Tala mai le Fono Faitulafono

[ata: Samoa News]

Version:1.0 StartHTML:0000000215 EndHTML:0000013170 StartFragment:0000002913 EndFragment:0000013134 SourceURL:file://localhost/Volumes/CURRENT%20ISSUE/09_15_11%20LE%20LALI/4.%20%2009_15%20AF%20tala%20fono.rtf

(w/ banner)

Tala mai le Fono Faitulafono

tusia Ausage Fausia

PASIA FAIPULE PILI E TALIA AI LE FA’AAOGA ITUAIGA SIMA #1

E 13-3 le fa’ai’uga o le palota na pasia ai e le Maota o Sui i le taeao ananafi, le latou pili e talia ai le fa’aaogaina o le ituaiga sima ua taua o le ‘type 1’ mo le faia o isi galuega i le fausiaina o fale ma isi galuega, i totonu o le teritori.

I le tino o lenei tulafono o lo o taua ai, o le fa’aaogaina o le sima o le ‘type 1’, e mafai ona fa’aaoga i le fausiaina o auala, auala savali, fale sima, auala laupapa, tane, fa’atanoa, mea e fa’aalu i ai le suavai, mea e fa’aalu i ai suavai lafoa’i, paipa vai ma isi lava ituaiga galuega e fausia i sima.

Ae o le sima o le ituaiga o le ‘type 1’ o lo o i ai pea i le taimi nei, e fa’aaoga mo le fausia o galuega tetele e pei o uafu, auala laupapa tetele ma ni puipui mamafa anagata.

O le fa’alua ai lea ona tu’uina atu o lenei tulafono i luma o le maota o sui, ae sa le’i faia i ai se galuega a le komiti o Galuega a le maota, i le mae’a ai o se iloiloga sa faia, lea na fesiligia ai le Fa’atonusili o Galuega a le malo, atoa ai ma nisi o kamupani mai tua.

Na taua e le fa’atonu o galuega a le malo o Taeotui Punaofo Tilei, o le sima lea o le ‘type 1’, e vaivai tele, ma e le o fa’atagaina mai e le feterale e fausia ai galuega tetele a le malo e pei ona faia i le teritori, ae na taua e nisi o sui mai kamupani tua sa maua fo’i le avanoa e molimau ai i lenei mataupu, o le tele o galuega sa fausia i le ituaiga sima lea i le taimi ae le’i taofia lona toe aumaia i le teritori, o lo’o tumau pea ona lelei e o’o mai i le taimi nei.

O se tasi o fautuaga na mafai ona tu’uina atu e afioga i faipule e taua ai le fa’aulufaleina mai o lenei ituaiga sima i le teritori, e fesoasoani ai i le atina’eina o pisinisi o le a latou aumaia lenei ituaiga sima.

O lenei tulafono taufa’aofi na fa’aulufale e le afioga i le ali’i faipule ia Galu Satele Jr.

FA’ATULAGA ILOILOGA MAOTA O SUI MA LE KOMITI VAEGA TOSOVA’A

O le Aso Lulu o le vaiaso fou lea ua fa’amoemoe le Komiti o Fefa’atauaiga a le maota o sui, latou te fesiligia ai le Komiti Fa’afoe na tofia e le kovana latou te fa’afoeina le Vaega Tosova’a a le malo i Satala, mo le fa’ailoaina atu o nisi o mataupu e le’i mafai ona fesiligia i le taimi o le iloiloga o le latou paketi i le vaiaso nei.

O lea iloiloga o le a fa’atautaia lea e le afioga i le ali’i faipule ia Alexander Eli Jennings, lea fo’i o le a maua ai le avanoa o faipule e fesili ma su’esu’e ai mataupu o lo’o fia malamalama i ai.

O nisi o vaega o lo’o fia malamalama atili i ai le Fono, o le poloaiga a le kovana na fa’atula’i ai le Komiti Fa’afoe e ta’ita’ia le Vaega Tosova’a, lea fo’i o lo’o aofia ai ma se fa’aupuga e fa’apea, o lo’o i ai i le komiti fa’afoe le malosi e pasia ai lana ia lava paketi.

O nisi o vaega na mafai ona fa’ailoa atu e le komiti fa’afoe i le fono ina ua fesiligia le latou paketi i le vaiaso nei, e le gata i le toe fa’aleleia lea o le tulaga o le vaega tosova’a, ae ua mafai fo’i ona latou fa’a faigaluegaina tagata e to’a 27, o le to’atele lava o i latou ia sa galulue i le kamupani o le MYD Samoa.

ILOILOGA A LE SENATE TOFIGA KOVANA MO TOETAGATA A. MAILOA

O le itula e 8:00 i le taeao o le aso Faraile o le vaiaso nei ua fa’atulaga e faia ai le iloiloga a le komiti o Mataupu tau Tulafono a le Senate, mo le iloiloina lea o tofiga a le ali’i kovana i le afioga ia Toetagata Albert Mailo, e toe filifilia ia o ia e avea ma Fa’amasino o Mataupu tau Pulega.

O lenei iloiloga sa fa’alua ona tolopo mai ona sa toesea le ali’i fa’amasino mai le atunu’u, ona sa auai atu o ia o se tasi o Ofisa mo le au si’isi’i u’amea mamafa a Amerika Samoa, i ta’aloga a le Pasefika lea na talimalo ai le atunu’u o Niu Kaletonia.

O le afioga i le ali’i Senatoa ia Lualemana Faoa o le a fa’atautaia lenei iloiloga.