, ae se'i iloga lava ua malie mai le trainer ma le foma'i ua tautau ona alu i le tolina tele o le 'au ona fa'ato'a alu lea i ai, ae o le taimi lenei o lea e toleni fa'apitoa lava ia.

UA MAUA NEI LE FAIAOGA FOU A EGELANI

Ua ta'au mei le maua o le faiaoga fou o le 'au a Egelani, o le ali'i lea o Stuart Lancaster e sui ai le ali'i lea o Martin Johnson lea na faiaoga ma ua fa'amavae nei ina ua atoa lelei le tolu tausaga talu ai. Taua mai e le Rugby Football Union le sauni atu mo le latou Six Nations e amata nei ia Fepuari 15 ma Sikotilani. 

Ua fai mai nisi o le faiaoga lea, e mana'o i le tupulaga lea ua amata ona a'e mai i le lakapi, ae toe mana'o fo'i i tama tuai o le 'au a Egelani e sipea i tama fou, e i ai le Mike Tindal lea na tama ta'aalo i le su'ega o le Ipu o le Lalolagi lea na malo ai Egelani le Ipu o le Lalolagi i le tausaga 2003.

I le tausaga au tea atu i le ta'aloga o le Ipu o le Lalolagi lea na tuaia ai le tama lea o Mike Tindal i se laua vevesiga na faia i totonu o se falepia, ae lea ua toe aumai i Lancaster e ala lea i sana teteina o le mea lea tuuaia ai o ia i Niu Sila.

Ua taua mai fo'i le ritaea o Jonny Wilkinson mai le 'au a Egelani ae o lo'o ta'aalo pea i se 'au a kalapu i Farani i le taimi nei, fai mai a ia, "O 'au o le ritaea mai le 'au a Egelani, ae o le fa'aauau pea lo'u tautua i le lo'u konekarate i 'au a Farani, ae tu'u le avanoa i isi tama ta'aalo ua amata ona a'e mai o latou ta'aalo."

Fa'apea ma le ali'i o Lewis Moody ma Steve Thompson, e le fa'apea ua maea o latou tausaga ta'aalo i lenei ta'aloga o le lakapi, o lea e ta'aalo lava ia latou konekarate, ae o le tu'u avanoa i isi tama lakapi.

Ia le taimi na toe taua mai ai le ali'i lea na afa (scrum half) o Danny Care i le toe maua fo'i i le ona ma alu i le ta'avale, o i ina fo'i na tipi 'ai fo'i ma le 'au lea a Egelani, o le mea na e ta'u mai ai le leai o se taimi o le faiaoga fou lenei o Egelani, e lua ni ana fa'aiuga.

 "Oute mana'o e toe suia le agaga lea na masani na i ai le faiga o le 'au lenei a Egelani, e le na'o ta'aalo, a e mana'omia fo'i le faia o le mea o le usiusita'i  (discipline) o tama ta'aalo. Oute le manumanu lava i se tagata ta'aalo, e tele tagata lea ua taumafai i le 'au, e sili la ia te 'au le ola mafaumafau i le lo ola pei o se tagata ua leai se mafaufau." 

TULI 'ESE LE TAMA O WILLIE RIPIA

O le ali'i Maori lenei Willie Ripia o se tagata ta'aalo i luma i le foueti (forward) ua fa'amavae mai i le 'au Western Force a Darwin, Ausetalia, ina ua maua ifoina ua malosi tele ina fiu e su'e tupe a isi tama o le latou 'au e gaoi i totonu o taga o ofuvae i le potu e sui ai ofu ta'aalo.

Ua leva ona fai le mea lea, ona fa'apipi'i loa lea ona CCTV po'o le TV lea e seasea ona iloa e se isi o le 'au, lea la na fa'apipi'i ai loa ma maua ai loa o le tama ta'aalo lea o Willie Ripia lea o lo'o faia le mea lea.

O le tama lenei na aumai i le Christchurch Hurricane, ma o le tausaga ua te'a atu nei e seasea ona ta'aalo talu lona lavea sa i ai, na o le fitu ta'aloga na ta'aalo ai, ma o le tama na fai ai fo'i e le Western Force e ave i le mea e taumafai ai le ta'aloga ta'aloga tupe (gambling problem) ae o lea la ua iloa ai e le kalapu a le Western Force, po'o a le lelei o le ta'aalo ae a le lelei le amio e sili ai ona fa'amavae.

O le ali'i lenei na iloa lava e le pulega le vaivai i le mea na ta'aloga tupe, lea na ave loa i se falema'i i taumafai i le ta'aalo tupe  (clinic gambling) i le tausaga atoa lea ua te'a atu. Ae fiu le pulega a le kalapu i le tele o aso e le leiloa mai lava ia latou taga, po'o latou ato tupe, i totonu o le fale e sui ai tama ta'aalo i aso uma.

Ae ina ua fa'apipi'i ai le TV e le iloa e se tagata, na iloa lelei o le tama Willie Ripia le tagata lea e faia le galuega lea e faia i aso uma, "O le tagata matou te ofo e pei lava o se tagata e le maua ni ana tupe, ae o le mea lea e tupu mai ai, e siliga le ave i le falemai e taumafai ai i le ta'aloga tupe, ae le mafai."

fa'aliuliuina : Toleafoa Haserota Auva'a



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.