Login

Su e le tiamaa le faili a le RSA i le pueina o a latou pese

Tama o le Tiamaa mai Toamua, Pagamalie Iopu Faivalu (agavale) ma Nuualiitia Fafo Aulalo (taumatau) ma le alii faasalalau o le 2AP, le tofa Vaasiliega Iupati Lagaaia i tua o le ofisa o le 2AP i Mulinuu. [Ata: Naenae Productions]

Ua faaulu le tagi a le aufaipese lauiloa o le Tiamaa mai Toamua e faasaga i le pulega ma le faili a le RSA mo le tapueina o a latou pese ma faatau atu i le atunuu lautele.

O lo o i Samoa i le taimi nei le taitai o le aufaipese o le Tiamaa, le susuga Nuualiitia Fafo Aulalo mo feutagaiga ma le latou loia. Na faaalia e Nuualiitia, e pe a ma le 10 a latou fatuga na pueina i kaseti ma CD e le faili a le RSA ma faatauina atu e le gata I Samoa ae faapea foi i tagata Samoa o lo o alala I atunuu I fafo. E pei ona silafia, o totino o le aufaipese o le Tiamaa e aofia ai Nuualiitia Fafo Aulalo, o lona uso o Fale Aulalo ma le susuga Pagamalie Iopu Faivalu ma o le tele o a latou fatuga i le vaitaimi na faatoa amata ai, sa pueina i le uaealesi faasalalau o le 2AP.

O le aso la ananafi na asiasi atu ai Nuualiitia ma Pagamalie i le 2AP e saili ni kopi o ia pesega tuai na pueina i le vaitaimi ae lei faaaogaina ni kitara e alu i le uila, ina ia faamaonia ai le latou mau i le faamasinoga. O lo o molimau mo le Tiamaa nisi o alii faasalalau iloga sa faigaluega ai i le 2AP i lena vaitaimi, le tofa Apulu Laneselota Polu ma le tofa Vaasiliega Iupati Lagaaia lea o lo o faigaluega lava i le 2AP e oo mai lava i le taimi nei.

O le vaiaso fou o le a amata faagasolo ai lea mataupu i le faamasinoga.

 

 



THE NEW COMMENTS PROCESS

To make comments, you will need to register. You can register under your real name or use a 'screen' name. This way, people will be able to follow comments and make comments back and forth to each other. If you choose to use a 'screen name' no one will know your true identity. In either case, no email addresses will be available to anyone. It is an automated process. If you have questions, email: webmaster@samoanews.com

You currently are not logged in, please LOGIN to post comments.